السونار وبداية التاسع .. معقولة مو واضح !!

[ام نوره..]

السلام عليكم ورحمة الله وبركاته

هذي اول مشاركة لي معاكم
مع اني كل يوم اتصفح هذا القسم بس بدون تسجيل
انا ام عندي بنات الله يحفظهم
وحامل بكره ادخل الشهر التاسع
من اول ماحملت خايفه اسأل عن جنس البيبي
لأني بموت على الولد
واليوم رحت سويت سونار وقالت لي مب واضح
استغربت يعني البيبي كبير شلون مب واضح
ومن رجعت وانا مخنوقه استغفر الله
حاسه انها بنت وماتبي تقولي مع اني قلت لها اللي يجي من الله خير
وانا راضيه ولله الحمد
عطتني سي دي فيه صور البيبي بس مافهمت شي :eh_s(16):


محتاااااااره واحيان اقول يمكن صج ماشاف
واحيانا اقول يمكن غلطانه وهو ولد
والله تعبت من التفكير
ساعدوني الله يخليكم​

 

[مس عسولة]

رد : السونار وبداية التاسع .. معقولة مو واضح !!

ام نورة اي صح انا عندي بنت وحامل عمرها4 وحامل بالثانية بس بنت خالتي سوت حميت الولد عند الدكتورة ماجدة اليتامي ويابت ولد بعد5 بنات بأذن اللة والحمية عبارة عن اكل وتوقيت ايام الجماع وراح اسويها ان شأاللة بس حمدي ربج اهم شي الالعافية

 

[noo7a]

بنت ولا ولد كلهم نعمه من رب العالمين
و يمكن صج مو مبين
لان في وضعيات يكون فيها البيبي ما يبين
و خاصه اسم الله عليه الحين اهو كبير و متقلقص بالرحم

 

[_Pure_]

اي معقوله بالتاسع مايبين جنس الجنين
لان يكون محكور و مسكر ريوله والمكان ضيج

الله يرزقج ماتتمنين

 

[miss-winter]

ربي يرزقج بس ادعي ربج يكون ولد

 

[حجيه هيونه]

رد : السونار وبداية التاسع .. معقولة مو واضح !!

الله يرزقج الولد الصالح يارب


بس ترا كلهم خير ونعمه

وصج مايبين بالتاسع مو شرط لما يسكر ريوله الياهل يصير صعب يبين

 

[احلى مريومه]

الله يرزقج ما تتمنين يا رب روحي حق دكتور ثاني واذا اسالج شنو عندج عيال قوليله عندي ولد وبنت وحابه اعرف شنو فيني وان شاء الله يعلمج باللي فيج

 

[جيكره(و)تتغلى25]

اي صح مو مبين انا بالتاسع رحت حق3دكاتره وقالو انه حوضه عريض ومايبن بس انا عكسج عندي صبيان ربي يحفظهم وكنت ابي بنوته


الحمدالله

 

[ELFAD3Ah]

رد : السونار وبداية التاسع .. معقولة مو واضح !!

اختي الي ايي من الله حياه الله المهم الذريه الصالحه والخلقه التامه ودايم حطي ابالج ان في ناس ماعندهم هالنعمه

 

[Miss Golden]

حبيبتي بنت ولا ولد كلهم نعمه من الله سبحانه والحمدالله ماكو فرق..

و صح مايبين بالتاسع السونار لان البيبي يكون كبير و متقلقص وماله مكان فيصكر ريوله..

 

[_ظل الياسمين _]

المهم الصحه والعافيه ياقلبى..

وعندج مجيب الدعااااااء رب العالمين ادعيه واهو الرزاق الكريم..

ربى يقومج بالسلامه انتى وضناج.

 

[ام نوره..]

رد : السونار وبداية التاسع .. معقولة مو واضح !!




ماشاءالله عليكم على التجاوب السريع
الله لايضركم
والله طمنتوني وخليتوا عندي أمل
انا عندي 5 بنات وافكر هذي آخر حمل
تعبببببت وايد وماعاد فيني احمل واتمنى الله يرزقني اخو لهم يارب



الله يسعدكم ويرزقني وياكم الذرية الصالحة
ويسهل ولادتنا

 

[اسمي بين الاسامي]

ترا بالتاسع صعب يبين جنسه لان حجم البيبي كبير وملتف على نفسه

لو سألتيها من الشهر الرابع الى السابع يبين معاها اكثر

مالج الا الدعاء

 

[ساندريلا]

شي طبيعي مايبين جنسه الحين
مابقى شي على ولادتج انشالله صبري وادعي واللله يعطيج مرادج انشالله

 

[فديت قلبه]

ماقصروا البنات
الله يرزقج باللي تتمنينه

 

[ام نوره..]

رد : السونار وبداية التاسع .. معقولة مو واضح !!




انا تأخرت علشان يبين عدل
وبصراحه ماكنت ناويه اسأل بس لأني نزل علي دم قبل يومين
قلت اسوي سونار اتطمن وهي من شافت ملفي قعدت تسألني
عرفتي بنت ولا ولد

يلا الحمددلله واتمنى الله يرييييييح قلبي ويرزقني بكرمه


تسلمون حبايبي ع الرد

 

[& الذاهبه &]

الله يرزقج بالطفل السليم المشافى المعافى

 

[أم حمودي**MALL**]

الله يرزقج باللي تتمنين

 

[ملكة على عرشي]

الله يرزقج باالي تتمنين


البنت والولد عطيه من الرحمن الحمد لله على عطاياه


ترا في التاسع يكون كبر حجمه وتلملم أكثر ويمكن مابين معاها

 

[بنتq8]

فى وحدة عارضة بقسم الاطفال بالمنتدى جهاز يعرف نوع البيبى عن طريق البول جربى