السلام عليكم اليوم كان عندي مراجعه وانصدمت

[المشاعرالصامتة]

السلام عليكم اليوم رحت لمراجعتي عند الدكتوره ماجده اليتامي علشان ابلش لتجهيز للحقن المجهري وانا ماخذه الابر التحظيريه وجاهزه بس انطر الدوره تشرف جان تصدمني وتقولي بطانه الرحم مو ذاك الزود فعندج حلين يا ازودلج الحبوب حقت بطانه الرحم وننطر بعد شهر ثاني يعني ما نبلش من هشهر او اعطيج المنشطات واذا تعدلت بطانه الرحم نسوي الحقن المجهري الشهر هذا واذا ما تعدلت اسحب البويضات واجمدهم ونعالج البطانه وارجعهم لج بعد شهر او شهرين وبعدين اسوي الترجيع اشرايكم بالسالفه ومن صار معاها نفسي راسي ذبحني من التفكير ادعولي تعدل اموري

 

[المشاعرالصامتة]

بنات وينكم اللي مرت عليها نفس حالتي تقولي اشصار معاها تكفون ماعندي احد اشكيله لاني ماعلمت احد اني بسوي حقن حتي امي وخواتي ما يدرون لااااا تخلووووني 

 

[قلوس وردي]

والله ما عندي فكره بس ان شاءالله البنات يفيدونج
الله يرزقج وييسر امورج يا رب

رب لا تذرني فردا وانت خير الوارثين

 

[لولو كـاتي]

حتى انا ماعندي فكرره

احسن حل استخري ربج

وهو باذن الله بيختار لج الخير

 

[دنياالوله]

لا دام بطانة الرحم مو جاهزه لا تبلشين الحين نصيحه لان البطانه مهمه عشان التصاق الاجنه
ولاتجمدين بويضات احتمال بعد مايفجون التجميد تصير مو صالحه للتلقيح
انتي بالاول استخيري والله يوفقج

 

[مو لازم اسم]

يا حبيبتى ليش مزعله نفسج ومصعبه الامور .. نصيحه لا تسوين شي الحين اول عالجي بطانة الرحم لأنها جدا مهمه لنجاح العمليه..
وبعد ما تتعالج بلشي بالمنشطات والعمليه ..
وخلى توكلج على رب العالمين .. وعسى ربى يرزقج بالذريه الصالحه المعافاة ويرزق كل محروم

موفقه ان شاء الله

 

[أملي بعد الله]

صحيح حبيبتي أنا رايي من راي البنات نطري ليما تتعدل بطانةالرحم تخيلي تسوين التلقيح وماينجح وتعتفس نفسيتج أكثر وتندمين

أنا أقول تعالجي حق بطانة الرحم من دون تجميد البويضات والشهر اللي بعده رجعي للدكتورة وتطلع بويضات جديدة أحسن وسوي التلقيح والله يعدي هالشهر بسرعة وتسوينه وينجح اللهم آمين

 

[الغــــرور]

الله يرزقك يارب.....

حبيبتي صحيح مااعرف للتحليق صراحه..... بس اللي اعرفة لازم تكون بطلنة الرحم جاهز لاستقبال الاجنة.....

وثاني شي ياحبيبتي كل تاخيرة وفيها خيرة...... لاتنسين قول الله تعال : عسى ان تكرهوا شي وهو خير" لكم.......

استخيري وتوكلي على الله.............

 

[فانتا ستروبري]

الله يوفقج ويسهل عليج​

 

[المشاعرالصامتة]

الله يجزاكم خير حبايبي والله يوفق كل من ردت علي ودعتلي ويرزقها ويفرح قلبها يااارب ريحتوني بكلامكم والحمدلله طلعت اللي بقلبي لكم وان شاء الله خيره ولا خيرة إلا فيما إختاره الله احبكم في الله

 

[reem1987]

سمعي كلام الدكتوره وتوكلي علي الله الدكتوره شاااااااااااااااااااااطره

 

[دآنة آلرشآيده]

والله ماعندي فكره
بس انا سمعت ان نسبته نجاح المجمده ضعيفه
انتي استخيري والله يكتب لج الخير يارب ​

 

[*ريما*]

الله يرزقك بالحمال يارب

 

[نف نف22]

سمعي كلااااااااام الدكتوره حبيبيتي اهيا ابخص بهالشي مدام قالت عالجي البطانه وبلشي علي طول

 

[منيرة خالد]

ما عندي فكرة



الله يرزقج بالذريه الصالحه >>> وديري بالج الحاله النفسيه نص العلاج كثري من الدعاء وارتاحي ولا تحاتين واتركي الامور على رب العالمين واهو الرازق

 

[تل السكر]

الله يرزقج بالذريه الصالحه
استخيري وربج يسهل
تقدرين تستشيرين دكتوره ثانيه بس استشاره اذا ايدت كلاها
توكلي على الرزاق

 

[المشاعرالصامتة]

مشكوره حبيبتي تل السكر الله يجزاج خييييير 

 

[قمر كويتي]

الله يرزقج يارب بالذرية الصالحه السليمة الي تفرح قلبج يااااارب عاجلا غير اجل ويرزقني ياااااارب ويرزق كل محرومه قااااااااااادر كريم سبحاااااااااااااااانه

 

[المشاعرالصامتة]

اللهم آمييييييييييين حبيبتي الله يرزقج انتي بعد بالذريه الصالحه

 

[سمو النفس]

اكييد الدكتور ادرى بشغلها وخليج على راايها احسن حرام تسوينها الحين وماتستفيدين شي نطري وانشالله ربي يرزقج بالحماله