السفر للحامل فيه خطوره بليز الكل يرد ؟

[love u 4 ever]

حبايبي سؤال على السريع وابي الرد بليز لحد يطنشها واللي مر بها التجربة يفيد زميلتي توها ما شاء الله محلله وطلعت حامل والفال لنا ان شاء الله المهم أهيا تبي ترد بالطياره للديره لانها مغتربه مع زوجها وبتكمل حمالها هنا وخايفه لا يكون فيه خطوره على الجنين تبي نصيحتكم لانها بال أسابيع الاولى

 

[لبا نفسي]

حبيبتي اتوووقع عادي

بس لأتكثر السفرات لان خالتي اللحين في الشهر الثاني وسافرت مررره وحده بسسسس

ان شاءالله مافيه خطورةة عليها

والله يرزقها الذريه الصالحةة

 

[Nokia N95]

لازم تستشير الدكتورة بالاول ....

مرة سالت دكتورتي

قالت لي ان وضعي يسمح للسفر .... ( لما كنت حامل في بنتي .... وكنت بالشهر الثالث )
بس قالت لي ....
السفر بالطيارة مو بالسيارة
والمسافة تكون قريبة مو بعيدة

الصراحة ماحبيت اجازف
وكنسلت السفر لانه مو ضروري
بس بحالة رفيجتج ... خليها تراجع دكتورة احسن

 

[فديت من سماني]

انا من حملت سافرت ٣ مرات و كلها بالطياره بس قبل اسألي دكتورتك

سافرت في بداية حملي و انا مادري و المره الثانيه نفس الشي كانت المسافه بالطياره ٣ ساعات مادريت الا وانا بالسفر اني حامل

و المره الثالثه بالشهر ٤


بس الافضل تسالين الدكتوره

 

[<<الأميره>>]

اعرف وحده توحللت وسافرت بالسياره لمكه
واعتمرت وردت بسياره
وهي توها حامل
وماشاءالله جابت بنوته
ان شاءالله مافي خطر بس استشيري دكتورتج احسن

 

[قـــمـــرهم]

لازم تستشير دكتورتها ..


انا سافرت لمكه بالطياره واعتمرت ورديت بالطياره
كنت توني حامل ما ادري عن نفسي
تقريبا كان لي اسبوعين حامل



بس لو كنت ادري قبلها اني حامل چان ماسافرت

 

[tota_212]

لي اعرفه انه موووب زين في اول الاشهر ولا اخرها فالنص عادي

 

[مشتطـه]

امي بكل سفراتها كانت حامل عادي


انا سافرت بالرابع سياحة

 

[Model Look]

انا سافرت مرتينةيوم حامل مره لي خمس اسابيع ومره بالخامس

 

[ام الحلوااات]

حـــســـب وضـــعــهـــــا اذا حـــمــلــهـــا تــمــــااام
ومـــاكـــــو مـــشــاااكــل ولاخـــطــررر عـلـيـهـا عــااادي
امـــا اذا حـمــلــهــا شــوويــه فــيــه تــعــب او مــعـاهـا مـشـااكـل
لا سـمـح اللــه تــأجـل سـفــرتـهـا لـبـــعـد الــراابــع

 

[Mrs.H]

تستشير الدكتورة افضل والف مبروووك الله يتمم عليها

 

[pink closet]

جدا عادي
انا جربت السفر بالثاني والرايع والسابع الحمدالله ماكو الا العافية

 

[طيبة83]

وي يمه انا ما في امل اسافر وانا حامل لاني الحمدلله مب مضطره والسياحه اكيد اجلها

بس انا كنت مسافره دبي وانا حامل ومادري اني حامل كنت توني اول اسابيع الحمدلله اللي حفظ بنتي

بس وضع رفيجتج مثل وضع رفيجتي كانت متغربه وسافرت امريكا وهي باول اشهر!!

انا اللي اعرفه ان اول اشهر مب زين واخر اشهر بعد مب زين

خل تسال دكتورتها احسن

 

[el lulu]

انا عن تجربه شخصيــه كنت حامل بالاسبوع السادس وسافرت واجهضت بالطيارة !! بــلش النزيف معاي بالطياره وكنت راجعه امريكا من الكويت يعني رحله طويــله 13 ساعه

وقبلها بيوم رحت الطبيب وفحصتني الدكتورره وسويت سونار وقــالت لي ســافري عادي كل شي طبيعي
وقدر الله ما شاء فعل
مابي اخرعج بس ابي رفيجتج تدير بالهاا ولا تغامر .. ومثل ما قالت (ام الحلواات) اذا كل شي تمام وصحتها زينه والدكتور عطاها الموافقه خل تتوكل على الله اما اذا تحس بتعب خل تنطر شــوي لاحقه على السفر بترجع ان شاء الله بس لا تستعيل وترجع الحين ويصير شي مو زين لا سمح الله

 

[أمونيتا ~]

انا كنت مسافره مع زوجي واكتشفت اني حامل وانا بالسفر كنت تقريبا اول ثلاث اسابيع وكنت مضطره ارجع الكويت

والحمدلله توكلت على الله وماصار شي

اهي الحين مضطره ترجع ان شاء الله مايصير شي بس لاتشيل شي ثقيل وخل تمشي شوي شوي وتدير بالها

ولو تروح لدكتوره تشوف حالتها تسمح للسفر احسن بعد والله يحفظها

 

[كستنائيـة ع ـسل]

انا سافرت وانا حامل عااادي والحمدالله ماصار شي

اللےْي كاتبه ـَٱللـّھ بيصير

 

[امـ خــزامـى]

انا سافرت 3 مرات
مره كنت شهر وكم يوم بالطياره لدبي وكنت امشي واتسووق وعااادي الحمدالله

ومره بالسياره وكنت شهرين لمدة 3 ساعات بالطريق

ومره بالرابع بالطياره لدبي ونفس الطريقه اتسوق وامشي عاااااااااااادي جدا حتى ماحاسبت عمري اني حامل ولازم اترفق

والحمدالله ماجهضت وجبت جميلتي زوز

واقوولك ولدة بالاسبوع ال32 وانا ماكنت مساافره ولا حسيت بالام او مشاكل بس ربك اراد والحمدالله على كل حال


خليها تتوكل على الله وتسأل الدكتوره