السفر مع الاطفال

[Miss Miaw]

مرحبا بنات شلونكم ...

انا باذن الرحمن مسافره لندن اخر 6 وباخذ معاي ولدي الصغير عمره 7 شهور بغيت اسال شلون اذا باخذ معاي الحليب واكل حقه اخاف يمشكلوني بالمطار ومايدخلون الحليب واتوهق ....اللي مجربه وماره بنفس وضعي بلييييييييييز ترد علي وبشكل عام شلون البيبي بالسفر ؟

 

[زوغه]

حبيبتي أنا العام خذيت بنتي وكان عمرها تسع شهور مااذتني لان اغلب الوقت بالعربانه والحليب ذوقونياه بس الي خذوه الكريم الي احطه قبل البامبرز

 

[Miss Miaw]

خلوج تذوقين الحليب .....هو ليش !!!!!!! انزين حبيبتي جم علبة خذيتي معاج يعني عادي اخذ معاي اكثر من 5 علب ؟؟؟ انا باخذ بعد بسكوت فارليز وهالسوالف .....
اهم شي انج طمنتيني لاني كنت احاتي ياخذون الحليب مني واتوهق .......الله يعافيج اي معلومه زياده ياليت تفيديني يزاج الله الف خير

 

[bnt eldera]

أنا قبل مده كنت منزله موضوع اسال عن الحليب والبنات طمنوني بس يقولون بالطياره ما يدخلون حليب انتي مسويته لازم يكون بودره والماي تاخذينه من الطياره يعني ماله داعي تاخذين معاج حليب حق الطيارة
وانا بتابع معاج عشان استفيد
بس بسالج مو قاعده تحاتين ان تاذيج بالطياره بالحنه أنا حدي قاعده احاتي الطياره

 

[Q8yatمحدمثلنا]

اولا"..الله يعينج عليهابالطياره..وبلندن بعد...الجاهل بهالعمر يلعوز حييييل ..لأني مجربه.

بالنسبه للماي لاتاخذين وياج داخل شنطة البيبي بالطياره اي سوائل..مايدخلونها..اذا الطيران البريطاني..اما اذا الكويتيه (حطي اللي تبين).خخخخ

علب الحليب اخذي اي كميه بس خليها بجناط الشحن ..وداخل الطياره تقدرين تحطين حليب الاطفال بعلبه مقسمه كذا وجبه تلقينهم بقسم الاطفال بسنتر بوينت ومذركير..وكل مابغيتي ترضعينه قولي للمضيفه تحطلج ماي دافي بالمميه..وانتي حطي الحليب..

موفقه.ان شاء الله..

 

[om.aboodi]

لاتلعوز ولاشي انا البنات قالولي من منتدانا الله يجزاهم خير بس بقسم التربيه والطفل انه يعطون زيرتك والياهل ينااااااااااااااااام طول الرحله اخذيه معاج احتياط لاشفتيه الله هاديه خلاص لاوالله بيحن عطيه انا بنتي نامت بروحها

 

[om.aboodi]

بس ماجربت لندن بجرب هالمره والله يستر بشهر 7

 

[om_7sin]

انا باخذ بنتي عمرها سنتين وولدي ٤ سنين انشالله ربي يسهلي سفرتي

 

[bnt eldera]

ترى الزيرتك مو زين حق اقل من سنه
وانا رحت الطبيب وسالت الدكتور اذا عادي اعطي بنتي منوم وان يوصفلي دوا ما بعطيها من كيفي لأني قاعده احاتي تلعوزني بالطياره قالي ماله داعي وليش تعطينها آلياهل ينام بروحه بالطياره

 

[bnt eldera]

ترى الزيرتك مو زين حق اقل من سنه
وانا رحت الطبيب وسالت الدكتور اذا عادي اعطي بنتي منوم وان يوصفلي دوا ما بعطيها من كيفي لأني قاعده احاتي تلعوزني بالطياره قالي ماله داعي وليش تعطينها آلياهل ينام بروحه بالطياره

 

[Miss Miaw]

مشكورين حبابيبي على الردود .....الله يسهل ان شاء الله

 

[بسبوسه11]

ماقصرو البنات بس حبيت اقولج الله يحفظكم

 

[زوغه]

خلوج تذوقين الحليب .....هو ليش !!!!!!! انزين حبيبتي جم علبة خذيتي معاج يعني عادي اخذ معاي اكثر من 5 علب ؟؟؟ انا باخذ بعد بسكوت فارليز وهالسوالف .....
اهم شي انج طمنتيني لاني كنت احاتي ياخذون الحليب مني واتوهق .......الله يعافيج اي معلومه زياده ياليت تفيديني يزاج الله الف خير

. اي والله ذوقونياه والحليب انا اذكر خذيت ثلاث قواطي ولاتحاتين سهالات بس لاتاخذين ادويه وياج في الطياره لأني كنت ماخذه من الصيدليه مرهم حق أسنان بنتي كانت توها تسنن خذوه مني