السلام عليكم

[قطرية كشخة]

هالايام انا عايشة بمشاكل ما تنتهي زوجة اخوي اشتكت علي عند الشرطة واخوي متسلط علي ياما اشتكتي على اخوي مافي فايدة والشرطة قلت لهم انيي متضررة بس لاسف ما يصدقوني

 

[الأميرة جوري]

امبيه لهدرجه وصلت لشرطه ابتعدي عنهم والله يعينج

 

[قطرية كشخة]

والله ماعرفة شسوي

 

[باتشي99]

بصراحة مدري شقول!!

الله يعينك

 

[قطرية كشخة]

حتى امي مو مهتمة اني بنسجن

 

[مـرايـم]

بعد عمري الله يفك عوقج
انزين مافي شي يثبت ولا يبرر موقفج اقصد يعني انتي موقفج ضعيف امام النيابة
عندج اثباتات !!!! كلمي اخوج خلييه يقنعها تتنازل
يا حياتي الكلام اخذ و عطاء خليي احد من رفيجاتج اهلج يكلمها يقنعها تتنازل
يعني بالنهاية انتوا اهل و نسايب ليش تسوي كل هذا
الله يصلح من بينكم و يشرح صدوركم *

 

[قطرية كشخة]

انا متهاوشة مع اخوي اساسا وتوه ضاربني وبقا يذبحني

 

[مؤمنه بربي]

طيب ليش ؟؟
اعوذبالله صراحه مشكلتج مشكله عويصه
تحسبي عليهم واايد وربج ماراح يخليج
قولي لاخوانج عمامج اي احد يوقف معاج
لازم ريال فهميهم قصتج اكسري خاطرهم
اكسبيهم انتي بنت صعبه تتدخلين السجن والمفروض
اخوج يقدر هالشي ويعزج ،،.
عليج بالاستغفار اكثري منه وقيام الله
وانقي ربج ((ومن يتق الله يجعل له مخرجا ويرزقه من حيث لا يحتسب )
انتي شنو مسويه عشان تشتكي عليج ؟

 

[Japanese]

احين يوم اعتدى عليج بالضرب محد كان موجود؟؟ ماصارت كدمات او شي جذي ممكن تسخدمينها ضده؟؟

ياليت تقولين لنا السالفه بشكل اوضح عشان نقدر نساعدج وابدا لاتسكتين عن حقج هالآيام اللي يسكت عن حقه ياكلونه :/​

 

[ظبية بوظبي]

زمن صار الاخ يوالي المره ضد الي من دمه
والشرطه اكتشفت ان ما منهم فايده لين ما يخلون الواحد يطلع عن طوره وياخذ حقه بايده ذيكي الساعه شاطر فالسجن

 

[كوكو شانيل.]

الحين شلون أخوج راضي أنج بتنسجنين ؟
وأهلج وينهم
مافي ريال يهدي الوضع

 

[قطرية كشخة]

والله مافي رجال يوقف يمي ظهري يعورني من ضرب اخوي ماعرف شسوي حتى القانون ما يقدر ياخذ حقي

 

[البارونـه]

دامج متضرره تروحين المستشفى الطواري وتقولين ابي تحقيق وان هذا اعتداء بالضرب علي
بيبون لج شرطي وراح تدلين باقوالج ويكون لج شي ضده
في حال اخوج اشتكى عليج تقولين ان يتبلى وتثبتين ان ضاربج قبل
انصحج تستشيرين محامي بيفيدج اكثر وبيقولج شتسوين
وحسبي الله ونعم الوكيل

 

[مـرايـم]

كان الله في عونج

 

[بوليودية]

أول شيء وين أهلج عنج امج ابوج اخوانج خواتج!!
و بعدين ترى الدنيا مب فوضى ، في قانون يحفظلج كرامتج و حقوقج ، أكيد شي فقطر مركز الخدمات الاجتماعية او هالمؤسسات و جي ،
يحلون المشاكل و يساعدونج ، و ممكن يظهرونج برى البيت عشان ما تتأذين ، جوفي لا تسكتين عن هالشيء ؛ لأن
من حقج تعيشين حياتج و إنتي مرتاحة ، و بعدين اخوج مب كفو اخ كيف يرضى ان زوجته تشتكي عليج؟ ، خبل هو ترى سمعته من سمعتج!!​

 

[الاحساس]

الله يعينج

 

[الـكـايـدة]

ممكن توضحين لنا شنو السبب اللي خلاها تشتكي مو يمكن نساعدج
و ثاني شي مثل ما قالو البنات تقدرين ان كان في كدمات تقدمين تقرير طبي للمخفر يساعدج هذا الشي

 

[ام هيا العلي]

أولا. كم. عمرج علشان اعرف أفيدج شوي يا بنت بلادي،،لانه في قانون في قطر ماله حق أخوج يمد يده عليج تقدرين تشتكين عليه ويكتب تعهد انه مستحيل يمد يده عليج وثاني شغله عسى ماشر ليش تنسجنين انتي أكيد مسويه شئ كبير في حق زوجته لازم توضحين مشكلتج أكثر حتى نقدر تفيدج يااختي واللي اعرفه انه مستحيل تنسجنين إلا إذا كان موضوع كبير أولا يكتبون تعهد بس سجن شئ غريب الله المستعان