السلام عليكم

[زهره الجلنار]

يعطيكم العافيه خواتي

حلمت حلم من 3سنوات ونص تقريبا بعد وفاة عمتي الله يرحمها وللحين في بالي موقادره انساه

حلمت انه عمتي الله يرحمها عقب ماتوفت بجم شهر شرت بيت جديد حق بناتها وشفت بناتها يشيلون اغراضهم من البيت واهي واقفه جمب حفيدها من بعيد وتراقب بناتها وحفيدها شال اغراضه وراح معاها وخالاته راحو الصوب الثاني قلتلها ليش خليتيهم يطلعون من البيت واخذتي معاج عزوز حرام منو عندهم قالت احسن لهم جذي خليهم وعقبها انا رحت بيتنا وقمت احط اغراضي بجنطة سفر واخوي الكبير واقف جمبي وابجي اقول ماابي اتزوج الامير القطري ماابي اسافر واعيش بديره غير الكويت واخوي يقول غصبن عليج تتزوجينه وكنت احط اغراضي وابجي

قبل اربع شهور بالضبط توفى حفيد عمتي بحادث وخالاته قاعدين يدورون بيت

انا مومتزوجه وحالتي الدينيه الحمدلله زينه وموظفه

 

[زهره الجلنار]

ونسيت اكتب حلمي الثاني

حلمت اني رايحه العمره ولابسه ثوب صلاة ابيض وكانو كل اهل ابوي رايحين معاي بطريج غريب يمينا ويسارنا بحر وجدامنا الارض وكان مثل درج متحرك بس منبسط يعني نفس اللي بالمطار وانتي واقفه يمشي سيده شرحي مادري اشلون ان شاء الله فهمتيني موجود بنص البحر وكنا كلنا فيه بس انا الوحيده اللي تعديتهم ووصلت واعتمرت وخلصت ورديت البيت واهم بعدهم مااوصلو

 

[مفسرة الاحلام]

الرؤيا الاولى ان صدقت سبحان الله وقع فى نفسي انه وفاة للحفيد وكرهت ان افسرة كنت بعتذر عن التفسير بما انه وقع الله يرحمه بقيه الرؤيا زواج لك من شاب كثير الخير قد يكون مو من معارفكم وقد يكون من طرف اخوك والله اجل واعلم

ان صدقت الرؤيا الثانيه التزام لك فى الدين اكثر من ذي قبل وقد يكتب الله لك عمره ثوب الصلاة هنا هو رمز للزواج والله اجل واعلم

الله يوفقك ويرزقك