السفر بالسيارة

[جوري99]

خواتى اللى متعودين على السفر بالسيارة اشلون تقضون الوقت حتى يمر بسرعه وخاصة اذا عندج جهال واشلون تشغلينهم وشنو تاخذين معاج لزوم البلعه لان الطريج اللى بروح له تقريبا 16 ساعة واشتصحين فيه وفيه شى ينوم الجهال وودى ابوهم بعد بس المشكلة منو اللى راح يسوق

 

[بخـــارى]

اذا 16 حولي يكون فيها استراحه
وبليل امشو لانه الجو حار
ودعاء السفر قولوه وتصدقوا وماله داعي السرعه وجيكوا عالتواير
وبالنسبه لليهال اشغليهم بالدي في دي الي عالشحن ومعاه شاحن
وودي معاج سناكس وماي للغسيل
بس حاولوا تريحون
وتروحون بسلامه يارب

 

[كلنا عشاق لكن]

غلاية أو جولة للشاي والقهوة أو الحليب
مع قلاصات وصحون بلاستيكـ



ثلاجة رحلات
وتحطون الأشيا اللي تحبونها مع توست وجبن
اهم شي عند كل محطة جيكوا ع السيارة وعبواا بنزين حتى لو العداد للنص
وإخذوا أرقامهم وأرقام المتاجر والإستراحات اللي إتمرونها :rerrerek: وسلاح أبيض هههه لأن بعض الإستراحات مقطوعة مافيها الأ العمال
بالنسبة للنوم بيتخدرون تلقائي كل ماطال الدرب
وحافظكم ربي وترجعون بالسلامة إن شالله
​

​

 

[توتاتوتا]

الله يسهل دربكم انسب وقت للسفر الفجر قال الرسول بورك لامتي في بكورها اذا فيه استراحات ريحوا بالطريق وللاطفال اي جهاز ايبود دفيدي دفاتر تلوين وعطيهم اياها اول ما تبدا الشطانه وخذوا ماي والباقي من البقالات عالطريق وبالتوفيق

 

[Om -TOota]

الافضل تحركون ورا العصر عشان الجو يبرد شوي وزين لمكينة السياره واخذي معاج قرآن عشان الله يحفظج

واخذي المستلزمات الضروريه لليهال ومطاره فيه ماي حار عشان اذا بتشربون شاي نسكافيه والله يسهل دربكم

 

[ورود كويتيه]

اهم اهم شي جيكوا على السياره واذا يبيلها شي قبل ماتمشون ~~~~~
والجوله الصغيره مثل ماقالت الاخت ..
وكل مامريتوا بقاله اشتروا منها..
وعيالج الالعاب طبعا هي اللي بتلهيهم من الازعاج والحوسه ..
والخوات ماقصروا

 

[ام خالد 78]

الله يسهل عليكم

 

[om_dodo]

الله يسهل طريجكم

 

[الشيخة@]

الله يسهل دربكم البنات ماقصرو

 

[bnt_kwt]

درب السلامه يارب
اهم شي الايبودات حق اليهال
والدفيدي الشحن

والقرآن والاذكار حقج وجم مجله

وحب ومكسرات حق ابوكم عشان لا يمل يتسلى واهو يسوق
وكاكاوات وعصاير وشبس بفك وحركات ههههه

والاهم من هذا كله انه ابوكم يجيك عالسياره من كل النواحي
التواير والمكينه وكل شي
وتوصلون بالسلامه وين ما تبون تروحون

 

[le3bah]

الله يسهل عليكم ويسمح دربكم حبيت اضيف شغله ماستغني عنها المناديل المبلله لليدين ضروريه للاطفال ولكم

 

[*ماي الورد*]

اهم شي راحة السايق
ضبطيه بمطارة الجاي او القهوة و الماي البارد و رد بول
و لا تاخذين اكل يخمر عليكم بالسيارة مثل البيض بعد فترة يسوي ريحة
و حزة الصلاة لازم توقفون تصلون و تريحون
و سولفي كثر ما تقدرين مع اللي بيسوق علشان تلهينه و ما يدوخ
و انتي انتبهي معاه بالطريج لان مرات اللي يسوق يغفل من التعب
اما اليهال يبيلهم دي في دي او كلما ناموا يكون افضل
و الله يسهل طريكم*

 

[*ريما*]

ان شاء الله توصلون بالسلامة

 

[التائبه لخالقها]

بالسلامه يارب وانا مثلج بس طريقنا يمكن 7 ساعات

اهم شي ينام ابوكم قبل السفر 6-8 ساعات واذا هو نويم اكثر من 8 ساعات ووفري له جو هادي عشان مايتقطع نومه

اخذي بطانيات الخفيفات داخل السياره لانهم يبردون وهم نايمين

انا عقدتي بالسفر صب القهوه والشاي لابونا لاني احطهم بالشنطه مالتهم تحت وصعب كل مابي اطلعهم وارجعهم

طبعا صمون وجبن قلاص يشبع وسهل

واذا اشتريتوا عصاير من الاستراحات اشتروا الي غطاها فر لانهم يشربون

شوي ويقولون مانبي ووتوهقين بالعصير وصعب كل شوي يهدي السرعه وتقطون وان خليتيه بالسياره ممكن ينكب

والجوازات خليهم بشنطه بروحهم وطارفين وبعيد عن اي شي ممكن يوسخهم

واممممم تروحون وتردون بالسلامه يارب ومشكوره الاخت الي ذكرتني بالكلينكس الرطب

 

[ba6boo6ah]

تروحون وتردون بالسـلآمة البنآآت مآقصرو

 

[أحلى همبه كويتية]

بالسلامة حبييبتي
دربكم خضر ان شاء الله


انا بضيف على كلام البنات
اخذي لهم غيارات بشنطة صغيرة - فوطة
عشان يحتاجون تبديل ملابس وخصوصا الداخلي بعد الحمامات


السفر بالسياره حلو بس متعب شوي
انا رحت العمرة مرتين بالسيارة

 

[أحلى همبه كويتية]

انا اخذت مخدات صغيرة مع غطاء بو دينار للعيال
عشان لما ينامون يتغطون
وايد فادوني

وطبعا افلام وبابايات حق الدي في دي بالسيارة
والقيم بوي والعابهم



لازم تطلعون وانتوا مرتاحين
لأنك انتي وريلج لازم تكونون واعين
ما ينفع تنامين وتخلينه يسوق

انا تطلع عيوني وانا اراقب الوضع عشان ما يغفى

وربي يسلمكم راحين ورادين

 

[حنين السعودية]

البنات ماقصروا تروحون وتردون بالسلامة يابعدي
ولا تنسي دعاء السفر .. وحصنوا على انفسكم

 

[BaBy_SMiLe]

البنات ما قصروا حبيت اذكر :

1- تجييك عالسياره ( خاصه التواير )
2- القهوه عشان يصحصح ابوكم
3- سناك خفيف
4- بصراحه الله يعينكم عالطريج 16 ساعه عشان جذي خلي عيالج لاهيين عن ابوكم لا يزعجونه لانه وراه طريج مثل ما قالوا البنات ديفدي افلام او نزلي العاب يديده بالايبود عشان يشغلون نفسهم فيها ما تكون قديمه يملون منها بسرعه
5-ورتبي ملابس وخاصه الداخليه تكون بارزه بالجنطه او بجنطه خاصه اذا بتغيرون عقب الحمام ولا تنسين الكلينكس وwipes
6- اهم شي الاذكار و دعاء السفر واذا خلصت السوالف بينكم حطي قرآن بالسياره والله يحفظكم ان شاء الله

وان شاء الله اجازه سعيده ورحله موفقه وتروحون وتردون بالسلأمه