السفر مع طفل عمره سنه ونص الله يحفظه

[تاتيه]

السلام عليكم
انا الصراحة مسافرة في عطلة الصيف ان شاء الله مع قروب حق فيينا وايطاليا وبقعد 15 يوم في كل مدينة راح نقعد جم يوم وبنروح مركب فينيسيا يعني رحلات اب رحلات وهذي اول مرة اسافر وانا عندي بيبي صغير وماني عارفة راح يتحمل السفر ولا لا وخايفة يتعب وانا اتعب معاه فياريت الله عندها خبرة تقولي عادي ولا لا وشنو اجهز معاي له يعني اكله وبقيت اسال شلون على سريره اخاف انومه على سريرنا يطيح والصراحه انا ابي انام مرتاحه مو احاتي وتضطرب نومتي ونومته
ولا تقولولي حطي عند احد وسافري لاني ما عندي احد احط وليدي عنده
بليييز فيدوني

 

[الرأي الآخر]

يعتمد على اي فندق تسكنين فيه.. في فنادق توفر سرير صغير للاطفال .. و اذا ما يوفرون من ماذر كير mother care تقدرين تشترين شي اسمه travel cot هو عباره عن سريرللطفل من عمر الولاده الا عمر سنتين يتسفط و يتصغر حجمه لحجم حقيبه صغيره .. مفيد جدا! شوفيه هني
http://www.mothercare.com/Mothercar...ing=UTF8&m=A2LBKNDJ2KZUGQ&n=42764041&mcb=core
ولدج اذا تعسر راح يكون من التعب او الجوع فعشان جذي اخذي معاج بسكوت او سندويشه او اكل تقدرين تخزنينه بحرارة الغرفه معاكم و اخذي او اشتري من هناك عصير و ماي ولا تطلعين من دون لا تاخذين معاج لعبه او قصه او الوان و اوراق للتلوين لانه راح يمل و يتعب وايد.
و حاولي كثر ما تقدرين ان ينام ولدج قدر الساعات او اكثر من اللي ينامهم بالبيت. القروبات عندهم جدول محدد و عادة يرجعون بالليل متاخر و يطلعون يسافرون مبجر يمكن يكون هناك بعض الابام اللي راح احد منكم يحتاج ان يقعد مع البيبي بغرفة الفندق..
لو انا منج ما اسافر قروبات اسافر بروحنا علشان ناخذ راحتنا و نتحكم اكثر بتنظيم الجدول اليومي
في شي اسمه حمالة البيبي تلبسينه مثل الشنطه و الطفل انا يقابلج او يقابل الناس شوفيه هني http://www.mothercare.com/Mothercar...ing=UTF8&m=A2LBKNDJ2KZUGQ&n=42764041&mcb=core

 

[Pretty Petite]

تروحين وتردين بالسلامة

وان شاء الله تستانسون هناك .. مادري شقولج بس دام عندج بيبي صغير انا افضل تروحون بروحكم بدال القروب!! بالقروب راح تتقيدين ودام معاج ياهل صعب!!

اخذي معاج كل شي يحبه ولدج ويلهيه حق التنقلات.. وطبعا دايما كوني متسلحة بالكاكاوات والعصاير والحلويات

واذا ميزانيتج تسمح اخذي الخدامه معاج!! "بشرط تكون خدامتج مو بومه!! تحط عينها على كل شي!!"

 

[نحيسه 1986]

تروحين وتردين بالسلامه انشالله
اذا ماعندج احد اخذيه وياج بس لازم تعرفين ان اذا سافرتي قروب راح تتقيدين وياهم ولان في بعض الناس بالقروب مايحبون اليهال وتلقينهم طول السفره بس يتحلطمون واذا على السرير انتي تقدرين تطلبين من الفندق سرير حق البيبي وعادي كل الفنادق تعطي

 

[noor sultan]

السلام عليكم
بعد اذن صاحبة الموضوع
قواطى حليب الرضع عادى نحطه بالشنطه الكبيره مع الشحن ؟ يعنى ما يخترب؟

 

[نحيسه 1986]

اي عادي اختي مايخرب

 

[أم أنور]

الله يعينج ما انصحج تاخذينه معاج راح يتأذى ويستعسر

 

[ميرال125]

السلام عليكم و رحمة الله و بركاته
إذا أردت القيام بعمرة و الإقامة في أفضل الظروف ،
موقع شركة GO-Makkah تمكنك من الحجز في أحسن الفنادق من حيث الموقع
و الجودة و الأسعار.
و فريق دعم متوافر 24 ساعة في اليوم / 7 أيام في الأسبوع
استجابة سريعة و تأكيد توافر نهائي و مؤكد و بأفضل الأسعار التنافسية.
Le 1er Marché électronique de forfaits Hajj et Omra en Europe Hajj 2013 et Umrah 2013​

 

[مشتطـه]

والله على حسب الطفل
اذا عسر وبس يبجي

بيخرب ام السفره وبيعفس مزاجج


بس اذا حركي وعادي ومايبجي وايد وما يتعسر بالعكس اتوقع بتمر السفره

ودام مضطره يروح وياج سافري عادي

شتسوين بعد

انا كلش ما احب سفر اليهال ماله داعي

بس انتي تقولين ماعندج احد تحطينه

 

[ميرال125]

فنادقنا:
سويس اوتل - صنف 5 نجوم - Suiss Hôtel 5*****
يقع فندق سويس اوتل ذو التصميم المميز على مقربة من الحرم الشريف مع إطلالة على الكعبة والمسجد الحرام، وهو جزء من مجمع أبراج البيت الفاخر. ويوفر خدمة الواي فاي المجانية ومطعمين.
يوفر مطعم "Signature" أجواء راقية لتناول الطعام مع مجموعة مختارة من المأكولات الموسمية الشهية والمميزة، بينما يتم تقديم مزيج من المأكولات العالمية والتقليدية في مقهى سويس اوتل. وتتوفر خدمة الغرف على مدار الـ 24 ساعة.
يبعد مطار الملك عبد العزيز الدولي مسافة 80 كم من سويس اوتل. ويمكن لمكتب الاستقبال الذي يعمل على مدار الـ 24 الساعة ترتيب خدمات غسيل وكي الملابس. مطعم,
مكتب استقبال على مدار 24 ساعة, غرف لغير المدخنين, مرافق لذوي الاحتياجات الخاصة, مصعد, صندوق الأمانات, مصلى/مزار, فندق أنيق - Design Hotel, تخزين الأمتعة, مكيفات

للمزيد من المعلومات: Suiss Hôtel - دليل الفنادق - مكة المكرمة

 

[توحه1]

درب السلامه
بس كلش ماانصح تسفرين ياهل بهذا العمر لان توه بيكتشف عالمه
وتوه يمشي بخرب عليج السفره وبيستعسر وبطق جبدج
مثل ماصارلي باخر سفره لي وعقبها توبه ماسفر بهدا العمر سنتين يالله لاتقولين مايفرق يفرق السما عن الارض عمر سنتين راكد فاهم شايل عمره

 

[موله الكويت]

بنات شفيكم الموضوع

 

[موله الكويت]

بنات شفيكم الموضوع قديييييييييييييييم