السنعات يدشون يسنعوني حدي عليميه بالميكب

[روج بالتوكس]

شلونكم و شخباركم عساكم بخير حبايبي
انا توي مالي سنه عروس ومن تزوجت سافرت ويا ريلي يدرس بامريكا
ولي سنه برا الديره
وراده ان شاء الله عقب اسبوعين بنقضي اجازه الكرسمس ويا حمولتي
وعاد تعرفون ما امدا عقب العرس اقعد وياهم
والحين باقعد معهم وانتو تعرفوون بالميكب كثير ماشاء الله وتعرفون بامريكا الميكب سمبل
وحدي محتاره شورو علي ماعندي خوات كبار
شنو الالوان اللي دارجه بالشتاء
وشنو الجديد بطريقه الميكب للبيت
وشنو احط ، وشنو اللي هابين فيه بالعطور

عفيه علموني ترا حدي عليميه بها السوالف ابي اتسنع جدامهم
عاد حمولتي ناس مرره كلاس وراقيه بكل شي ماودي ريلي يرد ويشوف خواته وحريم اخوانه مبدعين وانا لا
عاد جناينهم كله حجيهم عن الميكب والعطور والماركات
بنات عفيه ساعدوني مالي غيركم فزعو معي
وعسئ اللي تساعدني ريلها مايشوف غيرها ولا يتزوج عليها ويسعدها
واللي ماتزوجت ربي يرزقها بولد الحلال اللي مايشوف بعيونه غيرها ويسعدها
وربي يرزق اللي تاخروو بالحمال بتووووواءم يبررررونها

 

[ضحاوي الديره]

احلا الوان بالشتا الزيتي البنفسجي البنياااات يعني الغوامج بشكل عام
ونوعي مره سمببببل حده ومره فخم
والعطووور طبعا مايبيله هذا وقت العوود والبخور والمسك والعطور القويه حلاتها الحين هالوقت

 

[روج بالتوكس]

مشكوره حبيبتي ضحاوي الله يسهل عليج يارب

بنات ياحلوات وينكم والله ابجي لان ابي اتغرض من امريكا

ما اكلف عليكم بس ابي بالصور لاهنتوووو

 

[انثى الكويت]

والله بالنسبه لي ما امشي شنو الوان الموضه يعني عالبدله
لابسه بني احط درجات البني وهكذا

بالنسبه للحمر ملاحظه هابين بالمشمشي والتحمر والالوان الغامجه

وصبغ الاظافر احبه يكون نفس الحمره واذا كلش احبه يكون الاحمر على دم الغزال راقي


وبالنسبه للعطور نوعي اذا في بيت حمولتج يمعات فا تبخري ومن هالدهن العود
واحسن المحلات بالنسبه لي الجزيره كل ما اشم شي عندهم القاه حلو


والعطور الفرنسيه اذا بتسلمين على خالتج حماتج يعني قعده عائليه بسيطه

مكياجج ناعم يكون وعطورج فرنسيه


بالنسبه لي مو اي عطر يدش مزاجي وماهتم لليدد المهم ريحه حلوه

عطور ديور بيور بويزن البيضه
ومس ديور
وشانيل كوكو شانيل
واحب الين البنفسجي

وعندج قوتشي البيضه حلوه والبنيه الغامجه ثقيله وحلوه بعد

وفي عطر يديد ايلي صعب عجيب كل من سالني عليه وايد حلو هذا توه يديد

وتردين بالسلامة

 

[جوهرة البحرين]

حبيبتي دشي مواضيع القسم اللي مثبتينها
وايد بتستفيدين
مثل عندج موضوع مانورام >>انا هذي مشترياتي وانتي وريني شنو مشترياتج
فوشيا قيرل>>لوكات
سابركل >> موضوعها وايد حلو وبتستفيدين

واخذيلج بالقسم فرة اقرري كل المواضيع
البنات مو مقصرين يقولون رايهم بكل شغلة ياخذونها
من ميك اب وعطور
ويارب ان شاء الله تطلعين قمرررررررررررررهم

 

[روج بالتوكس]

وأي مشكوره أنثى الكويت ماشآء الله عليج سنعه

 

[روج بالتوكس]

يعطيج ربي العافيه جوهره بأشوف المواضيع وهم مايمنع باقي الحلوات يساعدوني

 

[Pink.Barbie]

قلبو ازا ما تعرفي تحطي ميكاب انصحك ابتعدي عن الالوان القويه نفس الازرق و الفوشي وهالالوان

واساسا الوقت شتا و انصحك بالتربيات و البنيات هادي احلى الوان بالميكاب و احسنها

بالنسبه للماركات : اغلبية الماركات الكبيره شوداتها حلوه

عندك ماك و شانيل و ايف سان لوران و ديور و كلارنس و قيرلان و نارس و توفيسد

الارواج بالشتا ترجع موضة الالوان الدافيه نفس الاحمر و العودي و كمان خذي الوان نيود عشان الصباح و عشان التغير

واحسن الماركات ماك و ايف سالوران و ديور

بالعطورات انصحك بقوه بتوم فورد يجنن يجنن يجنن و رائع للشتا

المناكير راجع الكلين بقوه بكل الكلوكشينات و خذيلك كمان الوان هاديه يعني نوعي

كريم الاساس يفرق من بشره لبشره انا عندي كريم اساس ديور اسمو نيود مره يناسبني

و بالنسبه للكونسيلر ازا عندك هالات واضحه و قويه استخدمي بوبي براون كونسيلر و اشتري معاه كوركتر

ازا هالاتك خفيفه استخدمي كونسيلر ايف سان لوران حلو و خفيف و تقدري تستخدميه كهايلايتر ( اضاءه ) للوجه تحطي ببعض المناطق

الي حابه تبريزها بالوجه نفس اعلى الخد وعلا عظمة الحاجب

البلشرز انصحك ببلشرات ماركة شانيل عندك ممكن تاخدي منها الاوركيد روز رقمو ١٥ و كمان في واحد تاني يجنن

ناسيه اسمو بس تلاقيه بموضوعي الي بالتوقيع

نارس في بلشر اسمو اورجازيم مو طبيعي هذا ضروري تشتريه وكل بلشراتو حلوين و ماركة بنيفت نفس الشي الوانها كلها حلوه

ماك انصحم ببلشر Improvise لونو مشمشي وهو شمري حلو مره و في كتير كمان انتي شوفي و اختاري

حاولي تنوعي بين الروز والمشمشي و المشمشي المخلوط بوردي و بين البرونزي الفاتح الناعم

للكونترينق انصحك ببلشر من بنيفت اسمو Hoola

وبالنشيه للشيمر خدي من ماك يجننو شيمراتو و كمان الشيمرز الي ببودي شوب حلووووين بالسراحه

شدو الحواجب انا استخدم من شانيل و كمان حق بودي شوب البنات يمدحوه

الماسكرا عندك لانكوم هايبنوس دراما استخدميها مع ريفلون الحمرا و مايبلين الصفرا تطلعلك النتيجه توب كانك مركبه رموش

الكحل ازا تحبي الكحل الجاف عندك لانكوم وازا تحبي الكحل يكون اسود عندك كحل ماك ( بس انتبهي ترا ماك عندو اكتر من كحل )

الايلاينر انصحك بايلاينر قيرلان

وازا رجعتي اشتري عدسات حلوه تناسبك

وتلاقي رابط موضوعي بالتوقيع ادخليه و شوفي مشترياتي بالصور و ترا متكلمه بالتفصيل عن كل منتج

ان شالله اكون افدتك واي سؤال من عيوني





*

 

[خفايا الروح93]

ترجعي بالسلامة وتكوني أحلاهم في عيون زوجك يارب
upupup

 

[روج بالتوكس]

قلبو ازا ما تعرفي تحطي ميكاب انصحك ابتعدي عن الالوان القويه نفس الازرق و الفوشي وهالالوان

واساسا الوقت شتا و انصحك بالتربيات و البنيات هادي احلى الوان بالميكاب و احسنها

بالنسبه للماركات : اغلبية الماركات الكبيره شوداتها حلوه

عندك ماك و شانيل و ايف سان لوران و ديور و كلارنس و قيرلان و نارس و توفيسد

الارواج بالشتا ترجع موضة الالوان الدافيه نفس الاحمر و العودي و كمان خذي الوان نيود عشان الصباح و عشان التغير

واحسن الماركات ماك و ايف سالوران و ديور

بالعطورات انصحك بقوه بتوم فورد يجنن يجنن يجنن و رائع للشتا

المناكير راجع الكلين بقوه بكل الكلوكشينات و خذيلك كمان الوان هاديه يعني نوعي

كريم الاساس يفرق من بشره لبشره انا عندي كريم اساس ديور اسمو نيود مره يناسبني

و بالنسبه للكونسيلر ازا عندك هالات واضحه و قويه استخدمي بوبي براون كونسيلر و اشتري معاه كوركتر

ازا هالاتك خفيفه استخدمي كونسيلر ايف سان لوران حلو و خفيف و تقدري تستخدميه كهايلايتر ( اضاءه ) للوجه تحطي ببعض المناطق

الي حابه تبريزها بالوجه نفس اعلى الخد وعلا عظمة الحاجب

البلشرز انصحك ببلشرات ماركة شانيل عندك ممكن تاخدي منها الاوركيد روز رقمو ١٥ و كمان في واحد تاني يجنن

ناسيه اسمو بس تلاقيه بموضوعي الي بالتوقيع

نارس في بلشر اسمو اورجازيم مو طبيعي هذا ضروري تشتريه وكل بلشراتو حلوين و ماركة بنيفت نفس الشي الوانها كلها حلوه

ماك انصحم ببلشر improvise لونو مشمشي وهو شمري حلو مره و في كتير كمان انتي شوفي و اختاري

حاولي تنوعي بين الروز والمشمشي و المشمشي المخلوط بوردي و بين البرونزي الفاتح الناعم

للكونترينق انصحك ببلشر من بنيفت اسمو hoola

وبالنشيه للشيمر خدي من ماك يجننو شيمراتو و كمان الشيمرز الي ببودي شوب حلووووين بالسراحه

شدو الحواجب انا استخدم من شانيل و كمان حق بودي شوب البنات يمدحوه

الماسكرا عندك لانكوم هايبنوس دراما استخدميها مع ريفلون الحمرا و مايبلين الصفرا تطلعلك النتيجه توب كانك مركبه رموش

الكحل ازا تحبي الكحل الجاف عندك لانكوم وازا تحبي الكحل يكون اسود عندك كحل ماك ( بس انتبهي ترا ماك عندو اكتر من كحل )

الايلاينر انصحك بايلاينر قيرلان

وازا رجعتي اشتري عدسات حلوه تناسبك

وتلاقي رابط موضوعي بالتوقيع ادخليه و شوفي مشترياتي بالصور و ترا متكلمه بالتفصيل عن كل منتج

ان شالله اكون افدتك واي سؤال من عيوني





*

يعطيك العافيه ياقلبي ماقصرتي فديتج عيوني ربي يحقق لج امانيج

 

[روج بالتوكس]

ترجعي بالسلامة وتكوني أحلاهم في عيون زوجك يارب
upupup

الله يسلمج حبيبتي
اللهم امين

 

[GaLbI t7aWaL]

يا قلبي اذا انتي بلوس انجلوس


تعالي اعلمج





لوووووول

 

[* شوية أمل *]

مـا قصروآ البنات عطوج نصاايح من ذههب

أبــ


,

 

[رهـوم]

ترجعين بالسلامه حبيبتي
وخليج على ستايلج الي تحبينه موشرط الميكب الحلو عليهم يكون حلو عليج ولا الحلو عليج حلو عليهم
بالشتا تكون الموضه الالوان الغامجه شوي وعلى حسب لون ملابسج والعطور الي تعجبج استخدميها
شوفي ميكب اماني البلوشي بدعاية برنامجها على قناة الوطن شلون ناعم وفخم وايد زبونات عندي يطلبون مثل ميكبها
لان يبرز الجمال ببساطته

 

[رهـوم]

اي استفسار راسليني عالخاص لان انسى المواضيع الي ادشها

 

[دآنة آلرشآيده]

انا لو منج وكنت عايشه مع زوجي بامريكا
اقعد كل العطله عند اهلي ههههههههههه

بالنسبه للميك اب احلا شي الخفيف والناعم
مو حلو الاوفر شدوات سان لوران وجفنشي عجيبه
وهم الارواج حلوين وعندج ماااك هم حلو

تردين بالسلامه واجازه سعيده​