الزوج وتويتر. عادي عندكم

[Reelax]

مساء الخييير

بنات لو زوجج ضايف بنات بتويتر ويكلم هم بمواضيع عامه مثل كوره او يضحك ع برودكاست وجذي يعني


شراااايج بتحسين أهانه لج وهو كاتب اسمه علني. ولا تشوفين شي عادي.

 

[Your Dream]

لا مؤ عادي

إذا اهو يسمح أحاجي شباب هذا شئ ثاني

ومستحيل يسمح

وانتي تقولين كاتب اسمه هذي مشكله التوتر كلهم جذي مادري ليش ؟؟؟؟؟!

انتي حاجيه وتفاهمي معاه انك غيره حييييل وما تتحملين تشوفينه يضحك مع غيرج

موفقه ،

 

[حبيبي مالكني]

الحمدالله ريلي لا يحب تويتر ولا فيس بوك
بس اذا كان يكلمهم بالعام وباسلوب محترم من الطرفين ليش لا
انا اكلم شباب في تويتر بمواضيع سياسية واجتماعية بكل احترام متبادل

 

[زوجة عزيز]

كاتب اسمه علني لالا وحتى لو موكاتب اسمه ماسمح انا بهالشي لا بصراحه مايمشي عندي هالكلام

 

[M!SS.LOBY]

حبيبتي التويتر صار موضوع عادي ككل الرياييل عندهم وين المشكلة

التويتر صار فيه نشاطات وايد ومناقشات فا لا تحاتين

 

[Zinab BH]

عامل الناس كما تحب ان يعاملوك فاذا بيرضى اكلم بالتويتر شباب انا برضى يكلم بنات

 

[شادن33]

التوتير عادي

انا ريلي ضايف بنات بس اغلبهم صحفيات وكتاب ومؤلفين
عادي اقرا جدامه وافتح وابطل

بس ما ادخل ع الخاص واشوف شنو رادين
كلن يعرف ربه مالي خلق اعور راسي
واللي بالجدر يطلعه الملااااس ههههه

 

[الأميرة جوري]

عادي أختي الكل يضيف ويدش ويتناقشون

 

[ماكواسم2]

انا بصراحه مو عادي بس شسوي طبيعة عمله لازم .. فمسوية روحي متفهمه

 

[Reelax]

مشكوووورين بنات. بس هذا مو ريلي هذي وحده اعرفها حيل زوجها جذي. وقالت لي قلت مدام كاتب اسمه معناتها عادي عنده الوضع وواثق انه مو شي غلط. بس هي منقهره ان في وايد رياييل من جماعتهم مو ضايفين ولا بنت

 

[al-musk]

مدام باحترام ومراعي الذوق العام عااادي وهالشي صار عند الكل .. خلها ساكته ولاتفتح على نفسها باب.. تويتر هبه مثل اي شي بعد فترة يطخون عنه الناس والحين اصلا طاخين الكل بالانستغرام

 

[اميره^_^بحلآها]

دام في احترم بينهم عادي

 

[امـ خــزامـى]

مع البنات

 

[صعبه]

صج شي يحر انا ماستحمل

بس الحمدالله ريلي عنده اكاونت انا البنوته الوحيده اللي مسوي لها فولو لووول

^ـ^

 

[حلآوهـ حلوهـ]

مع اني وايد اغار >< بس عادي اذا كان بأسلوب محترم وبموضوع عام ..

 

[Reelax]

بنات انا قلت لها عن ردوودكم.

قالت هو صج محترم وضحك ع برودكاستات




بس تقول مرررره وحده سالت عنه وساعدته بشغله


قال لها مشكووووووووره يالغلا ماقصرتي وكذا مره يرددها مع وحده

وان اخوانه وجمعتهم مؤ ضايفين بناات تحسه أهانه لها

 

[في قلب البحرين]

اي واحد بيسوي جي قبل لايسمح لنفسه خله يسمح لزوجته بعد تسوي بالمثل
مادري ليش ليلحين عايشين بالجهل انا عادي وانتي لا ...

الله يعين بس وهل تويتر يا انه فيه بلااااااااوي
اهو صور اهو فيديوات اهو كلام اهو ناس هااااااابطه
ياريت اي برنامج بينزل يحطون له ضوابط وناس تراقب وتمسح وتمنع دخول هل اشكال مب بس علشان الازواج لا والله فيه مراهقين فيه يهال في بنات فيه شباب فساااااااااااد والله العظيم الله المستعان بس

 

[Reelax]

في قلب البحرين انتي صاجه ومعاج حق الواحد تجيه اضافه من نك ورمزيه منحطه.
الكبير يقدر يبعد نفسه ومايفتح هالاشياء.
بس هالمراهقين اكيد بيدمنووووون ع هالصور والفيديوات.

 

[Tom ♥ Jerry]

,


انا رييلي يتناقش وياهم في مواضيع سياسيه و اجتمآعيه عآدي :*
بس مآ يظحك و يتغشمر وين قاعدين

 

[orange blossom]

الحمدلله ان ريلي يكره التويتر و ربعه كره مو طبيعي
بس لو كان يسوي جذي اكيد ما كنت راح ارضى
و اسوي له سالفه شكبرها