السلاااااااااام عليكم عندي اكثر من سؤال للكل دون استثناء تفضلوا ......... :**

[ftana]

السلاااااااااااام عليكم ورحمة الله وبركاته
:eh_s(17):

بنات انا توني حامل والحمدالله يارب العالمين بدش الثالث انشالله عقب جم يوم اذا الله كتب

تعبت علشان احمل ونطرررررت واااااايد فا حيل فرحانه عسى الله يتمم علي يارب ابيكم تدعوون لي :yaaaaaarb:


خايفه حيل على حملي ومخترعه

وعندي جم سؤال تحملووووني

1- بنات انا من الشهر الثاني وانا بطني فاارش يعني " اوكي كان عندي كروشه خفيفه قبل :eh_s(22):" بس مو لي هلدرجه صاار بطني واااضح من الثااني وانا بجر والي سمعته ان البجر مايبين بطنها بسرعه انا مادري شاكه قلت يمكن متنت وكرشتي هاذي ويتهيئلي بس امي تقول لا .. فا هلشي طبيعي؟؟ ويدل على جنس البيبي ولا ماله علاقه ؟ خخخخ سؤالي زلقه بطيحه ...

2- عندي عواااار بورجي " الورك " اي بمعنى شفتوا الحووض جهة اليمين العظمه هاذي حيل تعورني ماادري ليش ...؟؟؟

3- بنات انتوا اكيد كلكم تروحون استقبالات بمستشفيات وجذي ابي اكشخ غرفه دشيتوها بحياتكم وين وشنو اهيا ؟ ادري تو الناااس على هلحجي بس علشان اقدر اعمل احسابي حق ميزانيتي لاني بجر وحملت عقب مدده فاا ابي شيي حييل حلوو وكشخه ابي افرح تكفون علموني شنوو احسن شي ؟؟ انا احب دار الشفا واحسن شي بدار الشفا الابراطوري واحس صارت قديمه بالنسبه حق الي طلعوا بالمستشفيات اليديده فا قلت شنو؟ دسمااان الي بسلام ولا في اكشخ برويال حياة اجنحه احلا ولا شنو بضبط ؟؟


ادري ازعجتكم ووايد مشتطه بس تحملوني :eh_s(22):


انطر جواااااااابكم كلكم واخر طلب والله الي حتى ماتعرف شي تدعيلي والي تعرف شي هم تدعيلي :** ولكم بالمثل واحسن من الي تدعونه لي يارب

عسى الله يوفق كل وحده ترد علي وهم الي ماترد علي وعسى الله يتمم حمل كل حامل ويرزق كل وحده تبي الحمل عاجلا غير اجلا يارب العالمين :yaaaaaarb:​

 

[الحرير]

الف مبروك والله يتمم عليج ٩ شهور كاملة تامة وبصحة وعافية
والله يسهل عليج وعلينا بالولادة الطبيعية
ما ادري عندي احساس من اول سؤالين اجابتهم فيج توأم
الله يرزقج باللي تتمنين
وبالنسبة للسؤال ٣ خلي تفكيرج فية بعد الشهر السابع احسن لج واشغلي وقتج بالدعاء للبيبي وادعية حفظ الجنين والرقية الشرعية
لا تنسينا بالدعاء الطيب

 

[shak!shoka]

هلا حبيبتي مبروووك الحمال الله يثبته و يقر عينج بشوفته

بالنسبه للكرشه انا سامعه انا بدايه تكون الجنين غازات! سبحان الله فتحسين انج كلج متفوخه و كرشتج باينه بس ع نص الرابع راح يخف كل شي و اول الخامس يبدا البطن الصجي ههههه وماله علاقه بجنس البيبي ابدااا

بالنسبه للاستقبال :
رويال حياة يمدحونه ك شكل و رفاهيه بس رعايتهم مو شي
دار الشفا خلاااص صار قديم
في وحده منزله موضوع عن السيف شوفيه انا حبيته و اعرف جم وحده والده هناك امدحت الرعايه
السلام عنايته حلو بس ما ادري ك استقبال فخم ما اتوقع

عموما الموضوع يبيله بحث و تقصي و جدامج وقت روحي و شوفي و سألي


الله يتمم عليج حمالج و يسهل عليج ولادتج يا قلبي

 

[ماحب اتدلع]

1- بنات انا من الشهر الثاني وانا بطني فاارش يعني " اوكي كان عندي كروشه خفيفه قبل :eh_s(22):" بس مو لي هلدرجه صاار بطني واااضح من الثااني وانا بجر والي سمعته ان البجر مايبين بطنها بسرعه انا مادري شاكه قلت يمكن متنت وكرشتي هاذي ويتهيئلي بس امي تقول لا .. فا هلشي طبيعي؟؟ ويدل على جنس البيبي ولا ماله علاقه ؟ خخخخ سؤالي زلقه بطيحه ...


فيج بنـــــــــــــــــــــــــــــت زيي انا حملي في بنتي ثاني شهر تقولين جريب اولد بعدين صغر يعني بس مو شرط ترى .. وبالنسبة للألم امممم مادري
و3 سؤال مااااادري ههههههههههاي

 

[FJ style]

شوفي حبيبتي دامج بجرية ماراح يبين البطن الا ع نهاية الرابع تقريبا فلا تحاتين
عاد لا تنتفخين مرة وحدة عشان علامات التمدد على جلدج ما تزيد ولا تنسين الكريم الخاص دهني بطنج وفخوذج وصدرج دايما بزبدة الكاكاو
الورج الصراحة انا بعد اعاني منه خاصه اليمين اكيد انتي تنامين ع الجنب اليمين
انتبهي ع وزنج اذا قاعد يزيد بسرعه فالجسم ما يستوعب هالزيادة بسرعة
ولا تنسين فيتاميناتج pregnaplan احسن نوع والكاليوم بتوصفه لج الدكتورة حق عظامج

انا اتوقع دسمان بالسلام اهو الاحلى حاليا بس غالي الصراحه لكن top