السرقه والبوق عيني عينك جذيه بمركز سلطان ............احداث sara miller

[sara miller]

مرحبا ياحلوين​

انا اضطريت اتكلم بالموضوع لما جفته زاد عن حده وشفت الجراه ​

زادت والوقاحه والاعذار الى ماتغني ولا تسمن من جوع​

هل لانا طيبين وكرما زياده عن اللزوم صارت السرقه والبوق​

عيني عينك بهالجرأه​

ادري معظمكم لرحتوا تعبون بنزين ولا تطلبون من مطعم وبعد​

ماتحاسبون تلاحظون اشلون العامل يتعذر برد الباجي من ​

الحساب​

لان ماكو خرده ولا الخ واحنا على ويها نحتسب الاجر لما صارت ​

عاده ​

وقاموا مايردون لنا باجي الحساب جنا غصب علينا ​

لكن الي صار لي بمركز سلطان over تخيلوا 3 مرات ماترد باجي الحساب الكاشيره وبدون حتى اعتذار وانا استحي اتكلم مع انها هي ماستحت بالبوقه​

وكلمتهم بهدوء.............وماكوا فايده اخر مره بطيتها وزفيت الكاشيره وقلتلها جدام الزباين ليش ماتردين الباجي انحرجت وقالت مافي بالصندوق​

الله واكبر مركز سلطان مافي بصناديقه خرده فقلت لها يعني ماتقدرين تاخذين من الكاشير الثاني على الاقل قولي انا يا أسامح يا اصر على حقي ,,,,,,,,,,,,والله ماكنت اراجع فواتيري قبل الا يوم صار لرفيجاتي نفس الحركه قبلها بفتره واخر مكان اتصور يصير فيه جذيه​

وماقدرت اسكت صراحه عذرها وتصرفها حسسني ان احنا الكويتين لاقين فلوسنا عالخالي بلاش​

فرحت واشتكيت لمدير السوق الموضوع وطلبت انه بدون قطع ارزاق لان صراحه مركزسلطان مشهور وله سمعه والعاملين قاعدين يخربونها خاصه لما شفت كثير من الكاشيريه الي هناك نفس الحركه..................​

المقصود بالموضوع مو مركز سلطان نفسه لاء بالعكس المسؤل مارضا وتضايق بس انا ماكبرت السالفه​

المقصود احنا يابنات لو احد يبي منا 5 فلوس وماعندج خرده صرفولج 20 د.ك انتبهوا عالفواتير من اي مكان وراجعيها​

ارفيجاتي صارت فيهم هم بمركز سلطان والجمعيات ال2 ووحده من رفيجاتي ​

لما حاسبت بالكنت بصيدليه حط العامل بدال 15 د.ك 150 د.ك بدون ماتنتبه وافقت عالعمليه​

وبلغوا المسؤلين عن هاالعمال لانهم مو بس يبقونا عني عينك لا هم يشوهون سمعة المكان​

واسمحوالي عالاطاله​

 

[kuwaitya_zoGaa]

صاجه ... وصح السانج
عيبنا يالكويتيين نستحي وشايفين خير ومانحاسب وراهم

 

[kunooz]

صار لى هالموقف اكثر من مره في دار الشفا
بس اسكت ما اتكلم الصراحه والله استحى و على قولتج اهم ما استحوا و احنا اللي نستحى !!

 

[softlady]

امبيه هذا اي فرع ؟؟

 

[زهرااا]

اي فرع هذا ؟؟؟
بصراحه انا ما اسكت عن حقي حتى لو كان 5 فلوووس .

 

[sara miller]

صارتلي هالسالفه بفرعين سلطان سلوي كذا مره واخر مره بسلطان السالميه والمشكله عطتني الفاتوره وامبينه فيها انها رادتلي الباجي شوفي القهر تبوقج وتبوق السوق

 

[عزوتي محمد]

صاجة والله مادرى ليش نستحى لين صارو يبوقونا عادى عينى عينك وكلمتهم المعروفه انتم كويتيبن لين فقرونا وراحت بركة رواتبنا الله يعين

 

[املى كبير]

اى والله صارت الدنيا هنيه سمردحه الاغراب على كيفهم

 

[وهج الحب]

انا صارلي بالكويت مرة كنت اشتري جلبية وكنت اقول لزوجي يعني ثمنها 3000 بفلوسنا وعطيت البائع المصري البطاقة حتى يسحب ..ولف الجلبية لي واعطاني البطاقة بامشي الا زوجي يقوله واين الورقة اللي يطلعها اله الا يقول سوري لازم اخذه قلتلة صج بس هي اثنتين واحدة لك واحدة لنا ..وفتح الدرج واعطانا اياه وتوني امشي الا يقولي زوجي انا ماثق به عطيني الورقة الا ساحب 3000الا اقول حرام ظلمته الا يقولي ايش ظلمته الا ماخذ عليك 30000 والجلبية بالكويت 300 ويوم رجعنا توهق وقال انا اسف صحيح تعالوا بكرة ارجع الباقي لكم وقلنا والله ما نتحرك الا ترجع الفلوس وقال ما عندي المهم راح عنا ورجع بعد فترة بفلوس ايش كثرها اظنها لقطها من المحلات لانها ترست شنطتي من عشرات وفكات ايش كثرها ..
ومن يومين كنا بفندق نتقهوة الا صاف علينا 250ريال واحنا كل اللي شربنا كبتشينو وتركش كوفي وماي وطلعت الجرسونه صافة علينا فلوس زيادة حاطة كيك وعصير وو..
صج عيبنا الحيا ..والله الباياعين اذا قلنا لهم نزلوا قالوا النص تجيبونها قبل الريال

 

[~*~الملكة~*~]

الغلط الاول والاخير علييييكم

ليش تسكتوووون ليش ماتقولون وين الباجي

انتو قاعدين تخلووونهم يتمااااااااادووون

اذا انتي سكتي وانا سكت وفلانه اسكتت على بالهم ان الكل

نفس الشي متساهلييييين وعلشان جذي صار البوق عيني عينك

 

[ايمان80]

عادي ..
عبالهم لاقين فلوسنا بالسكة
حسبي الله عليهم صار البوق اشكره بكل مكان
الهندي والفلبيني والمصري والسوري والدنيا كلها قامت تبوق
واحنا يالكويتيين عشان الكشخة والبرستيج جدام الناس نسكت عن حقنا واهما حييل نهب فينا
هذي الكويت صل على النبي!!!!!

 

[هاجر الكويت]

الله يخلي ديرتنا لنا ويحفظها ويحرسها من عين العدو والطماع

بنات لا تسكتون على هالسالفه ولا تستحون هذا حق وفلوسنا تعبانين فيها شغل وروحه وييه ومو عيب

 

[شنكولة]

لاحول ولاقوة الا بالله

 

[• قلبه نصيبي •]

ماعمره صار فيني هالشي وان شاءالله مايصير
حسبي الله عليهم

 

[Stylista_Q8]

بس مرات تكونين مستعيلة وما تستوعبين الا بعدين

واذا فات الفوت ما ينفع الصوت :×

ومشكووورة ع الموضوع حبيبتي

 

[spanish-girl]

مشكوره على التنبيه

 

[sweet barbi]

اى والله صاجه احنا بعد عودناهم مانجيك وكله مستعيلين جنه لاقين لفلوس بشارع والله يعلم الكويتين اغلبهم اقصاد وقروض

 

[AL 3la]

ولا مره لاحظت من اليوم وطالع راح انتبه
مشكوره

 

[sara miller]

مو هذا الغلط انا ما نلاحظ احفظوا فواتيركم وراجعوها وبتشوفون البوق........والمطاعم هذي علــــــــــــــــــوم ثانيه والله يابنات عندي وحده هنديه تقول بويهي اشكره الكويتيين صايرين بخله بخل والله انقهرت لما قالتها رغم انيمااقصر عليها بالفلوس والهدايا والاكل والثياب وهي نفسها تقول عفش بيتها بالكويت وبالهند منا وهم احنا بخله تخيلوا..........ولتكلمتي رفعوا الخشم واشكره انتوا يالكويتيين فارقه معاكم........يالله الله سبحانه يعطينا على نيتنا

 

[sara miller]

انا صارلي بالكويت مرة كنت اشتري جلبية وكنت اقول لزوجي يعني ثمنها 3000 بفلوسنا وعطيت البائع المصري البطاقة حتى يسحب ..ولف الجلبية لي واعطاني البطاقة بامشي الا زوجي يقوله واين الورقة اللي يطلعها اله الا يقول سوري لازم اخذه قلتلة صج بس هي اثنتين واحدة لك واحدة لنا ..وفتح الدرج واعطانا اياه وتوني امشي الا يقولي زوجي انا ماثق به عطيني الورقة الا ساحب 3000الا اقول حرام ظلمته الا يقولي ايش ظلمته الا ماخذ عليك 30000 والجلبية بالكويت 300 ويوم رجعنا توهق وقال انا اسف صحيح تعالوا بكرة ارجع الباقي لكم وقلنا والله ما نتحرك الا ترجع الفلوس وقال ما عندي المهم راح عنا ورجع بعد فترة بفلوس ايش كثرها اظنها لقطها من المحلات لانها ترست شنطتي من عشرات وفكات ايش كثرها ..
ومن يومين كنا بفندق نتقهوة الا صاف علينا 250ريال واحنا كل اللي شربنا كبتشينو وتركش كوفي وماي وطلعت الجرسونه صافة علينا فلوس زيادة حاطة كيك وعصير وو..
صج عيبنا الحيا ..والله الباياعين اذا قلنا لهم نزلوا قالوا النص تجيبونها قبل الريال

هذي مطبق مثل لبقت بوق جمل عفيا على ريلج والله