الشباصة الكبيرة المورقة اللي تنحط تحت اللفة

[wrooood]

هاي بنات

موضوعي اليوم يمكن يعارض الكثير من وجهات نظر البنات بس في شي قاعد يصير اوفر

موضوعي هو عن السنامة (الشباصة الكبيرة المورقة اللي تنحط تحت اللفة)

يمكن بحكم شغلي اختلط مع الكثير من البنات في سن 19-25 وانتو تدرون الناس اشكال وانواع بس اللي قاعد اشوفة في شي اوفر للسنامة وتضحك من كبرها على راسهم علما ان عمري 26 يعني من جيلهم

والله بنات في وحدة تحط 3 شباصات 2 على جنب و1 ورا !!!!

اذا كانت السنامة لابجة وصغيرة وبس تعطي شكل مناسب لللبس والميك اب حلو... بس يصير مثل الجبل وبشكل عامودي....!!!! والله يضحك

مرة شفت وحدة حاطة وحدة كبيييييرة لا ومطلعة قذلتها بعد واهي ضعييييفة وويها كلش صغير ....يعني تخيلوووو الشكللل تكفووون

انا اقول يمكن هالبنات تعودوا على اشكالهم جذيه لدرجة انهم كل مرة يبون بعد ويشيفونه احلى ويكبرووون ويكبرووون والله اخاف ينفجر راسهم ادت يوم

اتمنى ما يزعلون مني بس يمكن اهما شايفين شي انا مو شايفته

واقول البساطة والنعومة والرقة اهي ما تجمل البنت الكلاس

واعذروني لأني خذيت راحتي

 

[مزيونه وشقره]

اي والله انا بعد اعرف بنات يحطون ثنتين يم بعض يعني تقريبا نفس اذون ميكي ماوس والله شكلها كلش مو حلو واهيا فرحانه في انجازها

واللي يرفعونها فووووق فوووووووق حييل والله شكلها مو حلو بس يعني قصدها ترا انا عالموضه وفاهمه الموووضه عدل ها


بس ممكن اللي شكلها عادي وذرب وتكون حجمها عاديه ومن ورا ماتكون مرتفعه ولاتلفت النظر ولا تخرع هذي معقوله وحلوه عادي




ღ♥ღ♥ღ♥ღ

مع تحياتي ياحياتي

مزيونه وشقره​

 

[أفرض هيبتي]

الله يعين... ويهديهم

 

[أمواج البحر]

لا صغير ولا كبير

كلهم حراااام ... والحمدلله ما اسويهم

الله يهديهم

 

[نور**الدنيا]

مشكوره اختي علي مووضوووعج لان صج حدهم قاهريني امبيه بدعووو جنهم الين شنو هذا شكلهم حده غلط يااااااااااااارب تهديهم وتستر عليهم

 

[lolipops]

لووووووووول

صج الي يضحكون الي ويوههم صغار ودماغهم شكبره

صار عندهم تطاول بالبنيان منو راسها أطول

صايرين ALLIENS

 

[الاسطورية]

هالبنات حدهم شكلهم تشيب واي شي

 

[أمواج البحر]

ذكرتوني هالبنات انا وخواتي نسميهم كون هيد هههههههههههههه

 

[softlady]

مهما تتحجين ماكو فايده الله يهديهم

 

[زيـنـه]

الله يهديهم .. و يكبر عقولهم مو رؤوسهم ان شاء الله.

 

[iTaLiyA]

صح كلامج اشكالهم غللللللللللللللللللللط واااااايد ... بس ابي افهم ليش يسوون جذيه؟؟ عاجبهم يعني؟؟ ولا بس يبون يغثونا؟؟
افيــــــــــــــــــــــــــــــــــــــــــــــــــــــدونا رجاء"

 

[ملح بدويه]

اي والله صاجه

لوووووووووووووووووووووووووووووووووووول

 

[نورالدنيا***]

انا شفت جم وحدة مع رياييلهم المصيبه

انزين اذا ايهيا ماتدري انه شكلها اكس انزين اللي معاها اشفيهم مايشوفون وخاصة اذا بنات

احنا اذا بنطلع وحده تاخذ راي الثانيه

 

[رفرف]

لا كبيرة ولا صغيرة كلهم يلوعون الجبد جنها صعرورة ..

 

[عسله*]

وانتي صاجه


في بعضهم ما ادري مو شايفه نفسها قبل لا تطلع


صج اشكااال أرف

 

[pretty sarona]

في حديث عن الرسول عليه الصلاة والسلام يقول ( ما أسكر كثيره فقليله حرام ) يعني الشي نفسه لين صار شوي ولا وايد ,, الغلط غلط ,, وانا استغرب بالنت الكل رافض معني اطلع برى اشوف غالبية البنات حاطين هالشباطه ,, مشكورة على الموضوع و صج في اشكال انا لما اشوفها تكسر خاطري ,, و المشكلة ان حتى البنات الغربه هبوا فيها يعني والله شي زين

 

[^همآليل^]

اي والله انا امس شفت وحده بلسوق يالله سترك وعفوك تخرع كبتها شي مو طبيعي
اوووووووووووووووووووووفر
اي سنام قولي سنامين ثلاثه فوق بعض مو واحد عبالها حلو المشكله تمنيت اني اروح اطقها على دماغها اصحيها
الله يهديهم بس

 

[kandora]

لوووووووووووووووووووووول ريلي مايبي بروز ميييح اقوله شوي بس يقول والله الشكل يلوع الجبد


الله يهدييهم

 

[نور الحق]

لا صغير ولا كبير

كلهم حراااام ... والحمدلله ما اسويهم

الله يهديهم

يا سلام عليج بارك الله فيج :eh_s(15):

ومشكورة أختي وروود على

الموضوع .

 

[زبــــــــدة]

اي امبيييه في وايد بنات يبالغووون

انا احطها بس حدها صغيييييييرة لان شعري قصصصير ما ينربط
عشان جذي احطها وتصير بفف خفيف تحت يعني مو على صماخي لووووووووووول

علبالهم حلووو او يبون يلفتون النظر يمكن