السفرة الذكية

[fat]

انا بروح مع قروبات يعني ابي مصروف الطلعات والاكل والباصات والاشياء الغير تشري

 

[fat]

ياليت تقولين مطعم كويس ورخيص والاهم حلال مثل الوجبات السريعة بجم الوجبة وسامعة يمدحون البرد من وين اشترية وبجم

 

[^^ام ميمي^^]

حبيبتي انا طول سفرتي ما استخدمت الباصات نهائيا لان كل رحله شامله المواصلات ووجبة الغداء وفي جم رحله بس اللي بدون مواصلات اخذتهم بتاكسي طبعا التاكسي غالي بس الموظفة الاماراتيه اللي بمكتب لاوند انصحتني وقالتلي اذا تقدرون على التاكسي افضل لكم لان بيقطكم الباص بمكان بعيد عن اللي نبيه ونطقها مشي فقال زوجي ناخذ تاكسي افضل ونحجز التاكسي بالتلفون

والايام اللي بدون رحلات قولي تقريبا المصروف يمكن حق اللي بيدش الالعاب اللي بالسنتر و القهاوي و المطاعم يطلع تقريبا مصروف على شخصين 100 دينار

وفي ايام ماراح تصرفون لانكم بتردون من الرحله تعبانين بس يمكن تنزلون السنتر تتعشون قولي بماكدونالدز وتعرفون اسعارهم او غيره يعني وجبات سريعه

وتتمشون << مجانا

 

[fat]

انت رحتي كل الاماكن مثل سن شاين والجزر وبريزبن وشنو فيهم وجم المسافة على جولد كوست

 

[^^ام ميمي^^]

ياليت تقولين مطعم كويس ورخيص والاهم حلال مثل الوجبات السريعة بجم الوجبة وسامعة يمدحون البرد من وين اشترية وبجم

المطاعم الحلال او العربيه انا ما طبيتها الصراحة الا مطعم ايراني واحد ومو ذاك الزود يعني عادي

لان انا كنت اشتري من السوبرماركت اللي بالسرداب بالسنتر تحت هارد روك وايد رخيصة واطبخ بالشقه وشريت نجتس دجاج و نقانق وجبن من مكتب لاوند حلال

وشبس و زيت و خبز وبيض و خضروات بسيطه يعني خس طماط رقي برتقال وماي و سفن هالسوالف من السوبرماركت

وكل مره اسوي بالشقه شبس مع سندويشات نقانق مع خس وطماط او نجتس وجبات سريعه وبنفس الوقت رخيصة

وسويت مره بالشقه غداء او عشاء معكرونية بالنقانق

والريوق يا من ساب وي او بالشقه بيض وطماط و جبن وزيتون

والايام الباقي من ماكدونالدز او شاورما تركيه بالسنتر ما يحتاج وصف انتي بس من اطبين السنتر وتاخذين فره فيه راح اتشوفين كل اللي اقولج عليه

وبالنسبة للبرد ااااااااه يالبرد عجييييييب ولذييييييييذ بالسنتر بعد يصير بالارضي فوقه هارد روك وتحت السوبرماركت


وعلى فكره اذا ضيعتي اي شيء او مالقيتيه انتي بس سألي مكتب لاوند ويعلمونج

 

[^^ام ميمي^^]

انت رحتي كل الاماكن مثل سن شاين والجزر وبريزبن وشنو فيهم وجم المسافة على جولد كوست

للاسف لا وتحسفت اني مارحت

بس بريزبن تبعد عن جولد كوست ساعه تقريبا لان منطقة بريزبن المطار فيها

اعتقد بريزبن رحله تسوق

والباقي والله مو ذاكره وبالنسبه لرحلة السلطعون وحده كانت كاتبه ان يصيدون القباقب و يشوون لهم وياكلونهم

 

[fat]

شنو احسن الرحلات لان ما يمدي اروح لهم كلهم

 

[fat]

يعني في رحلات زفرة وتدمر كشختج

 

[^^ام ميمي^^]

شنو احسن الرحلات لان ما يمدي اروح لهم كلهم

انا جربت

قندولا القارب اللي بروحج انتي وزوجج وايد حلو وانصحج فيه غداء ومدته ما يتعدى الساعتين

وجربت الكروز تتعشين فيه وايد حلو بعد وفي باربيكيو وهالسوالف

وجربت العرض اللي عند مكتب لاوند كانت الرحله شامله ( عالم الاحلام + عالم الافلام + عالم البحار + الريف الاسترالي ) << كلهم حلوين بس عالم الاحلام ما يسوى مو حلو والعابه جدا عاديه ومكانه صغير وايد بس حلو حق التصوير

انفينيتي + صدق او لا تصدق <<< بالسنتر ورخيصه وتحجزين من عندهم بنفس الوقت انفينيتي دشيتها اكثر من مره ويكونون بيوم راده من رحله مبجر او يوم تخصصينه لهم اثنينهم مع التمشي بالسنتر لان بسرعه تخلصين منهم نص ساعه تقريبا او بيوم تكون عندج سهره بليل .

الاوت باك << استعراض حصن وايد حلو بعد مع عشاء بدون مواصلات

زنقارا << مسرح واستعراض ورقصات و مواقف مضحكه و ساحره ,,,,, الخ << اللي تغار لا تروح

انصحج تختارين وحده من الرحلات ليوم كامل سنشاين مثلا

يعني في رحلات زفرة وتدمر كشختج

بالنسبه لكشختج انتي من تحجزين الرحلات تعرفين شنو الرحله اللي تسوى تكشخين فيها والرحلات اللي تلبسين ترننقات وهالسوالف يعني الرحلات انصحج تلبسين سبورت و السهرات بليل عاد كشخي فيهم

 

[fat]

تشكرات تشكرات

 

[Loora]

اولا نبدي بالاوت باك (( عبارة عن عرض خيول وايد حلوووو وممتع يعطونكم كبابيس مثل ملوت الكاو بوي ويسألونك عند الباب اذا تبي هاند فري ترجمه والا عادي انا زوجي يقول هذي الرحله الوحيده اللي احس اني فاهم فيها لان سماعات حاط ويترجم اذا طلع شيء يضحك يضحك ))

للاسف بالبروشور مو محطوط الاسعار .

زنقارا عرض ايضا يكون سهره بليل ما يصلح للي معهم اطفال

اسعار التذاكر للعرض فقط
الكبار 60 دولار استرالي
الاطفال 38 دولار استرالي

اسعار الغداء ( السبت والاثنين فقط )

الكبار 89 دولار استرالي
الاطفال 62 دولار استرالي

اسعار العشاء ( الاربعاء )

الكبار 67
الاطفال 47

الاطفال من عمر 5 سنوات الى 13 سنه فقط

جندولا القارب اللي قلتلكم عنه

من شخصين الى 3

1 ساعه 80 دولار
1ساعه ونصف 100 دولار
2 ساعه 130 دولار

من 4 اشخاص الى 6

1 ساعه 65 دولار
1 ساعه ونصف 85 دولار
2 ساعه 105 دولار

الاطفال

1 ساعه 40 دولار
1ساعه ونصف 50 دولار
2 ساعه 60 دولار

الوجبه زيادة 20 دولار على الكبار و10 دولار الصغار



مكتب لاوند ( رحلات )

البرونزيه

عالم البحار
عالم السينما
عالم الاحلام

الفضيه 1

عالم البحار
عالم السينما
عالم الاحلام
عالم الطيور والنحل

الفضيه 2

عالم البحار
عالم السينما
عالم الاحلام
الريف الاسترالي

الذهبيه

عالم البحار
عالم السينما
عالم الاحلام
عالم الطيور والنحل
الريف الاسترالي

جميع البطاقات متوفره : مع او بدون مواصلات مع او بدون وجبة الغداء مع مواصلات خاصه.

اثارة وتشويق

مغامرات بهلوانيه بالجو
سيارات السرعه
ركوب دراجات هارلي دافيدسون
الرمايه

مغامرات خفيفه

كارتينج
ركوب الخيل
رحلة المنطاد الجويه
رحلة على متن زورق سريع

رحلات طويلة

جزيرة فرايز الرمليه
مزرعة كورالبين
جبال اورايليز
مزرعة بيبرز الفاخرة
منتجع تانغالوما للدلافين

انشطة قصيره وممتعه

رحلة برمائية
انفنيتي
ماينوس فايف
برج المراقبه
عجائب ربليز
متحف الشمع

رحلات على المياه

ابحار في القنالات
صيد السلطعون
غوص
صيد السمك
باراسيلينغ
مراقبة الحيتان

رحلات ليوم كامل

رحلة الى مدينة بريزبن
رحلة الى صنشاين كوست
رحلة الى الجزيره
رحلة سفاري الى الجبال

سهرات لابد منها

استعراض الخيول ( الاوت باك )
حفلة استعراضيه ( زنقارا )
محمية كرامبين بالليل
عشاء على المركب ( كروز )
مطعم دراكولا
مراقبة الفلك

خدمات مكتب لاوند :

شحن جوي
تبديل العملات
نقل الى المسجد
بقاله عربيه
تأجير سيارات
سكن
تذاكر طيران داخلي
دورات اللغة الانجليزيه

للاسف رحلاتهم مو محطوط عليهم الاسعار

للعلم بنات الدولار الاسترالي اقل من الدولار الامريكي

مشكوووووووووووووووووووووووووووووووووووووووووووووووووووووره

يا ^^ أم ميمي ^^

:klhfl::tek:_03BA::klhfl::tek:_03BA:


والله صارلي يومين برد على الموضوع ,,,, والمنتدى قاعد يعلق معااااي

على العموم مشكوره وماقصرتي ,,,, تعبنااااج معانا

 

[fat]

اخجلتموني بتعاونكم معاي وما قصرتو

 

[Loora]

لا اشدعوووه فااااات

حاضرييييين لطيبيييين

والصراحه انا اهم شي كل يوم امر على مواضيعي ومواضيييعج

ولازم اررررد لو ارفع الموضوع

 

[Loora]

لا اشدعوووه فااااات

حاضرييييين لطيبيييين:sfg:

والصراحه انا اهم شي كل يوم امر على مواضيعي ومواضيييعج

ولازم اررررد لو ارفع الموضوع

 

[fat]

ما قصرتي

 

[fat]

ما قصرتي في بالجريدة الوطن حاطين سفريات كام مسوين قروبات لاستراليا ودقيت على الرابية قالو اول مايو بتنزل الاسعار وانا محتارة يا المسقبل او الرابية شنو تنصحيني في ؟

 

[Loora]

اي والله شفت الاعلان اليوم

بس هذي مو قروبات ,,,,,, رحلات عاديه تذاكر وسكن

انا اقول فري عليهم كلهم وشوفي الانسب لج

بس اهم شي يكون عندج خليفه عن اسعار التذاكر و اسعار الفنادق

وقارني مع الاسعار بالانترنت بعديكون احسن

 

[fat]

مشكورة حبوبة على ردج السريع انا ما اقدر بروحي لان احسن لي اروح مع قروب لان بروح مع عيالي واول مرة اسافر بروحي مع عيالي خلينا مع قروب والله يسهل

 

[Loora]

لا دااام جذي وضج احسن لج اتسافرين مع قرووووب

بعد سبحان الله لو تحتاجين شي اهناك ولا شي

يكون احد معاج بنفس الفندق ,,,,, والقايد بعد بساعدكم لو بغيتو شي

وفات نصيحه اذا بتروحين مع قروب روحي مع قروبات ثقه

واللى يمدحونهم :

المستقبل
السيد
الرابيه
الفصول الاربعه

 

[fat]

انا خايفة من شي واحد ومترددة ما ادري شسوي فلوسي ما ادري جم بودي معاي كاش واصرفهم دولار استرالي والباجي اشلون اخاف اودعهم بفيزا اخاف اتوهق ما تشتغل شسوي