السنعه تدش تعلمني

[عقدلولو]

شلونكم كويتيات حبيت اسئلكم اشلون تقسمون الشغل بالبيت يعني اول ماتبدون بشنو بالمطبخ، بالصاله ،بالغرفه واي وحده عندها طريقه سهله بالتنظيف ياليت تفيدني لاني ماعندي شغاله ومتوهقه حدي​

 

[عريب المستقبل]

,,,,,, اول شي التنظيف والترتيب ,,,,,, بعده الطبخ:082502bye_prv::dfgl:والمطبخ,,,,,
بعدين غسيل الملابس والكوي ,,,,,,

 

[خباري مطر]

عريب المستقبل الله يعطيج العافية صاجه وطريقتج صح

 

[ام الدرر]

حبوبة اذا تطبخين
اول ما تقومين تطلعين الايدام ويفضل من الليل احسن
تبدين بغرفة النوم والحمام
وعقب تبدين الغسيل
اثناء الغسيل
جهزي للغدا يعني اذا بتطبخين دجاج او لحم يحتاج وقت ابدي فيه
وكملي غسيل ملابس لحد ما تخلصين
الحين دور الصاله وباقي الغرف
ونصيحة قبل لا تنامين بالليل حاولي ترتبين الصالة عشان الصبح مجرد مسح اذا رخام او تنظيف بالمكنسة اذا سجاد
رجعي للمطبخ كملي تجهيز للغدا
ونظفي المطبخ
على الظهر وقت الغدا وزوجج بيرجع تكونين خالصة كل شي
العصر تكونين فاضية جمعي الملابس واكوي اللي يحتاج كوي
والله يعينج​

 

[أغلى حبيبه]

الايدام اطلعه من الليل احطه بالثلاجه

واول ما اقعد انظف داري وحمامي

والصاله من الليل مسويتها

والغساله ٣ ايام او ٤ بالاسبوع اغسل الملابس

والطباخ التقصص كله بالمكينه

اسهل اسرع

وانتي رتبي شغلج علي حسب الغرف

 

[عقدلولو]

عريـب المستقبـل
بنـت المطـر
ام الـدرر
أغلـى حبيبـه
​

يارب كل من ردة علي تعطيها كل ماتتمنى والله انكم طول عمركم سنعات ياكويتيات ماهوشي يديد عليكم

 

[dnyay_mll]

اول ما اقوم اغسل الحمامات واروح للصاله وارتبها واكنسها وامسح السيراميك
بعدين اروح غرفتي ارتبها واكنسها وامسح السيراميك
بعدها غرفة العيال نفس الشي
بعد الغدا انظف المطبخ
وابخر البيت كله
المواعين غسليها اول بأول
واذا عندج عيال خليهم يساعدونج بترتيب الصاله وغرفتهم
وقبل التنظيف قولي سبحان الله 34 الحمدلله 33 الله اكبر 33
سبحان الله تحسين الشغل خفيف وماتتعبين كلش

طبعا عندي خدامه
بس هالجدول وقت مايكون عندي خدامه

 

[رعشه هدب]

مااااا قـــــصــــروا البــــنــــاااااات يـــعـــطـــيــــكــــم اااالــعـــاااافــــــيــــــه ​