السلام ...ممكن تصيرون خواتي للحظات

[أموله بنت ابوها]

السلام

شلونكم خواتي شخباركم ؟؟؟؟؟

يارب تكونون بخير

انا عروس واكبر وحدة بالعايلة يعني اول حفيدة و وحيدة امي وابوي ورفيجاتي بعد قلبي ما يقصرون بس احس بتجهزهم خبصنا تخبص موووووطبيعي فهالمرة حبيت اسئل واستفسر

مشكلتي مع الجهاز مو عارفة شلون اجهز :eh_s(11):

ولا عندي احد يساعدني فياريت اليوم تصيرون خوات العروس ودووم خواتي الغاليات بالمنتدى
اللي ابي اعرفة الكمية
طبعا بدلة العرس والملجة وهالاشياء الحمدلله مشت معاي بس التجهيز نفسة
مو من وين الحمدلله السوقة معروفة وعلى قفى من يشيل بس شنو اشتري بالضبط مو عارفة وشكثر اشتري ما ابي اكود على الفاضي

يعني مثلا جم بدلة حفلة
جم بدلة تنفع للاستقبال
اشتري بيجامات
العطور
شنو اشياء للبيت للعلم انا بسكن بيت حمولة
وشنو اشياء غير هالاشياء والكمية مع العلم ان حمولتي كبيرة مشاء الله يعني بتصير منا سبات وايد

تدرووون ؟؟؟؟ ايام اول اسهل كلها بخور وديرم وبخنق ودراعة وشوية ذهيبات اللحين وايد اشياء!!!!!

ويعطيكم العافية

 

[كوكيتي]

أزلا صباااااااااااااح الخير يأحلى عروووس
واااااااااااي
نفس الحاله.. من الخرعة والتفكيـــــــر صرت أقوم مبجر..

توني بادية أجهز لعرسي..
خلصت اللبس بس (بس اللبس على حسب يعني أنا بروووحي مو مع حموووله ف بس خذيت دراعتين)
و3 نفانيف طوااال فخميــــــــن...
والحمد لله سهاااااااالااااااااااااات..

سوي قاااائمة بالأشياء اللي تبينها..
وكل يووم خلصي شي...

موفقه ياقلبي...​

 

[شغفني حبآ.~]

اول شي الله يتمم لج على خير ان شاءالله

وثانيا في اهني بالقسم تجمعات لعرايس كل شهر

يعني انتي عرسج اي شهر ؟؟ روحي التجمع اللي نفس شهرج

وتلقين بنات كلهم عرايس معاج وتاخذون وتعطون مع بعض

وبالنسبه للبدلات انتي تعرفين نفسج اذا تلبسين واجد او لا

يعني اقصد اذا ساكنه مع حموله بالبيت يبيلج تكثرين ملابس واذا بروحج مع زوجج ساكنه برا

خلي الملابس الفخمه والكشخه من 6 الى 9 بدلات لأن مو معقوله انتي راح تنقعطين عن السوق خخخ

وركزي على ملابس الشقه جدام زوجج بس لا تشترين غالي لأن مايركزون الرياجيل

والميك اب والعطورات والكريمات اشتري كلللللللل شي منهم بس كل شي تستخدمينه مو بس تحطينه عالتواليت هع

وان شاءالله اذا دشيتي التجمع راح تستفيدين اكثر

والله يوفقج ....

 

[غير كل الناس]

يسعدني التعامل معكم


عندي برنامج عنايه للعروس

 

[الهيثمه]

الله يوفقج ويسهلها عليج ومثل ماقالوا لج البنات دشي التجمع هو اكثر شي فادني

 

[رحيق الورد]

السلام

شلونكم خواتي شخباركم ؟؟؟؟؟

يارب تكونون بخير

انا عروس واكبر وحدة بالعايلة يعني اول حفيدة و وحيدة امي وابوي ورفيجاتي بعد قلبي ما يقصرون بس احس بتجهزهم خبصنا تخبص موووووطبيعي فهالمرة حبيت اسئل واستفسر

مشكلتي مع الجهاز مو عارفة شلون اجهز :eh_s(11):

ولا عندي احد يساعدني فياريت اليوم تصيرون خوات العروس ودووم خواتي الغاليات بالمنتدى
اللي ابي اعرفة الكمية
طبعا بدلة العرس والملجة وهالاشياء الحمدلله مشت معاي بس التجهيز نفسة
مو من وين الحمدلله السوقة معروفة وعلى قفى من يشيل بس شنو اشتري بالضبط مو عارفة وشكثر اشتري ما ابي اكود على الفاضي

يعني مثلا جم بدلة حفلة
جم بدلة تنفع للاستقبال
اشتري بيجامات
العطور
شنو اشياء للبيت للعلم انا بسكن بيت حمولة
وشنو اشياء غير هالاشياء والكمية مع العلم ان حمولتي كبيرة مشاء الله يعني بتصير منا سبات وايد

تدرووون ؟؟؟؟ ايام اول اسهل كلها بخور وديرم وبخنق ودراعة وشوية ذهيبات اللحين وايد اشياء!!!!!

ويعطيكم العافية

هلا أختي ..

ألف مبرووك يا قلبي ..

أول شي دشي بأي تجمع عرايس ..

عشان تتشاورون و اتسوولفوون مع بعض ..

بدل الاستقبال 5 _ 6

بما إنج عند حمولة يبيلح دراريع حلوة و ذربة و نعوومة تنزلين فيها كل يوم ..

قولي مثلاً : 12 - 14

ولا تنزلين كل يوم لووووول

ترى العربيد كلوكشنهم الحين حلو روحي فصلي و غيري الألوان على كيفج

و عندج مشغل الأرجوان إدارة أم حموود ..

فصلت عندهم 4 دراريع الصراحة شغلها حلو ومقاساتها مضبووطة ما غثتني مثل بعض المشاغل أروح و أرد عليهم ..

دايمن تنزل عند معرض الروضان ..

و لعلمج مرة شفت دراعة موديل ميساء مغربي عند مرة بجم بـ 35 قلت لها نزلي قالت نهايتها :/

و آنا امفصلتها بالعربيد بـ 12 دينار ..

يعني قبل لا تروحين للحريم شووفي العربيد ..

بجامات : 6_ 8

نوعي بين الحرير و الأقطان و البجايم الشورت ..

بجامات ستان مع أروابهم ..

ولا تنسين قميص أول ليله ..

و قمصان النوم إذا تعرفين زوجج شنو يحب حلو إذا لا ..

نوعي بين الطويل و القصير ..

بحدود 10 _ 15 قميص ..

العطووور ..

نصيحة لا تكثرين ..

آنا ما أدري شنو الي جاني كثرت حيل العطور العربية و البخور ..

شووفي اشتري 3 _4 عطور عربية

3_4 عطور فرنسية ( 2 منهم سيت كامل )

البخور اشتري بخور القرشي الي اثنين بـ 50 + واحد مجانا

بخور المعاريس من أمل الكويت

و بخور يومي للشقة بس اتكون ريحته حلوة و مركزة ..

عندج معجون العربية و أطياب المرشود ..


ولا تنسين تشترين دهن العود .. في دهن العون اسمه فاطمة من أمل الكويت

و مسك العروس و مسك الختام و مسك العود و مسك الغزال هذا كل عند القرشي ..

و اشتري اوتي بخار

و الاستشوار و آلة الحلاقة ..

و الله يووفقج حبيبتي ..

و أي سؤال لا يردج إلا كيبوردج ..

دعوواتج ..

 

[عروسة 2011]

رحيق الورد ما قصرت
بس شوفي نصيحة لا تكثرين وايد جهزي حق شهر لآنه كل شي بيتغير الموضة بتتغير

 

[al-musk]

لاتنسين خذيلج جم دراعة كشخه من الأوقاف عشان لازاروكم الناس ..روحي رانيا واليشمك..

 

[غنج بدويـه]

,
حاولي تقسمين المهر
أهم شي خلي ميزانيه لمكياج عرسج وصباحيتج والبدله البيضا ومصورتج والدي جي ,,
لاتكثرين عطووور نصيحه ..
,, وموفقه ان شاء الله

 

[لمساتـي]

طبعا نصير خواتج وكلنا خوات يالغاليه بهالموقع الرائع

نبدأ بالمهم


الذهب+العرض



فستان العرس الابيض مع الإكسسوارات الشعر والمسكة و الساعة و الدبلة و الاسوار

و النعال و انتي بكرامة



فستان المسائية او الصباحية و دور الاسبوع عند امج



تصوير فوتوغرافي كامرة فيديو



دي جي لدخلة العروس انا عن نفسي ما حطيت ما ابي ابالغ ابي الطقاقة تحط لي أي اغنية





الـــــــــــصــــــــالـ ـــــ ـــــــون



حجز مكياج العرس عند فندق حسب اختيارج انا كنت عند كويت كونتيننتال المكياج عند الهام و الشعر دينا

حجز مكياج الصباحية عند اللي تبين أي صالون



حجز برنامج العروس عند الصالونة اللي تحفج بالبيت ( حمام مغربي –حف الايد و الارجل كامل- تشقير او حف الظهر والبطن –الحواجب –بديكير و منكير الايد و الارجل-تنظيف البشرة مع السنفرة- صبغ الشعر اسود اوبني غامج) يكون قبل العرس بيومين



الـــــعــــبـــايـــــــ ات



2 – عباية كتف وحدة كشخة و الثانية شغل خفيف

1- عباية مانتو مسكرة وشغلها اسود و ناعم و خفيف

1- عباية راس



الــــــدراريــــــــــــ ـع



10- دراريع كشخة ومن مشاغل او خياط او غيرة

10- بجامات حرير \ قطن\شورت



الـــــــبـــدلات

4 الى 6 حسب ذوقج واختيارج من مشغل او محلات



قـــــــرآن +ســــــجــــادة



الــــقــــــمـــــصـــان



14-16 لا تكثرين تشكيلة قصير وطويل

واول يوم بيج او ابيض حسب الذوق بس شرط يكون طويل



الــــــــــــــــعــــــ طــــ ـــورات



العطورات الفرنسية عند الشايع تلقينهم او المركز الفرنسي



فلوربومب-كوكو شانيل-استلة-هوت كوثر-مانجو من لانكوم- فيرزاتشي



دهن العود الملكي عند القرشي

الف ليلة وليلة عند اجمل

بخور

اخذي عود مبخر من اجمل –اخذي من الروقي او الفايز البخور بس

فحم – مبخر

مخلط اكو زينة من الرصاصي لونة بنفسجي

مسك من القرشي

لوشنات طقم مع العطر اخذيهم من بدي شوب

العطورات العربية

الحجر من السيد جنيف تلقينة عند الشايع

وصال و قطرة الندى و مجموعة احبك وسنسيال من اجمل



الــــكـــــمــالــــيـــ ــــا ت



النعال اسود- فضي- ابيض- ذهبي- نعال عملي



الجناط لازم مع كل وحدة بوك جنطة سهرة لون اسود او ذهبي

جنطة عملية

جنطة ماركة ثنتين مع البوك

شنطة مجوهرات و اكسسسوارات والمكياج



الاكـــــسـســــــــــوار ات

خواتم- تراجي-اساور على الوان البدلات والدراريع

ساعات وحدة عملي و ثنتين كشخة



الــمـــلابــــس الـــداخــلـــية



15-20 قطعة طقم

لاتنسين روب الحمام مع الفوط

نعال حمام وانتي بكرامة



مـــــــــــــلابـــــــس

جنز

بلوزة

احزام



الــــــمــــكــــيـــاج



انا عن نفسي اقول اشتري مكياجج اللي تستعملينة لانة هو اللي يضبط عليج

بس بكتب لج الماركات



كريم اساس لسهر من ديور

كريم اساس للاستعمال اليومي من بدي شوب

كريم اساس استوديو فيكس من ماك

كريم اساس من سان لوران

البودرة كانيبو

بودرة للاستعمال اليومي ماكس فاكتور

مثبت مكياج من جفنشي

بوبي براون كريم مرطب لونة اسود

اللمعة شارمل او مكياجي

الكونسلير ايف سان لوران

قلم كحل ومسكرا هيبنوس و الكحل السائل من لانكوم

ماسكرا ماكس فكتوريا 2000

ماسكرا استي لورد



الشــــــــــدو



علبة الشدو كاملة من مكياجي للاستعمال اليومي



بيق مينت من ماك للسهرات اخذ اللون المعين



الــــــــــــبلاشر



نوبا وماك



الارواج و الــــــــقلاسات

اخذ الالون اللي تبين الوردي و الأحمر و البرتقالي و العنابي و البني

ماك ونوبا وميك اب فور ايفر وجفنشي



فرش المكياج من رد استار



مثبت الشدو من ماك رهيب



الاضاءة و اللمعة وعجينة الحواجب و مخفي العيوب



الاستون مزيل المنكير



اغــــــــــــراض الــــــــــــصــــــيدلي ة



غسول وبرهم المنطقة الحساسة- غسول للفم – بندول



اغـــــــــــــــــــــرا ض الجمعية

لوشن لليدين
شيرة
مزيل رائحة العرق

كريم الليل و النهار
مكرة وابرة مقص

مشط
اعود قطن اذاني
اعواد اسنان

فرشا و معجون
كريمات العناية بالبشرة غسول للوجة

علج
ليفة للجسم
مزيل للمكياج
استشوار

اولويز
معطر جو للحمام
عدة اظافر
جل للشعر

فازلين
سبري للشعر

كريم لليدين

حمام زيت



كريم شعر

شامبو

مسكات الشعر وربطات و توكات

اكسجين مع البودرة
وبالتوفيق

 

[zena80]

ماساة لما ميكون عندج تجارب مثلي:nocommint:

 

[".. دلـولـه .."]

مشاءالله البنات ماقصروا وشوفي التجمعات بتفيديج


​

 

[أموله بنت ابوها]

بعد قلبي مشكورين وما قصرتوا ربي يفرج عنكم ويسر اموركم ويوفقكم

نصايحكم عجبتني

وان شاء الله ماراح اهملها

 

[لمســات الجـوري]

نصيحه نصيحه نصيحه لا تكثرين خرابيط اخذي من كل شي بالمعقول

حطي ببالج تجهيز حق اسبوعين بس بعدها راح تروحين مع ريلج حق السوق وتتسوقين

يعني بيجامتين حرير كافي

ثلاث شورتات حرير كافيين

شورتين قطن كافي

ثلاث بيجامات قطن حق ايام الدوره وايام ماتكونين تعبانه لا سمح الله

الميك اب اخذي الشي اللي تعرفين تستخدمينه لا تاخذين على المدح وانتي ماتعرفين تستخدمينه

اكسسوارات الشعر اخذي مع كل بيجامه واذا قميص النوم يحتاج اخذي

اشتري 6 قمصان طويله و15 قصار

اخذي روب ابيض ستان راقي يكون قصير او طويل واخذي اسود يكون العكس بحيث انه يكون عندج واحد قصير وواحد طويل

اخذي روب الحمام يكون راقي وذرب

اخذي تنانير حق الشقه وبناطيل مع بديات حلوه وشورتات وجينزات بس همن لا تكثرين ولا تنسين تاخذين نفانيف استرجات حق السهرات قبل لا تلبسين قميص النوم

واخذي نعال حق القمصان ابيض واسود وذهبي فيهم ريش تلاقينهم بسندس بسرداب وهمن فيه بالمهلب

اخذي نفنوفين حق الصبح يكونون ستان راقيين واحد جم طويل والثاني جم يكون جبنيز او حفر

واخذي ست بدل استقبال وزواره كااااافيين صدقيني وكل بدله ركبي معاها شغلها من شحاطه وجنطه وساعه واكسسوار وغيره
لا تشترين جواتي وجناط وانتي ماعندج عليهم شي حرام السوق ماراح يطير

واخذي عبايه عمليه ذربه ساده حق لاسمح الله طبيب او ظرف تكونين مستعيله فيه
واخذي عبايه كشخه حق الاستقبالات وحده كافي مو تاخذين حق كل بدله حرام

وان شاءالله اكون افدتج