السكر و زيادة الوزن تجاربكم بنات ابي انزل وزني بس يحوشني هبوط دايما

[ذهبيه مرصعه بألماس]

الســــــــــــــــــــــــــــــــــــــــــــــــــــــــــــــــــلام عـــــــــــــــــــــــــــــــــــــــــــليكم

اشلونكم بنات


انا ياطويلات العمر اعاني من مرض الشكر

و اخذ حقن الانسولين

وزني حده زايد و لازم انزل اقل شي 15 كيلو ....

و هالشي صعب صعب صعب علي حيل

لأكثر من سبب

الاول لأني ما امشي
و الثاني لأني اذا مشيت او سويت رياضه احس بدوخه و ادور الأكل

الهبوط دايما يصيرلي و هالشي يخوفني و يخليني دايما آكل كاكاو خوفا من الهبوط


ابي انزل وزني

و ابي ىكل شي ما يمتني

انا احب الاكل

لذلك اقترحو علي شنو ىكل
شنو اشرب
شنو اسوي عشان اشبع و بنفس الوقت ما يحوشني هبوط

و ينزل وزني

ابي ينزل وزني

 

[ذهبيه مرصعه بألماس]

فووووق

 

[؛؛sokrrah؛؛]

حبيبتي اخذي اي ككاو تحبينه و اكلي منه كل ساعتين قطعة او قطعتين صدقيني ما تمتنين و بين هالساعتين سويلج راضة و شوفي اتلفزيون وانتي واقفه او امشي بالغرفة وانتي تشوفين التلفزيون و اكلي خبز اسمر و قبل الاكل اكلي سلطة حطي معاه خس وخيار و جزر واذا تبين حطي طماط اذا كنتي تحبين الطماط و غرقيها ليمون و حطي شوي ملح و شوي زيت زيتون
و اكلي مجبوس واي شي تحبينه دسم بس لازم السلطة قبل و قولي حق امج تحط لج بي ملاس واحد عيش صدقيني خمس ايام راح تصغر المعدة و ما تقدرين تاكلين اكثرمن ملاس واحد و بنسبه حق الشاي حطي سكر فواكة الييبعون بالجمعية لون احمر سكر الرجيم و الحلويات اذا قطعتيهم خمس ايام ماراح تشتهينهم بعدين و العشا اكلي فواكة او سلطة بنسة حق الفواكة لا تاكلين الموز و اكلي شوي عشا و الصبح خبز عربي اسمر بس وحدة مع شاي فيه سكر رجيم او حليب خالي الدسم او عصير برتقال واكاي معاه جبنة الطيب
و اهم شي اذا نسيتيه ماراح تضعفين سوي بس نص ساعة باليوم رياضة اي رياضة تحسين انها ماراح اتعبج صدقيني نص ساعة بس راح تمر النص ساعه ماتحسين فيها
ان شاء الله تضعفين

 

[ذهبيه مرصعه بألماس]

بعد عمري ما قصرتي بس المشكله بالهبوط اذا خففت اكل حاشني هبوط و غير جذي السكر دايم مرتفع
و الله ما ادري شنو الاكلات اللي تحافظ على السكر و بنفس الوقت ما تزيد الوزن

 

[قرنفله 99]

احسن شي انج تراجعين دكتور تغذيه حالتج ماتتحمل تخربطين بالاكل ولا تحرمين نفسج روحي حق دكتور تغذيه يعطيج نظام غذائي لسكر وتنظمين جرعات الانسولين وينزل وزنج ان شالله