السلام عليكم ... عُدت لكم من جديد

[GucCiQ8]

السلام عليكم

شلونكم شخباركم خواتي كويتيات شالدنيا فيكم؟؟

بصراحه يابنيات والله وايد قاعده ااعاني مع الي صاير في ولدي معاه اكزيما ومأذيته حيل
حتى الليل ماينام وكله يحك ومايبي حتى الملابس عليه وتخيلووو بعز البرد احنا نفتح السنترال عشانه
ماينام الا لمن يكون البيت حدددددددده برررررد -.-

مادري شسوووي ابي حل


وابي تنصحوني اوديه حق اي دكتور

وايد قالوا لي موسى سلامة جبر زين حيل ودكتور محمد بوحمرا

ياريت تفيدووني اكثر

والي تعرف رقم تلفون عيادة الدكتور محمد بوحمرا تفيدني بلييييز :yaaaaaarb:

 

[moltencake]

ما اعرف دكتور جلديه معين بس كنصيحه غيري نوع صابون غسيل الملابس. لا تستخدمين اي منتجات عطريه في الصابون و اللوشن مثل جونسون. استخدمي سيباميد كمتوفر في الجمعيه او qv او اي نوع طبي للاجسم الحساسه و دايما دهني جسمه.

على العموم انا كنت اودي ولدي حق الدكتور فهد المخيزيم استشاري اطفال و كان في اكزيما بس الحين الحمدلله راحت و ان شاء الله ما ترد. و هو اللي قالي هالنصايح و مشت معاي و طبعا كل شخص يختلف عن الثاني و اللي ينطبق علي ولدي يمكن ما ينطبق على غيره.

 

[ديانا سبنسر]

اب اب

 

[GucCiQ8]

اختي moltencake

يعطيج العافيه على الرد

اختي انا ولدي تقريبا بدت وياه الاكزيما من 3 او 4 شهور فمو غريبه علي هالشغلات من ناحية صابون وغيره
وكان كل كريماته وشامبو وصابون جسمه جونسن وبعدها قبت في بزياده الاكزيما عاد غيرت له كللل شي صار سيباميد وطخ شوي
بعدها ردت بزياده حييل وقام يحكك بس راسه من الشامبو سيباميد ويحك جسمه اذا رطبته بلوشن سيباميد رديت غيرت له وعطيته جونسن ورد طخخخ والحين ردت قبة بجسمه بزوووود عن كل مره حتى الليل ماينام قاعده استخدم له مرطب qv ماقام يفيد وياه حاليا لي حطيته له هم يحكك وهاذي حالتي مليييت والله اقعد ابجي على حالته من الحساسيه مو مرتااح بس يحن ويحك جسمه بالارض