الشاشة بطت عيني لحقوني يا خبيرات :(

[أم ناصر البحرين]

بنات عيوني رااااااااااااحت من إضاءة الشاشة
ملييييييييييييييييت
أبي أضبطها مو عارفة شلون
حاولت في الأزرار اللي في الشاشة نفسها ما قدرت
هي الشاشة قبل كانت تمام بس فجأة فصل وايرها اللي شابك في الـ (بي سي) ولما رجعته اعتفس كل شي
ومثال على جنونها
لما افتح الجرايد، الكلام اللي المفروض يكون باللون الأسود يجي متقطع وبلون باااااااااهت يعور العين
وكذلك الصور ما تكون واضحة

شوفو الصورة المرفقة بالموضوع، المفروض ان خلفيتها تكون سودااااااء والرسمة باللون الأبيض بس انا تطلع عندي بيج فاتج جداً ومو واضحة أبد




أرجوكم انقذوني شـــ أسوي؟؟؟؟؟؟؟؟؟؟

 

[Soul2soul]

MaDri Walla atmna L.bnat yFiDo0nCh aw WaDih ma7aL ta9Lee7 7abeebti y'9ab6o0naH LeCh


MwaFGa

 

[أم ناصر البحرين]

مشكورة عمري على الرد
بس عبالة اوديها المصلح أكيد فيه حل بسيط بس انا غافلة عنه

يالله يا بنات ويييييينكم؟

 

[بنت الوفا]

روح شاشة العرض

اضغط باي مكان بس بعيد الايقونات

واختاري اخار شى

وتطلعلج خيارات

 

[أم ناصر البحرين]

بنت الوفا أشكرك على الرد
بس بعد ما اروح للخيارات، وين أروح، انا فاهمة قصدج، بس ماني عارفة شلون أضبط الأرقام والألوان

أتنظر ردود الباقي ، شدعوة وينكم ؟

 

[×-Mjro7H-×]

حبيبتي جربي هالشي يمكن يضبط معاااج
روحي Control Panel
اختاري Adobe Gamma
بعدين نكست ونكس ونكس وراح يطلعلج مربع رمادي عااد اختاري الضبط وانشالله يصير

 

[أم ناصر البحرين]

مشكورة أختي (مجروحة) سويت اللي قلتي لي ونفس الشي مادري ليش اللون الأسود بالذات ما يطلع واضح، فلازم أسوي سكلت على الكلام علشان يطلع لي أوضح

بس لقيت مكان أعتقد انه الصح علشان تعتدل الشاشة وهو أني جربت أروح/
رايت كلك على الدسك توب /
بروبرتيز/
أبيرنس /
أدفانسد /
................. وبعدين شــ أختار علشان كل شي يظهر مضبوط؟؟
أخاف اختار شي ويعفس لي الدنيا أكثر

 

[×-Mjro7H-×]

العفو ياقلبي


جربي من نفس المكان الي ببروبرتيز مال الدسكتوب بس روحي على الستنق واختاري جودت الالوان حطيها هاي 32
يمكن يضبط

 

[الورد]

اختى انا كانت عندى هالمشكله وكان حلها وااايد سهل وانا كنت معقدتها

شوفى ضغطي على زرfn+الاسهم اللى على الكيبورد اللى عليها صورة سماعه (تطول وتقصر الصوت)مع بعض
هالازرار تلقينهم على يمين ويسار زر المسافه

اتمنى انى ساعدتج جربى وقوليلى اش صار عليج

 

[BaTTy]

لا ماعتقد اهيا مشكلتها مع الالوان مو الاضاءة
قعد اعابل اشوف شسالفه مادري :\

 

[أم ناصر البحرين]

أختي ×-Mjro7H-×
الستنغ مضبط على هاي 32 :eh_s(2):
وأشكرج واااااايد على اهتمامج وردج السريع :tek:
=================

أختي الورد
حبيبتي، عيزت وانا ادور زر الـــ FN ما لقيته، حتى يمين ويسار الشاشة مش موجود، يمكن الكي بورد اللي عندج يختلف عن اللي عندي؟ لأن حتى الأسهم اللي قلتي لي عنها اللي حق الصوت مش موجودة عندي......... :eh_s(10):

================

BaTTy يا عمري أشكرج على مرورج واهتمامج و أن شاء الله تضبط معاي الشاشة لأن جد جد احترت معاها :gr4uu: وصرت ما أحب ادخل النت بسببها :lkmnkl:

 

[×-Mjro7H-×]

ام ناصر قلبي انتي هالمشكله بس فبرنامج تصفح الانترنت تصيرلج ؟

 

[أم ناصر البحرين]

هلا أختي ×-Mjro7H-×
هالمشكلة في كل شي النت والأوفس​

 

[×-Mjro7H-×]

امممم حبيبتي يمكن كرت الشاشه مخترب او انه الوصله ختربت جربي تغيرينهم او انج تودينهيمكن فايرس ويخربط شغل كرت الشاسه وانشالله كنت فدتج ولو بالقليل
وتحياتي لج ياقلبي

 

[أم ناصر البحرين]

أشكرك من قلللللللب أختي ×-Mjro7H-×
الوصلة مافيها شي، ومافهمت قصدك عن كرت الشاشة لأن شاشتي عادية من غير كرت

هذي هي صورة شاشتي (الصورة من قوقل )

ممكن أعرف الضبط المثالي للشاشة في advanced اللي أوصل له من خلال الخطوات التالية؟

Control Panel - Display - Settinge - advanced



تعبتكم معاي فديتكم

 

[أم ناصر البحرين]

للحين المشكلة
غيرت الوايرات ونفس الشي

 

[BaTTy]

كرت الشاشه شي داخل الشاشه
انا اقول وديه محل و يسونه لج لانه الظاهر انه المشكلة مو من السيتنق من داخل
لا تعابلين فيه وديه يسوونه احسن لج

 

[×-Mjro7H-×]

حبيبتي كرت الشاشه ماله شغل بالشاشه كرت الشاشه قطعه تتركب داخل الكمبيوتر على المذر بورد
ودي الكمبيوتر وشوفي الفني شنو يقولج احتمال انه يبيلها تبديل

او قبل لا تروحين دقي عل فني قوليله المشكله عاد اهو يقولج الكمبيوتر ولا الشاشه
وسلامتج

 

[حصوص الكويتية]

ما اعرف واللة

 

[أم ناصر البحرين]

مشكورين فديتكم
وان شاء الله يصير عندي وقت وأوديها ............ (عبالة )