السلام عليكم

[روح التعاون]

شلونكم يااحلى مشاركات في احلى منتدى انا ابي كل وحده تقرا كلامي تدعيلي بالخير والفرج وان الله ينور دربي ودرب احبابي ولها المثل يارب:yaaaaaarb:
ابي اشكر كل وحده بالمنتدى عرضت عليها مشكله وساعدتني بروح وقلب كبير والرد الجميل
وابي اعيد عليكم واقولكم عيدكم مبارك وانشاءالله الله يتقبل منكم اعمالكم وصيامكم في شهر الخير(رمضان) عسى ينعاد علينا وعليكم بالخير يااارب
ودي الي ترد علي تكون مارة في هالتجربه وتكتب رايها بكل صراحه
الي تطلقت من ريلها ويبيها ترجعله عقب ما فات على طلاقهم4-5 سنين وهو تزوج من وحده ثانيه
هل تقبل ترجعله وبشرووط ولا ترفض ؟؟؟(وبينهم عيال )
وهو في عيوب والله ادرى بالنوايا

ومشكوورين:eh_s(8):

 

[أجمل إنسـآنـه ~]

ؤانتي بصصحة وسلامه

ان شاءالله البنات يفيدونج,~
><

 

[زوجة عزيز]

انا مامريت بهالتجربه لكن لو طلقني وتزوج وحده غير وتالي يبي يرجع لي لو عندي منه 10 ماارد له لو شيصير كافي انه تزوج !!

 

[فراشه بيضا]

صلي استخاره

 

[فوفو22]

عزيزتي

غالبا المطلق وعندع عيال ويتزوج وحده ثانيه

يكون مكتفي بالزوجه بالثانيه

ولكن لو عنده عيال من طليقته

يفكر كثير يرجعها لسبب اول واخير

وهو عياله

فلو عندك استعداد تعيشين معه عشان عياله يتربون عنده ووسطه وتحت عينه ......اوكي

ولو عندك استعداد تتحملين تربيه العيال بعيد عن ابوهم .....هذا قرارك

اما رايي الخاص

فاقول الزمن يغير لون الحديد .....فبالتاكيد الزمن يغير طبع البشر

العيوب اللي فيج وفيه من 5 سنوات اكيد تغيرت وصارت نظرتكم للحياة وتربيه العيال اكثر نضج

ارى الرجوع الى الطليق افضل بكثير من الجلوس عند الاهل

فوفو

 

[لبى عيونه]

الله يوفقج ويسعدج

اب

 

[إم بــــرٍآك]

رجعي له اذا لرجوع افضل من ناحية العيال

 

[popa]

رجعيله وبشروط

 

[sh_mashael]

رجعي بشروط و مهر يديد

و طبعا انتي ابخص فيه هل اهو يستاهل و الا لا


الله يوفقچ

و ايامچ سعيده

 

[الوناسة]

استخيري ربج

والله يوفقج

 

[ديانا سبنسر]

ردي علشان عيالج هي بيت وانتي ببيت لج ليلة ولها ليلة يتكفل بمصاريف عياله ويدفع لج مهر ويشتري لج ذهب واسباب انفصالكم يحلها وترا غلطانة اذا كنتي تظنين ردج علشان العيال ردج علشان حنين وحب لج والعيال بعد سبب من الاسباب موالسبب الوحيد وطاري الثانية لاتجيبنه عنده انتي الحين رديت ورافعة راسج جهزي تجهيز العروس وصلحي عيوبج

 

[Patcholli]

يمكن تغير ..

ويمكن عرف قدرها ..

ويمكن تحسف وندم وشاف ان محد يسواها ..

ويمكن بعد ان طاح بجبد روحه وقال مافي غيرها بترضى فيني وتوافق علي عقب ماطلقت مرتين ..

اهم شي تستخيرين واذا عيوبه جايده وماغيرهااا نصيحه لاتردينله

اما اذا عيوب عاديه وتقدرين تتجاوزين عنها فتوكلي على الله ورديله

 

[ام فواازي]

نصيحه رديله اذا مو عشانه عشان عيالج يربون بينكم
ان كبرو بعيد عن ابوهم مهما سويتي لهم بيضل ناقصهم ابوهم وجوده حولهم وحنانه خاصه بعمر المراهقه

 

[latifaq6r]

انا اجوف من ناحية نفسية لج وللعيال انج ترجعين له
اهو انسب شخص لج وللعيالج​

 

[Gifts&Occaions]

استخيري

 

[كليـ دلعـ]

انا راده عليج من قبل لاتنزلين قصتج ع العام

ويشهدالله نصحتج باللي ارضاه ع نفسي

وقلتلج لمتج مع عيالج تسوا كنوز الارض كلها

دام ماخذ عيالج منج وعايشه وحيده وياج الحين يردج

ردي عشان ضناج الللي عاش ٥ سنين يتيم الام


وامه عايشه