الشحوم المتراكمة من دهر - بنحرقها بشهر - ابي قروب بنات ارادتهم من حديد

[درٍرٍ]

السسسسسسسلام عليكم

حيا الله خواتي الدبدوبات حاليا .. والرشيقات قريب ان شاء الله :yaaaaaarb:

اعتقد كلكم نفس حالتي يومين نسوي رجيم وشهر نخربط .. و24 ساعة نتحلطم ونبي نضعف :eh_s(4):

بس الصراحة يابنات خلااااااااااص ماصااااااارت .. اللي امتن منا صارت اجسامهم تهبل ماشاء الله واحنا محلك سر بس نتحطم :rgewrg:

لااااااااااااااازم ناخذ خطوة ايجابية بحياتنا ونقول ستوب مانبي الميزان كل شوي طاير

لاااااااااازم نشوفه نازل باذن الله :yaaaaaarb:

وانا فتحت هالموضوع لاني ابي بنات يساعدوني على نفسي واساعدهم ونشجع بعض

مابي بنات للحين ماحسوا بنفسهم ومافكروا يتغيرون

انا كنت كل شهر اقول الشهر الجاي بضعف ويجي الشهر اللي وراه وانا يازايده كيلوين او ثابته

خلاص والله عيب علينا
وان شاء الله بحيل الله مايخلص الشهر الجاي الا وقروبي كلهم منزلين عالاقل 4 كيلو

بنات عفية حطوا ايدكم بايدي وخلونا نتغير ونفرح بشباابنا ونحرق هالشحوم الخايسة


اول شي انا طولي 160

ووزني حاليا 83 .. وهذي صورة ميزاني توني مصورة :eh_s(2):



وان شاء الله بنخلي يوم الاثنين من كل اسبوع حق الميزان

لازم كل وحده تصور وزنها عشان نستحي من انفسنا ونتسنع ولما نذكر الميزان ننضبط

يللا منو بتتحداني ؟؟؟؟؟؟؟؟؟؟؟؟؟

 

[درٍرٍ]

وهذا النظام شفته عند وحده من الخوات وغيرت فيه من كيفي


الفطور:
نسكافيه مع 3/5 تمرات

او

خمس ملاعق كورن فليكس مع حليب خالي الدسم


السناك : ماء وعصير او ماء وتفاحه خضراء .. راح احط شاي اخضر ان شاء الله


الغداء واحد من
_ واحد الى اثنين صدر دجاج مشوي + سلطه
_علبة تونه كبيره بالزيت+سلطه
_10 الى 12 دجاج تكه + روب مع خيار ونعناع
_2 الى 3 بيضه + سلطه


+

شريحة توست

بس انا بحط من غدانا العادي شوية بصحن صغير ان شاء الله
ويكرر خلال الاسبوع




بعد العصر الى المغرب ثلاث الى خمس تمرات او فاكهه او عصير




العشاء
2 شريحة توست + جبنه او ملعقة لبنه مع طماط خيار خس




ثم يعني بعد العشاء بساعه عصير اناناس مع كيوي

 

[اتعبهم عنادي]

رد : الشحوم المتراكمة من دهر - بنحرقها بشهر - ابي قروب بنات ارادتهم من حديد

وعليكم السلام

انا معاج بس مابسوي رجيمج بسوي رجيم السوائل شي جذي:eh_s(22):
وبكره بشترك بجم وان شاء الله اضعف
وزني 78 وطولي 154<<<<قصيره:eh_s(2):
بس هاي اللي عندي واشوفج على خير سي يو

 

[اتعبهم عنادي]

رد : الشحوم المتراكمة من دهر - بنحرقها بشهر - ابي قروب بنات ارادتهم من حديد

وعليكم السلام

انا معاج وابي اضعف مليت من وزني وخاطري اضعف ومن بكره ببتدي وبشترك بجم وان شاء الله نضعف وزني 78 وطولي 154<<<<قصيره:eh_s(2):
بس ابي اوصل لين 58 وبس يعني 20 كيلو ان شاء الله انقصهم ليش اني بسرعه اتملل من الرجيم اشوفج على خير سي يو

 

[درٍرٍ]

هلا وغلا .. حياج الله اختي

على راحتج كل وحدة تسوي النظام اللي يعجبها اهم شي نتلاقى ونشجع بعض

بس نصيحة اخت لاتسوين هالنوعية من الرجيمات لانها تعتبر كيميائية وتعطيج نتايج سريعه بس فرحتج فيها ماتطول لان كل شي بيرجع مثل ماكان

سوي لج نظام صحي افضل


:eh_s(9):

 

[A7bch.MaMati :*]

رد : رد: الشحوم المتراكمة من دهر - بنحرقها بشهر - ابي قروب بنات ارادتهم من حديد

ممتآز النظام ..
بالتوفيج حبوبه , وإن شاءالله تنزلين بصحه و عافيه (F) ..
بكون متآبعتج بإذن الله :q

شدي حيلج

 

[كيكه توفي]

موفقين ان شاء الله

 

[fofa_80]

موفقه حبي و تابعي قروبنا

 

[درٍرٍ]

حياااااااااااااااااااكم الله خواتي

وجزاكم الله خير ياللي تشجعوني ماقصرتوا


ويللا بنات ابي قروب نشيط تكفون

 

[درٍرٍ]

اليوم كنت غايبة عن الدوام وقعدت متأخر عالساعه 12 وشي وعلى مابدلت وصليت صارت الساعه 1
وصار وقت الغدا وتغديت

والغدا كان ... صحن صغير فية مجبوس دجاج ونتفة مرق بامية << ترا مو مخربطة اذكر دكتورة بالمستوصف عندنا قالت لي اتغدا من غدانا العادي بس بشرط كمية العيش ماتزيد عن قوطي روب

وان شاء الله ماراح اخربط .. وبعد شوي بدخل واقول لكم شسويت بيومي

 

[رووووعه]

بالتوفيق بنات وان شاء الله انا بابتدي معاكم

انا صار لي كم يوم مسوية رجيم او بالاخص تخفيف

وكان وزني 66 وطولي 152

اتمنى اوصل لوزن 55 ادعولي

اي ومشكلتي اني عند حموله وعمتي اذا ما شافتني اكل نص الصحن تزعل

ان شاء الله استمر اتمنى اضعف قبل عرس اخوي باقي شهر ونص بس

 

[درٍرٍ]

روعة

حياج الله اختي

وبعدين شهر ونص حلو .. يمديج تنزلين ان شاء الله

وبلييييييييييييييز لاتجاملين على حساب نفسج .. اصلا مالعب فينا الا هالشي

تخيلي لو اليوم جاملتي عمتج وباجر جاملتيها واللي عقبه جك بم الا عرس اخوج واصل وانتي ماتغيرتي

خلاص من هاللحظة ستتتتتتتووووب للمجاملات وشدي حيلج ويانا

ونصيحة اشربي شاي اخضر مع زنجبيل ترا نتيجته حلوة

ويللا خليج معانا لاتقاطعين

 

[رجيميه]

رد : رد: الشحوم المتراكمة من دهر - بنحرقها بشهر - ابي قروب بنات ارادتهم من حديد

جيتي بوقتج يا درر اذا اكيد اكيد اراادتج قويه وما تبطلين بعد جم يووم انا معاج واذا مالج نيه تكملين ما ابي اتحبط برووحي متحبطه وخالصه

 

[درٍرٍ]

رد: رد : رد: الشحوم المتراكمة من دهر - بنحرقها بشهر - ابي قروب بنات ارادتهم من حديد

هلاااااااااااااااا وغلا

حيا الله رجيمية هانم

لا ياختي ان شاء الله ماراح ابطل وناويه احرق هالوزن الخايس اللي عقدني سنين

وانتي يللا شدي حيلج وياي وان شاء الله بنتعاون ومايخلص هالشهر الا وكلنا منزلين من اوزانا يارب

يللا عطينا بيناتج

طولج
وزنج
نظامج

وكل يوم اكتبي لنا يومياتج ولاتحاتي لو شفتج مخربط راح اجننج حتى لو انحشتي من الموضوع بلحقج بالخاص << لزقه ههههههه

 

[درٍرٍ]

رد: رد : رد: الشحوم المتراكمة من دهر - بنحرقها بشهر - ابي قروب بنات ارادتهم من حديد

اكمل لكم يومياتي من عقب الغدا

ماخربطت الحمدلله

وقبل شوي شربت شاي اخضر مع زنجبيل ومشيت نص ساعه

ولي عودة عقب العشا

بس يللا نبي تفاعل ياكسولات

 

[DL3.Q8]

رد : الشحوم المتراكمة من دهر - بنحرقها بشهر - ابي قروب بنات ارادتهم من حديد

شكلي انا اللي بصير لزقه

لووووووول


استمري وترى متابعتج وياويلج ان بطلتي حلجج مني ولا مناك :rgewrg:


خليج زي الفل :eh_s(15):

 

[درٍرٍ]

رد: رد : الشحوم المتراكمة من دهر - بنحرقها بشهر - ابي قروب بنات ارادتهم من حديد

هههههههههه فديتج احلى لزقه

خلاص زمن الخربطة ولى ان شاء الله
وجا وقت السنع والانضباط

دلوعة << بما انج بتمشين بعد شوي ان شاء الله شربي شاي اخضر وزنجبيل ترا زين يساعد عالحرق

 

[DL3.Q8]

رد : الشحوم المتراكمة من دهر - بنحرقها بشهر - ابي قروب بنات ارادتهم من حديد

افا عليج بس ان شاءالله بشربه جم درر عندنا :eh_s(7):

ولاتحاتين



واي شسمه ترى الزنجبيل اللي يحرق الزنجبيل الطازج اللي تشترينه من عند الخضر هذا واااايد زين :rerrerek:

 

[درٍرٍ]

رد: رد : الشحوم المتراكمة من دهر - بنحرقها بشهر - ابي قروب بنات ارادتهم من حديد

فديت قلبج

صاجة الطازج احسن بس مالي خلق اقشر واقصقص

خليناي عالباودر احسن

 

[sweet.sanfoora]

رد: رد : الشحوم المتراكمة من دهر - بنحرقها بشهر - ابي قروب بنات ارادتهم من حديد

حبيبتي انا معاكم بس انا حسيت بنفسي قبل جم اسبوع

كان وزني :78
الحين وزني: 75

وانشاءالله نضعف اكثر واكثر