الشرخ الشرجي

[استغفرالله اكبر]

السلام عليكم ورحمته وبركاته​

كيفكم صبايا ​

صبايا انا لي فتره اتالم حيــــــــــــــل من الشرخ الشرجي الي عندي :eh_s(2): بناااات عذاب عذاب الله يشفيني ويشفي اي وحده تعاني منه لانه حاجه مو طبيعيه الم وتعب جسدي وقبله نفسي اكره نفسي لمن تزيد الحاله معاي ماقدر اجلس كثير والمشي بعد الله يعافيني دعواتكم يابنات ​

انا قبل فتره مريت على مستشفى الحبيب وكان وقتها فيه استشاريه دخلت عليها والحمدلله طمنتني وقالت ماتحتاجين جراحه الا اذا زاد الوضع للسواء ​

حبيت اكتب عن زيارتي للاستشاريه جايز انفع لو بحاجه صغيره للي يعانون مثل حالتي​

طبعا قالت لي اساس الشرخ من الامساك وانبه الامساك يابنات حاولو تبعدون عنها وقالت ضروري يكون اكلي فيه كثير الياف وكثير كثير من الماء ونبهت علي اكل يومين سلطه ضروري وفواكه وخبز اسمر لانه كثير الالياف والكيوي قالت لي حاجه تمام للامساك ووصفت لي​

تحاميل جلسرين للامساك هاذي رووعه يابنات للامساك​

وجل معقم اسمه ريالوكين ​

وكمان كريم ماعرف ايش لان قالت هاذا الكريم خاصه لصيدليه مستشفى الحبيب وقالت الكريم هاذا للتئام الجرح​

الى الان والله ماخف الالم تمام بس الحمدلله اهون من اول ​

بنات اي وحده تعاني من الشرخ وجربت حاجه ساعدها بتخفيف التعب والالم ترد ​

الله يشفينا وعسى مافي احد جرب التعب الي من الشرخ وبنات الي معاها التعب هاذا والي كمان مامعاهم حاولو تبعدووون عن الامساك حتى ماتتعبون بعدين منها لانو تعب مو طبيعي ​

اتمنى اكون اساعد الي مثلي​

 

[بدون حبيب]

شلون صابره روحي عالجي ترا موزين اهو سبب الإمساك وعالجي اذا عندج إمساك وفي مرهم للجرح بالصيد ليه لونه اخضر اشتريه وحطي كميه ونامي فيه وراح يروح

 

[ليان]

الله يشافي كل مريض​

 

[zaina alotibi]

صح اهو مرافق لامساك المزمن .....

والله يشافيج ويشافي مرضى المسلمين

 

[استغفرالله اكبر]

يسلمو فديتكم والله

انا رحت لاستشاريه وقالت ماحتاج لعمليه بس قالت حتى لو عملت العمليه ورجع الامساك يرجع الشرخ كانو ماعملنا حاجه
الله يشافينا بس واجر ان شاءالله​

 

[متى بتعود]

حبيبتي الله يشافيج ومثل ماقلتي اجر انشالله

 

[جمبلو جمبليله]

اخوي كان فيه شرخ شرجي وسوا عمليه بمستشفى الهادي وبس ماكو الا العافيه حتى اذكر سواها مرتين من جم سنه

موفقه

 

[خلطات المذهله]

حبيبتي اخذي خوا جوا واطبخي في زيت زيتون لاتخلين الزيت يغلي مجرد تسخين بسيط ودهني منه فتحه الشرج وخلال فتر بسيطه بيتحسن معاج باذن الله

 

[بدون حبيب]

لاااااااازيت الزيتون حاااااار يحرق موزين والله وحطي المرهم اللي مخصص للجرح الشرخ موجود بالصيدليات حطي كميه كبيره وشوفي محد يسكت على هالشي بعدين تعالي شفايدة للعمليه اذا انتي اساسا تعانين من إمساك عالجيه بالماي والخضار الورقيه وحطي على الجرح المرهم

 

[ماي الورد]

ادهنيها بالعسل اخذي طرف اصبعج وحطيه مكان الشرخ انا قد كنت حتى عيوني تدمع من الالم والحرقه ولمن جربت العسل الى يومان هذا ما رجع لي مرة ثانية

سويه وادعيلي

 

[نجدية2011]

انا مريت بتجربتك وشفيت موقتا
رحت للمركز الطبي بالرياض
للدكتور اسمه العجمي اخصائي جراجة
وهددني بالعملية اذا ماستخدمت
العلاج
وكاان مرهم ناسية اسمه ><
+
جيبي طشت مويه ونقعيه بملح واجلسي فيه

وبالتوفيق لك

 

[ليدي منى]

مرحبا اختي الله يعينك حاسه فيك شوفي انا بقوللك تجربتي ان شالله تفيدك انا جاني بعد الولاده شرخ من الامساك رحت المستشفى عطاني شراب للامساك وكريم وتحاميل اسمها علامااعتقد هيموبروكت لمدة اسبوع الطريقه تشربين من شراب الامساك ماتروحي للحمام الا بعد مرور علا الافل 4ساعات وقبل تدخلي الحمام تستخدمي تحاميل جلسرين وبعد الحمام تحطين من التحاميل هاذي الي قلتلك الدكتور وصفها لي تفتحين التحميله وتحطي عليها الجل المعقم ودخليها بس ترا الاستخدام الكثير لها يقولون ماهوزين اقصد هذي الطريقه لانك راح تتعودي علا الملينات والتحاميل وبكذا تتعبين زياده هاذي الطريقه سويها بالبدايه يعني مدة اسبوع تقريبا ايه نسيت اقولك حطي فازلين قبل الكريم الكريم هاذا نفس التحاميل حطيه باليل قبل تنامي بعدين اشربي ماء دافي مايل للسخونه الصبح علا الريق مره يخفي الامساك باذن الله بعد ين انا لما خف الامساك بديت استخدم فازلين بس راح اشرح لك الطريقه خوذي شوية فازلين حطيه علا اصبعك حطيه داخل هاذي الطريقه ريحتني اكثير الله يجزا صاحبتها خير قريت مره هي كاتبه عن الفازلين انشالله تستفيد ادعيلي واذا مافهمتي شي اسالي اناحاضره

 

[استغفرالله اكبر]

فديتكم وحده وحده والله يجزاكم الخير عني وعن كل وحده تعاني من الالم ويفيدها الموضوع
تسلمون ياقلبي الله يفتحها بوجهكم وين ماتكونو​

 

[shai6onah]

مشكورين

 

[رايهـ]

شلووووووون وضعكم الحيـــــــــن أحسن
؟؟؟
الله يشافي كل وحده فيها شرخ يارب
اقدر اساعدكم ... اي سؤال اي اشكال

 

[قمر بيت أبوها]

الله يشافيك حاسه فيك بس نصيحه اكشفي عند دكتور ثاني شوفي كم درجته
ترا بعضهم يسكتك وانتي اللي بتاكلينها بالاخر أسال مجرب ولا تسأل طبيب

 

[الكوويت حره]

قرأت عن طريقه تقضي ع الامساك والشرخ الشرجي والبواسير بالتين المجفف بس ما جربتها