الزوج .... وآثار جروح عملية الشد

[كلـــــي غنج]

السلام عليكم

مبارك عليكم باجي الشهر

بنات انا احترت وين احط موضوعي وحسيت اهنيه ممكن القى المساعدة :eh_s(22):


بنات انا من شهرين مسوية شد لزنودي وبطني من بعد التكميم :yaaaaaarb:

وانخطبت ولله الحمد

هل الافضل انه امي تقول لأم الولد من الحين ؟؟ ولا متى ؟؟

وانا للعلم ان شاء الله بسوي جلسات ليزر عشان يروح الاثر:eh_s(2):


شنو الافضل تقول لها ولا لا ؟؟

انه بنتي مسوية عملية شد وفيها اثر الجرح موجود ولا سكيّتي ؟؟

هم مانبي نغش الاوادم

شرايكم :eh_s(10):

دعواتكم ربي يتمم على خير وجزاكم الله خير

 

[ii DareeN ii]

انا اعرف وحده كانت مسوية شد لبطنها قبل الزواج وبلغو اهل المعرس ان ترا البنت مسوية شد والحمدالله مشى الزواج والله تمم عليهم الافضل انج تبلغينهم

 

[** رش رش **]

المشكله الناس عقلياتهم و تفكيرهم يختلف
يعني في ناس مجرد ما تسمع عمليه وشد و أثر علبالهم الجسم متشووه و العياذ بالله
و في بعض الرجاجيل يمكن ما ينتبه للشي عدل او يكون عادي بس اذا كلمتيه عنه تزيدين انتباه له و يصير لا شعوريا عينه ما تطيح الا على الشي الي نبهتيه عليه
تبين رايي ..... ماله داعي اتعلمينه و لا تعلمين امه
هذا جسمج انتي و محد له حق يحاسبج عليه .... دام انه مافي شكل مشووه حييل و اثر قوييي عادي كملي زواجج بخير و انتي كلج ثقه
بعدين شكووو تغشين الاوادم .... هذا مو عيب شرعي فيج هذا شي خاص و كان قبل زواجج سويتيه

و هذا رايي الشخصي

 

[afaf]

انا مع لاخت رش رش حبيبتي لاتقولين ولاشيء تيسري الله يوفقج يارب
انا اذكر رفيجت نفسج ماقلت ولاشيء قالت غزرتها كريم اساس الخافي لعيوب

 

[اميره1980]

حبيبتي في سالفة لازم تقولينها اول و هي انج مسويه تكميم
ترا على حسب عقلية الناس في ناس ما يرضون انج مسويه تكميم و مسويه عملية شد
انا اعرف وحدة خطبوها بس الخطبة فلوها تدرين شالسبب؟؟ ان ويه البنيه في اثار حب شباب قديمة خفيفة مع ان البنت تهبل لكن خطيبها انتبه على اثر حب الشباب و رفضها
من البداية علميهم احسن بدل لا تصير مشاكل بعدين

 

[كلـــــي غنج]

والله مادري


انا بستخير وبشوف

بس حطيت نفس الموضوع بركن العروس واغلب البنات قالوا لاتعلمين

وانه هذا شي شخصي


انا قررت ما اقول لان ان شاء الله بالليزر بيروح الاثر ف ماله داعي ابطل عيونهم

بس هم بستخير والله يسهل

مشكورين بنات ماتقصرون

 

[freethinker]

انا مع رش رش

وثاني شي ترى الجروح تروح مع الايام < شفي جنه صار شعر موزون هههههههههه

يعني عطي نفسج 6 شهور راح تخف وايد وتصير نفس السترج مارك ! واماله داعي تحطييين كريم شدعوه ريلج طبيب تجميل بيحس ؟ قوليله طايحه ( << نصابه )



وبعدين اذا شافج راح ينثول بجمالج ( قولي امين ) وماراح يلاحظ هالاشياء *_*

 

[كلـــــي غنج]

حبيبتي والله كلامج. يونس

اهم شي انه ينثول بجمالي وينسى الجروح هههههههه
ياحلوج

دايما اشوفج بالقسم تسولفين وتساعدين الكل

مشكورة وربي يوفقج ويسعدج يارب

 

[gmar al-kuwait]

الله يحليج بعينه ومايشوف فيج عيب امين

 

[كلـــــي غنج]

امين يارب العالمين

جزاج الله خير يالغاليه ولج بالمثل يارب
موفقه يالغاليه

 

[كلـــــي غنج]

امين يارب العالمين

جزاج الله خير يالغاليه ولج بالمثل يارب
موفقه يالغاليه

 

[$نرجس$]

كلللللللللللللللللللللوووووووووووووش الف مبرووك لاايكوون اخوو عليااااااا هههههههههههههخخخ الف مبرووك ياااقلبي

وفي لييزر وكريماات ومووو لاازم اتعلميين اذاا الرجاال رااح يقتنع بكلاامج انج مسوييه تكمييم شفكج من الحرييم وسواالفهم ولااا االريااجييل اخواانه بنغزوونه بالكلاام الله بوفقج ويسر امرج وفكري عدددل اخذي وقتج ونصييييحه من اختج اخذي نصييحه احد مختص بالامور النفسيه دكتووره ولاا دكتور اسئلييه اهم ادرى برده فعل الرياجييل شوفيهم من الجانب النفسي

 

[$نرجس$]

فرررررررفررررر هههههههههههخخخخخخخخ صج نصااابه ههههخخخخخخخخخ لااااااايحوووشك ههههههههههه
غننج ههههههههههههههههههههخخخخخ ااااااااااااخ بطني بينثوووول ان شاااااءالله وينطم بعد

 

[كلـــــي غنج]

نرجوسة
ههههههههههههههههههههههه اي اخو عليا

عاد تخيلي

الله يبارك بعمرج حبيبتي

ادعيلي ربي يتمم على خير

واغلبية البنات قالوا مثل رايج
وان شاء الله خير
ونسني ردج يالغاليه


احبج

ههههه تشوفين رد فرفر فطسني ضحك ياحلوها

 

[بطوووطة$بيضة]

لا كلش ماله داعي اتقولين

اذا فيج تشوه اوكي ممكن اتقولين

بس اثر عمليه ولا اثر شي كلش ماله داعي حبيبتي

بس انتي اهتمي ابنفسج علشان يروح الاثر عدل او يخف

 

[كلـــــي غنج]

عدل كلامج

والحمدلله الاثر مو قوي مجرد خط اضعيف
وان شاء الله يروح
لاني بسعى واسوي جلسات ليزر والله كريم

مشكورة حبيبتي لاهنتي

الله يوفقج

 

[AmOoNa-]

انا مومتزوجه بس من خلال خبرتي بالعنصر الرجالي اللي عندنا بالبيت اخوي دايما يقول لاتقولون جدام الريال شي تره حتى لو كان منتبه عليه ماراح يهتم الا اذا انتي كل ساعه تكلمتي عنه ونبهتيه

 

[كت كااات]

لا تقولين لهم ولا شي مو لاازم هذا شي خاص فيج بروحج مو لازم يعرفون

 

[كلـــــي غنج]

امونــا
والله خوش كلام

الله يوفقج ويخليلج اخوانج ويسعدج يارب
اشكرج يالغاليه

، ، ،


كت كات

رايج مثل راي الاغلبية والصراحه حيل اقتنعت بكلامكم

وفعلا اقنعتوني انه شي شخصي ومحد له شغل فيه
اشكرج يالغاليه عسى ربي يوفقج ويسعدج

 

[حرم حبيبها]

حبيبتي وين سويتي الشد

توني مسويه تكميم بس بطني واااايد عود

واحاتي حيل