صباح الخير والغبره على البنات الحلوين
اللي مبتلشين بعمرهم ,,, مو عارفين يسبحون والا يلعبون سويدي
امس يا زميلاتي العزيزات
صليت العصر ولبست هالجينز .. وجوتي الرياضه تكرمون ( يعني رياضيه)
وادق الموتر سيلف واشخط بهاللومينا وسيده الشاميه
وحطت بي الرحال عند البوابه الرئيسيه لمبنى كلية التربيه الاساسيه بنات
اللي في قطعه 9 ... اطبعا افتريت على المبنى لين لقيت البوابه
ولما البوابه اقتحمتها ..
نزلت افتريت دورت وين حمام السباحه
واذا بي اشم ريحة الكلور .. ولان حاسة الشم عندي
اتحدى فيها البوليسيين ( اسم الله علي)
لقيت حوض السباحه ...
والله لوما الفشله والحيا جان طبيت بهدومي
شكل الماي يشوق حيل .. والبنات الل يكانوا بالحوض
مشتطين بالتمارين ذكروني في بطولة السباحه اللي يرقصون فيها
انزين انا الحين ابي احد اسأله
شفت وحده بره الحوض ..
انا : السلام
الوحده : وعليكم السلام
انا : حضرتج استاذه آمال ؟
الوحده : ايمان وتضحك
انا: الله يعطيج العافيه استاذه انا حابه اسجل معاكم
أ. ايمان : اهلا وسهلا تشرفينا بس احنا حنخلص بعد اسبوع
انا : امممم يعني مافي مجال <--- طبعا ضاق خلقي
أ. ايمان : في دوره تبتدي يوم 24 انشاءالله سجلي معانا
حرام تسجلي في دي أحسن انتهت ابتدي بدوره قديده علشان تستفيدي
انا: خلاص اوكي بس متى وقتها ؟ --> طبعا كنت متشققه
أ. ايمان : من السبت الى الثلاثا من الساعه 6 الى 8
انا : وحضرتج اللي تعطينها ؟ ( لان سارا ديور حذرتني من الاستاذات الثانيين انهم اي شي)
أ.ايمان : ايوا انا ان شاءالله
انا : طيب استاذه شنو تطلبون ؟ شنو اييب معاي ؟
أ.ايمان: ولا حاجه غير رقمك المدني و25 دينار والمايو ( وتضحك)
انا : خلاص اوكي مااعطلج استاذه ان شاءالله اشوفج بعد اسبوع
وسلمت عليها وطلعت
الحوض حلو ومغطى وكبير
وحتى الحمامات تكرمون طليت فيهم ولقيت السيلانيات قاعدين ينظفونهم
مع انهم نظاف ,,, وفي غرف حق تبديل الملابس وعدد كبير وكافي
بس لاحظت شغله ان في يهال
ويهال شباب مو بنات ... ماحبيتها بصراحه
لانهم اسم الله عليهم شكلهم يفهمون يعني مو صغار حيل
على 5 و 6 سنين ..قاعدين على طرف الحوض وكل واحد لابس نظاره ويلعبون
المهم من وناستي
سيده رحت الرياضي وخذيت لي مايوهين يدد
الحمدلله والشكر جنه ماعندي بالبيت ثلاثه
بس قررت بعد الاتكال على الله ان يكون هذا النادي اللي راح اقضي فيه
عطلتي الصيفيه ..
وياليت اشوف بنوتات من المنتدى معاي هناك
سارا ديور اذا كنتي موجوده امس ...
ترى انا اللي ييت وكنت لابسه اسود وجنطتي فضيه
اللي مبتلشين بعمرهم ,,, مو عارفين يسبحون والا يلعبون سويدي
امس يا زميلاتي العزيزات
صليت العصر ولبست هالجينز .. وجوتي الرياضه تكرمون ( يعني رياضيه)
وادق الموتر سيلف واشخط بهاللومينا وسيده الشاميه
وحطت بي الرحال عند البوابه الرئيسيه لمبنى كلية التربيه الاساسيه بنات
اللي في قطعه 9 ... اطبعا افتريت على المبنى لين لقيت البوابه
ولما البوابه اقتحمتها ..
نزلت افتريت دورت وين حمام السباحه
واذا بي اشم ريحة الكلور .. ولان حاسة الشم عندي
اتحدى فيها البوليسيين ( اسم الله علي)
لقيت حوض السباحه ...
والله لوما الفشله والحيا جان طبيت بهدومي
شكل الماي يشوق حيل .. والبنات الل يكانوا بالحوض
مشتطين بالتمارين ذكروني في بطولة السباحه اللي يرقصون فيها
انزين انا الحين ابي احد اسأله
شفت وحده بره الحوض ..
انا : السلام
الوحده : وعليكم السلام
انا : حضرتج استاذه آمال ؟
الوحده : ايمان
وتضحكانا: الله يعطيج العافيه استاذه انا حابه اسجل معاكم
أ. ايمان : اهلا وسهلا تشرفينا بس احنا حنخلص بعد اسبوع
انا : امممم يعني مافي مجال <--- طبعا ضاق خلقي
أ. ايمان : في دوره تبتدي يوم 24 انشاءالله سجلي معانا
حرام تسجلي في دي أحسن انتهت ابتدي بدوره قديده علشان تستفيدي
انا: خلاص اوكي بس متى وقتها ؟ --> طبعا كنت متشققه
أ. ايمان : من السبت الى الثلاثا من الساعه 6 الى 8
انا : وحضرتج اللي تعطينها ؟ ( لان سارا ديور حذرتني من الاستاذات الثانيين انهم اي شي)
أ.ايمان : ايوا انا ان شاءالله
انا : طيب استاذه شنو تطلبون ؟ شنو اييب معاي ؟
أ.ايمان: ولا حاجه غير رقمك المدني و25 دينار والمايو ( وتضحك)
انا : خلاص اوكي مااعطلج استاذه ان شاءالله اشوفج بعد اسبوع
وسلمت عليها وطلعت
الحوض حلو ومغطى وكبير
وحتى الحمامات تكرمون طليت فيهم ولقيت السيلانيات قاعدين ينظفونهم
مع انهم نظاف ,,, وفي غرف حق تبديل الملابس وعدد كبير وكافي
بس لاحظت شغله ان في يهال
ويهال شباب مو بنات ... ماحبيتها بصراحه
لانهم اسم الله عليهم شكلهم يفهمون يعني مو صغار حيل
على 5 و 6 سنين ..قاعدين على طرف الحوض وكل واحد لابس نظاره ويلعبون
المهم من وناستي
سيده رحت الرياضي وخذيت لي مايوهين يدد
الحمدلله والشكر جنه ماعندي بالبيت ثلاثه
بس قررت بعد الاتكال على الله ان يكون هذا النادي اللي راح اقضي فيه
عطلتي الصيفيه ..
وياليت اشوف بنوتات من المنتدى معاي هناك
سارا ديور اذا كنتي موجوده امس ...
ترى انا اللي ييت وكنت لابسه اسود وجنطتي فضيه
