الشاطرة اللي تعلمني الجريش

[ثنايا الورد]

مرحبا بنات

اشلونكم

مااطول عليكم ابغا منكم خدمه وماعليكم امر:eh_s(7):

اللي تعرف طريقة الجريــــــــــش تسدحها لي

ابغا طريقه سهلة ولذيذه بنفس الوقت

خاطري اسويها بنفسي

وشاكرة بقووووووة اللي بتساعدني

 

[بعيون زوجي]

انا ياقلبي جريشي الكل يمدحه

اول شي قطعي بصله مكعبات وشوحيها مع ملعقتين كبار سمن

وحطي شوي كمون ملعقه صغيره

وبعدين حطي الجيك الوسط حليب في باديه كبيره وحطي عليه نص علبه الروبه الكبيره وحركيه وكبيه عالبصل وحطي عليه الجريش

طبعا تكونين خامرته قبل بوقف ومثلا كاسين جريش نص كاس رز مصري معه وحطيه عالحليب وكل شوي حركيه لين يطبخ وقصريه عليه وحركيه كل عشر دقايق واذا حابه انا اسلق دجاجه الحالها وانتفها واحطها مع الجريش روعه واذا نشف الجريش زودي حليب لين مايستوي انا ياخذ معي ساعه ونص واحيان احرسه بخلاط الكيك اليدوي

واذا نضج خلااااص احط عليه ملعقه كبيره سمن وملعقه صغيره كمون واحركه

واذا تبين تحطين عالوجه حمسه بصل حلو

تحمسين بصل بدون زيت كل مانشف زودي عليه مويه وبعدين حطي سمنه اقصد زبده وبهارات اللي هي ليمون اسود مطحون وكمون وبس

وطبعا ملح الجريش لا تنسينه

وبس ياقلبي

وبالعافيه

 

[@ DLOO3TAH@]

أأب

 

[Maybe_87]

up up up

 

[زوجة عزيز]

up up up

 

[جارة القمر]

تفضلي طلبك::


http://www.q8yat.com/t904419.html


http://www.q8yat.com/t968407.html

 

[مذهلة 78]

طريقة الجريش

1- 2ونص كوب جريش ينغسل عدل وتقدرين تنقعينه من بالليل عشان يستوي بسرعه

2- دجاج

3- بهارات مشكله اللي اهي لبزار قفشه

4- حبتين لومي اسود

5- علبتين معجون طماطم

ملاحظه ( لاتحطين ملح وقت الطبخ )

الطريقه:
1- تحطين كل المقادير مع بعض بعدها تضيفين ماي لين تتغطى الدجاجه وتحطينه على الجوله وتقصرين النار حدها وخليها تطبخ وتستوي على راحتها واذا شفتي الماي نقص وللحين الجريش ما استوى ضيفي ماي

2- اول ما يستوي الجريش نزلي جدرج من على الجوله وبملاس المرق شيلي الماي الزايد

3- راح تشوفين الدجاجه تفتت من الفوح هني بشوكه وقفشه شيلي عظم الدجاج كله واللومي الاسود

ملاحظه : اذا شفتي ان الجريش لازق بالجرد من تحت وصاير في مثل الحكوك الاسود صبي الجريش بجدر ثاني عشان لا يختلط المحترق بالعدل

4- بعدين بمضراب الهريس ضربي الجريش عدل لين يصير نفس الهريس وهني ضيفي الملح لين تشوفين ان الملح اوكي صبيه بصحن وقدميه


وبالعافيه

 

[ثنايا الورد]

اشكركم واااااااااااااااااااااااااااااااااااااااااااااااااايد وماقصرتوا

 

[جارة القمر]

بالعافيييييييييييييييييييية