السلام عليكم بنات ياريت تساعدوني

[no0ona]

السلام عليكم ورحمه الله وبركاته

اول شي بنات هذا نك خالتي وانا داشه فيه

بنات بغيتكم تساعدوني

بنات انا فيني وسواس نظافه يعني وربي اقعد بالحمام ساعه تكرمون بس اغسل واغسل والله تعبت ايدي راحت فيها من الصابووون مادري شسوووي كرهت حتى ادش الحماااااام والله كل يوم ابجي ابجي مادري شسوي

وامي دايما تزفني بس شي غصبا عني ماني قادره والله

تكفون ابي حل والله يوفقكم يارب

 

[sweet cake]

اعتقد هذا وسواس قهري..
هو تصير حاله نفسيه اكثر لأن لما بدت معاج هالحركه اهلج ما وقفوج..
اللي اعرفه ان لها متخصصين يعالجون هالحالات .. او اقري بالنت عنه ويمكن تلقين طريقه تنفعج..

وحده نفسج وسواس نظافه لكن لازم ماي حار.. تخيلي حرقت ايدها من الماي الحار لأنها تحس انها اذا ما غسلت بماي حار معناها مو نظيفه.. وعالجوها بس ماادري شلون والله

 

[كسر قلبي زماني]

لااااااازم تعالجين نفسج

انا اتسبح باليوم ٣ مرااااااات بس للحين ما عالجت نفسي

 

[كسر قلبي زماني]

لااااااازم تعالجين نفسج

انا اتسبح باليوم 3 مرااااااات بس للحين ما عالجت نفسي

 

[هدوء0]

ويييييييييييييه حتى انآآآ .. لايعه جبدي تخيلي لازم بعد كل وضوء لازم اغسل ايديني بالصآآبون

شوفي هذا العلاج .. مآآدري صرآآحه انا اقتنعت فيه وبجربه وجربيه انتي

لكل من تعاني من الوسواس القهري
اولا احذري من تطوره واعلمي انكي مهما ذهبتي يمنة ويسره
لا ينجيكي من عواقبه الا الله الواحد الاحد
والعلاج مجرب
اولا عدم الاستسلام للفكره الوسواسيه التي تتردد
ثانيا لا تحاوري ذلك الصوت القابع خلف اسوار النفس والذي يحدثك لا تردي عليه استعيذي بالله من الشيطان
ثالثا لا والف لا لسماع الاغاني فأنها وقود تشعل ذلك الوسواس
رابعا هناك جدول على اربع اسابيع يجب التقيد به
الاسبوع الاول تقرائين سورة قل يا ايها الكافرون كامله 40 مره بعد كل صلاه (كل الصلوات خلال اسبوع ماتفوتي ولا صلاه )
الاسبوع الثاني سورة الناس 40مره بعد كل صلاه
الاسبوع الثالث سورة الفلق 40 مره بعد كل صلاه
الاسبوع الرابع سورةالأخلاص 40 مره بعد كل صلاه

انشآآآء الله افدتج
الله يشفيج ويشفيني معآآآج

 

[هدوء0]

بعد لا تنسين اقري سورة ياسين كلما حسيتي أن الوسوسه بتبدء

 

[no0ona]

مششششكورين حبايبي وماتقصرووون

انا اتسبح يوميا بعد بس تكرمون لما ادش الحمام نص ساعه بالحمام واكثر وقتي بس اغسل اكثر من مره بس علشان اتاكد اني نظيفه والله مليت شسويت

ومساكين اهلي شكثروا يقولولي وانا احاول بس مااقدر مادري صج شسوي

مشكورة حبايبي ماقصرتوا

 

[om_3kash]

حبيبتي روحي حق دكتور نفسي شاطر لانه هلوسواس مرض نفسي يبيله علاج
احنا مانقدر نفيدج بشي

و عسى الله يشفيج و يشفي كل مسلم مريض

 

[إبشر بعزك]

روحي لدكتور نفسي مو عيب ولا هو حرام انتي فعلا محتاجه لمساعده حتى لا تطورت حالتج وتصير وسواس مزمن والله يوفقج ان شاء الله

تعوذي دايما من الشيطان الرجيم

 

[gogona]

بالنسبه للموسوسين دخلوا هل موقع الي شويه عليه رهيب يعطيج افكار عمليه للتخلص من الوسواس انا اعرف وحده وايد استفادت منه وهذا اهوا الموقع
http://alkhabeer22.jeeran.com/22/

 

[يوآش يوآش]

عـــــــــــــــــــــلاج نفسي .... لان اللي فيج صعب تتخلصين منه بروحج ... : )

 

[قانون كـيفي]

عمتي تقعد بالحمام ساعتين الله يشفيها

عندها مثل حالتك بس حيل تطورة

 

[الفدنه]

سورة الناس علاج للوسواس
اذا ماتحسنتي روحي دكتور نفسي
الله يشفيج ويآجرج حبيبتي

 

[زوزو العوبه]

لا تعليق ما اقدر افيدج بشي