السرير التفخ شلون يصلحونه و يرقعونه

[اميره1980]

السلام عليكم
الموضوع باين من العنوان

انا شريت سرير اللي ينتفخ بالكهرباء و يعبونه بالهوا عن طريق الكهرباء
بس انشق على جنب و ابي ارقعه او اخيطه
ابي احد يعرف مكان يرقعه او يصلحه حقي لاني احتاجه ضروري
و اللي يعافيكم اللي تعرف وين يصلحونه تبلغني باسرع وقت
مشكورين وايد

 

[أم يزيد &سديم&]

حيبتي ما حبيت أقرأ موضوعج ولا أرد عليج
بس دخلت لكي أرفع موضوعج حيــــــــــــــاتــــــــــي
واللي يسهل دربج

 

[ام شملاني]

اختي وديه محلات الالعاب اللي بشارع خالد بن الوليد بشرق اهم اعرفون اسوونه

 

[اميره1980]

مشكورين حبيباتى لرفع الموضوع

 

[مارشيلو]

سالي اذا يصير يسويه المحل اللي يصلحون فييه القواري

لانه اتوقع طريقته نفس طريقة التيوب لما ينرقع

 

[بنت الكويت العسل]

تلقين لزقات رقع له عند ايس هاردوير وتروفاليو تحت مع الصمغ مالها

 

[كابشينو]

مرحبا انا صارتلي نفس المشكلة واشتريت الصمغ من ترفاليو وحاولت ارقع فية مانفع ولله كاهو مقطوط عندي مو عارفة شسوي فية اذا عرفتي الحل بلغينا

 

[بنت الكويت العسل]

شكلج ماعرفتي شلون تسوينه سئلي البايع اللي تلقينه بالقسم لانه احنا عندنا كره رقعناها قبل وماعليها مشاكل

 

[ماريمار الكويت]

شوفي حبوبه انا شريت النطاطيه النفخ لليهال بعد اسبوع نفس الشي على جنب انشق
اتصلت بالشناكل للالعاب اللي عندهم نطاطيات سوالهم رقعه ورجع اتفخه 5 دنانير
بس غيرت تلفوني وراحت الارقام للاسف بس اذكر ان العاب شناكل بالجابريه اخذت رقمهم ب 808080 ماخته يبيعون نطاطيات

 

[(المباركيه)]

بنات ادري داشة عرض بس بغيت اسال عن هالسرير مريحة النومة عليه ولا لا