السلبيـــــه !!

[* ليــــدي *]

مرحبـــــــــآ ..


شلونكم ~ :eh_s(22):


موضوعي عن السلبيه ..

ببدي بمشكلتي و ابي تجآربكم بخصوص الموضوع


مشكلتي وحده من رفيجاتي حبوبه وشخصيتها جدا جميله مع الناس تضحك وتسولف بقمة الروعه ..

لكن من تشوفنا تتشكى

داااااااايم تشوف الشي السلبي

حيل سلبيه حيل حيل لدرجه احنا قمنا ناخذ من شخصيتها
الصبح قبل السلام تقول اوووف ماشبعت نوم ولامتعشيه امس وراسي حيل يعورني ولييييه مااالي خلق للدوام << هذي جملتها المعتاده

ومره قلنا بنكلمها كلمناها جان تزعل علينا كلنا وعطتنا
بلوك من واتس اب
دليت من البي بي
بلوك مكالمات


بس رفيجتي واحبها ابي لها الخير شنو الحلول برايكم ؟
و شنو تجاربكم عشان استفيد منها ؟

 

[شادن33]

ليدي ليدي ما أجملها >>>> كل مااشوف نكج اذكر ليدي ههه

أنزين بالنسبه لموضوعج
أنا عندي نفس المشكله مع ناس ككل يشكون من اشوفون ويهي تبدي الشكاوى >>> وانا ناقصه يعني
فكنت اواسيهم واطبطب وادلع بس مانفع مع انهم طيبين
بس هذا طبع
فكنت اسمع الشكاوى وتذمرهم من اول القعده لين اخر القعده وآخر شي اقولهم الله يعينكم واطلع بخفي حنين هههه
شسوي بعد
الله المستعان

 

[pink^q8]

انا الصراحه اللي جذي انصحها ومايفيد معاها خلاص مارد انصحها غلطانه كل هذا تسويه بس عشان كلمتوها والصراحه الواحد يالله نفسي بعد اشيل هموم احد انا اقول خليها وماردها بتعرف ان انتي قصدج النصيحه واذا ماردت اهي الخسرانه لان خسرت ناس ينصحونها

 

[blue ocean]

انا اعرف شخصيه حيل حيل سلبيه بس اللي يقهرني ان هالشخصيه ماتبي تعترف بسلبيتها

لأن الاعتراف بالعيب اول الخطوات الصحيحه لإزالتها او تعديلها ..

هذا طبع اللهم ياكافي وكل اطباعنا السيئه قادرين نقومها على الاقل لو حتى ماقدرنا نمسحها

من شخصياتنا انا ساعات احس نفسي سلبيه ببعض الامور بس على طول اغير الموجه ماحب

اكون جذي لأنه فعلآ السلبيه شعور سيء بالنفس صعب انسان طموح ومتفائل تنوجد فيه هالسلبيه

طول الوقت عشان جذي لما احسها بنفسي اقمتها .. واغير الموجه النفسيه لي التفاؤل

لأني بصراحه ماحب الناس السلبيه اعتبرها من اسوء الصفات اللي ممكن تنوجد بأنسان

مو بس عشان كثرة التحلطم والحنه والازعاج .. حتى لأنه احسه انسان نظرته للدنيا نظره متواضعه

وسطحيه .. لأنه الحياة تبقى اكبر من اننا ننظر لها بسلبيه وتواضع رغم كل مشاكلها ..

مشكوره ليدي عالطرح​

 

[المرتاحة]

بيني وبينج انا الشخص اللي دايم يتشكى أحاول ابتعد عنه

ميخالف الواحد ممكن يشتكي و يتحلطم اذا حاشته مشكلة واقدر اواسيه بس اللي علي طول شغال شكاوي و تحطم بنفسه احس ان هالشخص ما عنده ايمان بالقضاء والقدر وما يحمد الله علي كل حال واتوماتيكيا ولا شعوريا تلاقيني ابتعد عنه واتحاشاه

 

[manoooram]

استغفرالله أعرف كم وحده جذي دااااايم تتشكى وهذا يعورني ومحد يحبني والكل من مادري
بس تشكي .. والحمدالله بالي وسيع معاهم
في البداية أحاول ان نطلع من المود اللي اهم فيه ونحول مسار الموضوع للفرفشة
اعطي الحلول حق شكوتها حتى لو تافهه المهم لازم يطلع حل على شان توقف من التشكي
شفت طال الموضوع أقوم من المكان اللي هم فيه وأروح عنهم على شان ما أتأثر فيهم أكثر ونفسيتي تتعب
وأجالس بنات من ذوات الطاقات الايجابية على الأقل نفسيتي تنعكس منهم وارتاح

اذا كانت صديقتج تعز عليج ومهمه عندج كلميها مره ثانيه
شفتي ردة فعلها سلبيه وبلوك وتتزعل
هني براحتها لأن سويتي اللي عليج وهي عاجبها الوضع السلبي اللي هي فيه
وفي مثل كويتي : من تشره تكّره

 

[$ بنت علمي $]

اي والله ماأحب هالنوع اللي يقعد ويشكي من كل شيء

قوليلها الناس ماتحب اللي يشكي يبتعد عنه

وانا إذا شفت هالانسانه موجوده بمكان اتحاشاها خخخخخخ موناقصين هموم

يعطيج العافيه

 

[فيونكاq8]

اي والله م ندري شنو الحل معاهم بس تتشكى وهموم الدنيا فوق راسها :/

 

[ŦSЩД3УФИУ]

حآولــي تفهمينهــآا و اذا م فـآاد
شتسويـن بعـد انتـي ما قصرتـــي
معآهآ .. بس صج ماحب اللي
يتشكـى .. اعرف ناس من تقولين لهم
هلا فلانةة ( شلوونج ) تبدأ تعطيـج بهالشكاوي لوول
ودج تقولين لها ي الطيبة من قايلج ان حنا الادارة العامة لامن الدولـةة !
مووضووعـج حلـوو يعطيـج العآافيـــةة



..



​

 

[نهى الأحمد]

هلا حبيبتي لولي

ماشاءالله البنات ماقصروا بالردود

عطيها فرصة ثانيه بما انها تعز عليج

يمكن تعرف غلطها وتتغير


وان ردت قوليلها بشكل عام انه البعض مايحبون الانسان اللي يتشكى دوم ويبتعدون عنه

 

[* ليــــدي *]

ليدي ليدي ما أجملها >>>> كل مااشوف نكج اذكر ليدي ههه

أنزين بالنسبه لموضوعج
أنا عندي نفس المشكله مع ناس ككل يشكون من اشوفون ويهي تبدي الشكاوى >>> وانا ناقصه يعني
فكنت اواسيهم واطبطب وادلع بس مانفع مع انهم طيبين
بس هذا طبع
فكنت اسمع الشكاوى وتذمرهم من اول القعده لين اخر القعده وآخر شي اقولهم الله يعينكم واطلع بخفي حنين هههه
شسوي بعد
الله المستعان

ليدي ليدي ما اجملها
و طبطب وادلع

الله شهالرد الموسيقي :eh_s(22):


نفس حالتي اطبطب وادلع وماكو نتيجه

 

[* ليــــدي *]

انا الصراحه اللي جذي انصحها ومايفيد معاها خلاص مارد انصحها غلطانه كل هذا تسويه بس عشان كلمتوها والصراحه الواحد يالله نفسي بعد اشيل هموم احد انا اقول خليها وماردها بتعرف ان انتي قصدج النصيحه واذا ماردت اهي الخسرانه لان خسرت ناس ينصحونها

بعد العيد ان شاءالله بترد اعرفها مالها غناة عنا خصوصا متقابلين من 7 لي 2
المشكله تدري انها غلط بس تعاند تقول هذا طبعي كيفي
احنا شذنبنا

 

[* ليــــدي *]

انا اعرف شخصيه حيل حيل سلبيه بس اللي يقهرني ان هالشخصيه ماتبي تعترف بسلبيتها

لأن الاعتراف بالعيب اول الخطوات الصحيحه لإزالتها او تعديلها ..

هذا طبع اللهم ياكافي وكل اطباعنا السيئه قادرين نقومها على الاقل لو حتى ماقدرنا نمسحها

من شخصياتنا انا ساعات احس نفسي سلبيه ببعض الامور بس على طول اغير الموجه ماحب

اكون جذي لأنه فعلآ السلبيه شعور سيء بالنفس صعب انسان طموح ومتفائل تنوجد فيه هالسلبيه

طول الوقت عشان جذي لما احسها بنفسي اقمتها .. واغير الموجه النفسيه لي التفاؤل

لأني بصراحه ماحب الناس السلبيه اعتبرها من اسوء الصفات اللي ممكن تنوجد بأنسان

مو بس عشان كثرة التحلطم والحنه والازعاج .. حتى لأنه احسه انسان نظرته للدنيا نظره متواضعه

وسطحيه .. لأنه الحياة تبقى اكبر من اننا ننظر لها بسلبيه وتواضع رغم كل مشاكلها ..

مشكوره ليدي عالطرح​

صح لازم تعترف بهالشي عشان تزيلها ..
وصح كلامج نظرتهم سطحيه ..
الله كريم ان شاءالله
العفوو ياقلبي

 

[* ليــــدي *]

بيني وبينج انا الشخص اللي دايم يتشكى أحاول ابتعد عنه

ميخالف الواحد ممكن يشتكي و يتحلطم اذا حاشته مشكلة واقدر اواسيه بس اللي علي طول شغال شكاوي و تحطم بنفسه احس ان هالشخص ما عنده ايمان بالقضاء والقدر وما يحمد الله علي كل حال واتوماتيكيا ولا شعوريا تلاقيني ابتعد عنه واتحاشاه

صح كلامج :rerrerek:
نورتي

 

[* ليــــدي *]

استغفرالله أعرف كم وحده جذي دااااايم تتشكى وهذا يعورني ومحد يحبني والكل من مادري
بس تشكي .. والحمدالله بالي وسيع معاهم
في البداية أحاول ان نطلع من المود اللي اهم فيه ونحول مسار الموضوع للفرفشة
اعطي الحلول حق شكوتها حتى لو تافهه المهم لازم يطلع حل على شان توقف من التشكي
شفت طال الموضوع أقوم من المكان اللي هم فيه وأروح عنهم على شان ما أتأثر فيهم أكثر ونفسيتي تتعب
وأجالس بنات من ذوات الطاقات الايجابية على الأقل نفسيتي تنعكس منهم وارتاح

اذا كانت صديقتج تعز عليج ومهمه عندج كلميها مره ثانيه
شفتي ردة فعلها سلبيه وبلوك وتتزعل
هني براحتها لأن سويتي اللي عليج وهي عاجبها الوضع السلبي اللي هي فيه
وفي مثل كويتي : من تشره تكّره

احنا نحاول معاها
وصح لازم مانتاثر :eh_s(17):
نورتي

 

[ظبية بوظبي]

لووووول
بجد ضحكت
مره وحده بلوك ودليت ..
فيها طنقره والله
هذي المود عندها يقفلللل عالاخر >> تذكرني بنفسي خخخخخخخخخ

لا ولقيت هالرد وانفجرت ضحك:
ليدي ليدي ما اجملها
و طبطب وادلع

الله شهالرد الموسيقي

بجد ما دققت الا لما قلتي
فديت شادن انا
***********
عادي همشي كل افعالها ولما تقابلينها عامليها ولا كان شي صار خخخخخخخخخخ بتنتحر وبتهدى بعده

 

[Melazlaza]

الحكم على الشخص بالسلبية يتطلب مرور وقت طويل على معرفتنا فيه يتعدى الاشهر
لان ممكن هالانسان يمر حالياً بظروف معينة تخليه يشتكي
او ممكن بالذات بهالفترة صادفته مشاكل متلاحقة
بس الي تعرفينها من عمر وطول هالعمر تتشكى فاذاً يا انها تخاف من العين وتبي تبعدها بالتحلطم او انها بفراغ لان الشخص المشغول من الصعب ان يركز ويتحلطم اغلب وقته لاهي بشغله ومسؤولياته والدنيا ماخذته


صدقيني عطيها مجال يمكن نفسيتها تعبانه
وحابه اقول شي اتمنى ماتزعلين
قلتي كلكم قلتولها انها سلبية تدرين شنو وقع الصدمة عليها ان كل الي حولها شاف عيبها لو صج تحبينها المفروض تكلمينها بينج وبينها
بس الحين مالج الا انج تتوددين لها وتبينين لها حبج وحرصج على سعادتها

والله يصلحها