السوت تجميل انف تدش وبدعي اليها في كل صلاة

[احلى فرفورة]

السلام عليكم... الحمدالله صار لي سبوع من سويت عملية تجميل الانف ... تونا اليوم شايلين الجبيرة عند الدكتور واشوف انفي الجديد... بصراحة اجمل من قبل بس مو مثل التمنيته... احسه وارم وفيه انتفاخ بالساق شوي وحتى الارنبة شوي وارمه.. قلت للدكتور قال لي شي طبيعي توك ماصار لك سبوع من سويتي العملية وتوك الحين شايلة الجبيرة وانشاء الله النتيجة بتشوفينها بعد شهر بيتغير كل يوم بتحسين بتحسن والنتيجة النهائية بعد ٦ شهور...

عاد قلت مالي الا انتم اسئلكم... يعني الورم والانتفاخ الفي الانف يروح بعد فترة؟؟ ترى ما اقدر المسه من الورم... مو قصدي اوفر يعني اليشوفني اوكيه شكلي بس احسه منتفخ اكثر من قبل بس محدد وصار احلى بس عيبه الانتفاخ... صاير كأنه واحد ضاربني بكس بالخشم قبل ساعة خخخخخ... عاد تكفوووووون طمنوني صج بيتغير شكله الى الافضل بعد فترة؟؟؟


خاااااااص الى المجربين والعندهم خبرة فقط لو سمحتم

 

[شنشووونه]

وعليكم السلام

عادي فديتج لازم في البدايه يكون منتفخ وعقب بيرجع يفش

يعني لي عقب ست شهور بيكون الورم فاش والنتيجه النهائيه بتكون بعد سنه ان شاء الله

وعادي خلال هالفتره يوم تشوفينه وارم ويوم فاش ويوم مادري وش فيه خخخخخخخ يعني لاتحاتين تو الناس

والحمدلله على سلامتج حبوووبه

 

[بسكوتة وبس]

رد : رد: السوت تجميل انف تدش وبدعي اليها في كل صلاة

عااادي حبيبتي طبيعي

واهم شي ان مع الانتفاخ شكله مبدأياً عاجبج

ان شاء الله 3 اسابيع يروح الورم

وبعد سنه راح تشوفينه احلى واحلى

بس ديريبالج بهالسنة ياريت تبتعدين عن الكدمات او اي صدمات لانفج

والحمدلله ع سلامتج

 

[احلى فرفورة]

رد: رد : رد: السوت تجميل انف تدش وبدعي اليها في كل صلاة

بصراحة اكتب لكم والدموع تدرف في عيوني لو تشوفون حالي والله ماتوقعت حلمي بيتحقق بالفشل... شكل انفي اجمل من قبل بس ماتغير واجد واحسه صاير اكبر من قبل ... ما ادري هو ورم لو شلون؟؟ الدكتور اول ماشال الجبيرة قلت له ترى انفي مازل كبير يقول لي ثقي فيني هدا لانه توه ماصار له سبوع من العملية وتو الحين شايلين الجبيرة عاد يبي لك 6 شهور بتشوفين النتيجة النهائية.. والله يا اخواتي الجربت عملية لو تعرف احد تقول لي صج كلامه؟؟ انفي احسه صاير اكبر من قبل بس بحلاوة التحديد يعني قبل كانت فيه كسرة وكان مشوه بس الحين كل شي تعدل بس عيبه المتن.. صاير سمين ما ادري متين ما ادري من شنو؟؟؟؟؟ ياربي ياربي ياربي اتمنى يكون ورم ويروح بعد فترة.... للحين احس بالم ادا لمسته يعني ما اقدر وانتو بكرامة اتمخط لو اطلع الاوساخ بالضغط عليه... يعني شنو هالاعراض؟؟ ورم؟؟؟ ياربي يكون ورم ويروح..... مشكورين خواتي وايد على الردود بس ياليت لو تقولون لي لو تشرحوا لي تجاربكم يعني شي طبيعي الاشوفه انه اكبر من قبل؟؟ لو شلون؟؟؟ طبعا مو اكبر بكثير يعني احسه مازال كبير صاير متين سمين احسه كله دهون ما ادري ليش...!!! اهئ اهئ اهئ والله تعبت نفسيتي

 

[شنشووونه]

وي فديت قلبج فرفوره لا تصيحين والله هذا شي عااااااادي

لازم في البدايه يكووون منتفخ وعقب بيفش شوي شوي

ف لا تحاتين فديتج

والام شي طبيعي لانه كاسر لج العظم

وكله بيخف بس يبله شويه صبر

وطمينا عنج يالغاليه و ان شاء الله خير

 

[ZaYtOoNa]

هاد كلوووو طبيعي
لساتك ببداية مشوارك
النتيجه النهائيه بتكون من 6 شهور لسنه ع حسب نوع بشرتك
ومنخارك رح ينقلب 180 درجه لول
يعني الورم والانتفاخ كلو رح يرروح مع مرور الايام
والدهون طبيعيه هلئ ومنخارك بس تلمسي الارنبه تقريبا ما بتحسي فيها
طبيعي كلو هاد
خدي صور لمنخارك زي ما انا كنت بعمل
كل يوم ومن كل الجهات
وبعدين رح تلاحظي الفرق

 

[sosa2004]

عند منو سويتيها؟؟

 

[احلى فرفورة]

وي فديت قلبج فرفوره لا تصيحين والله هذا شي عااااااادي

لازم في البدايه يكووون منتفخ وعقب بيفش شوي شوي

ف لا تحاتين فديتج

والام شي طبيعي لانه كاسر لج العظم

وكله بيخف بس يبله شويه صبر

وطمينا عنج يالغاليه و ان شاء الله خير

بدعي لك في كل صلاة اصليها اليوم على مواساتك...فديتج :ada:

هاد كلوووو طبيعي
لساتك ببداية مشوارك
النتيجه النهائيه بتكون من 6 شهور لسنه ع حسب نوع بشرتك
ومنخارك رح ينقلب 180 درجه لول
يعني الورم والانتفاخ كلو رح يرروح مع مرور الايام
والدهون طبيعيه هلئ ومنخارك بس تلمسي الارنبه تقريبا ما بتحسي فيها
طبيعي كلو هاد
خدي صور لمنخارك زي ما انا كنت بعمل
كل يوم ومن كل الجهات
وبعدين رح تلاحظي الفرق

ماتدرين خيه شلون سكتيني كأنك كابة علي ماي بارد.. :ggdw:هههه.. ربي يوفقك وماارح انساك في صلاتي... يعني صج بيتغير 180درجة.. شوفي باقولك.. ترى رسمته حلوة كل شي فيه حلو يعني الارنبة والساق حلوين بس الساق مو بارز عدل والارنبة الله لا يوريك تقولين ارنبة بباي من السمن والمتن... طبعا حتى بالوضوء لو بغسل وجهي ما اقدر حتى اضغط يدي على الانف خاصة الارنبة ... انزين ادا على كلامك راح يتغير 180 درجة ممكن توريني صورك اول سبوع العملية والحين... ودي اشوف يعني نسبة التغير راح اتغير لو لا... والله مو مصدقة لو مو كلامك كان الحين ما ادري ويش حالي من الصياح.. وانزين بسئلك سؤال ثاني الحين شلون تقولي بيتغير 180 درجة وبنات كثير اسمعهم يقولوا اول ماشالوا الجبيرة من ثاني سبوع العملية يستانسوا لان انفهم صغر وصار حليو...!! يعني الورم يصيب ناس وناس لو شلون؟؟؟ المشكلة ما ادري هو ورم لو بيظل شكله جديه الى اخر يوم في حياتي لو بيكبر لو بيصغر ما ادري هدا القاهرني... لو ادري ماشلت الجبيرة الا بعد 6 شهور عيل خخخخخ ولا اعيش في هالمأساة دي....!! فيديني اكثر خية ارتاح نفسياً ادا لقيتك يمي.!




QUOTE=sosa2004;18761324]عند منو سويتيها؟؟ [/QUOTE]

سويتها في امريكا في ولاية اكلاهوما عند دكتور اسمه كيلي... له 45 سنة في هالمجال يعني كبير واجد بالسن ادا خدمته بس 45 سنة فما بالك من عمره... حتى انا خفت وقت عمليتي انه يموت فجأة ولا احد يكمل لي عمليتي خخخخ:eh_s(2): بس الحمدالله الله يطول بعمره ويخليه كملها ونصف :ggdw:

 

[pinkylicious]

رد : السوت تجميل انف تدش وبدعي اليها في كل صلاة

هلا حبيبتي لا تحاتين انا اول ما شالوا الجبس والله جاتني حاله هستيريه قلت لا لا لا لا لا مستحيل هذي انا كان واااارم كنه نحله عاضتني بس يوم بعد يوم بدا يفش ويفش بس بعده انا الحين كملت شهرين وشوي والارنبه بعدها وارمه ومدوره خشمي صاير كنه خشم ميني ماوس مافيه شيب ولا شكل بس انتظر وصدقييييني ترا خشمي ما كان كذه بعد اسبوع من العمليه واااااااايد تغير للحين و من دام تغير فانا احس اكيد ع الاشهر الجايه بيتغير اكثر واكثر و انا المشكله كانت عندي العرض بس خشمي كان وايد عريض وصغرته بس ما احسه صغر وايد عشان كذه انا بنتظر لين ما اكمل سنه ولو حسيته بعدده كبير على ويهي ترا في حلول ثانيه في ابر تصغر!! بس حبيبتي قريت انه ف بنات راحوا عند دكاترتهم وعطوهم ابر عشان يفش الورم وهم في حبوب وفي لزقات وجل انا ما استخدمت شي الدكتور ما عطاني غير بخاخ التنظيف وان شاء الله بعد شهر او شهرين راح تحسين بالفرق بروحج صدقيني راح يفش الورم!! وان شاء الله يصير خشمج مثل ما تبين

 

[احلى فرفورة]

رد: رد : السوت تجميل انف تدش وبدعي اليها في كل صلاة

بالبداية حبيت تباركوا ليي وبصراحة صج الدنيا بخير دام وياكم... تغير انفي ١٠٠ ددرجة الحين الى الحلاوة بسم الله علي الرحمن الرحيم اللهم لا حسد .. لاحول ولا قوة الا بالله العلي العظيم... مشكورين وايد على الساعدوني ودعيت ليكم بالصلاة والله انفي كل ماصار له يحلى كيف بعد ٦ شهور... بسم الله تبارك الرحمن.. ترى قمت كله اصور واتدلع واسوي حركات حتى صاحبتي الوياي الامريكية بالبيت تقول لي احنا سوينا عملية الى انفك مو عقلك الصابه شي انتي اوكي؟؟؟ ههههه والله شسوي حلمي وتحقق بس عساه مايرجع الى الاولي(لاحد يلومني بس شسوي مو مصدقة :ggdw... لاحد يكلمني خلاص خخخخخ امزح:ggdw::ggdw::ggdw:

 

[فطمطم]

رد: رد : السوت تجميل انف تدش وبدعي اليها في كل صلاة

هلا حبيبتي لا تحاتين انا اول ما شالوا الجبس والله جاتني حاله هستيريه قلت لا لا لا لا لا مستحيل هذي انا كان واااارم كنه نحله عاضتني بس يوم بعد يوم بدا يفش ويفش بس بعده انا الحين كملت شهرين وشوي والارنبه بعدها وارمه ومدوره خشمي صاير كنه خشم ميني ماوس مافيه شيب ولا شكل بس انتظر وصدقييييني ترا خشمي ما كان كذه بعد اسبوع من العمليه واااااااايد تغير للحين و من دام تغير فانا احس اكيد ع الاشهر الجايه بيتغير اكثر واكثر و انا المشكله كانت عندي العرض بس خشمي كان وايد عريض وصغرته بس ما احسه صغر وايد عشان كذه انا بنتظر لين ما اكمل سنه ولو حسيته بعدده كبير على ويهي ترا في حلول ثانيه في ابر تصغر!! بس حبيبتي قريت انه ف بنات راحوا عند دكاترتهم وعطوهم ابر عشان يفش الورم وهم في حبوب وفي لزقات وجل انا ما استخدمت شي الدكتور ما عطاني غير بخاخ التنظيف وان شاء الله بعد شهر او شهرين راح تحسين بالفرق بروحج صدقيني راح يفش الورم!! وان شاء الله يصير خشمج مثل ما تبين

اختي كملتي سنتين
بشرررررررررري :bbbiu:

 

[ورد ميمي]

الف مبروك تتهنين بيه يوم النفرح بفطمطم
والله يعافي كل بنت مسوية عملية لخشمها
بس تعالي فرحينا شلون صرتي طول هالمدة

 

[فطمطم]

حبيبتي ورد ميمي ربي ينولج مرادج ويسرلج امرج قلبي