الشركات اللي تعرض السلع بالtv وتجاربكم معاهم

[Amory]

بنات انا من جم يوم كنت فاتحه التلفزيون على قناة دايما تعرض سلع وطريقة العرض اتشجعج انج تشترين خصوصا لما يحطون السلعه ويستخدمونها جدامج وكلمتهم والثانيه اتصل الآن واتصل الآن...
وانا ما جذبت خبر اتصلت وطلبت منهم آلة تقطع السلطه والخضار وسعرها كان غالي وسألتهم ليش سعرها جذي غالي مع انها يدويه ومو على كهربا قالي الموظف اهي ألمانيه وعليها كفاله ومضمونه وكل اللي اطلبوها مستانسين منها و ست قطع ومعاها مواعين و.......و.........و.......و واتقولين بالع السان طير فطلبتها منهم و اليوم الثاني وصلت والا كله جذب ابجذب ابجذب مافيها ست قطع ولا ألمانيه ولا اتقطع وبدال لا اتقطع الخضار تعصر يعني بالدعايه اتقطع الطماطه وبالبيت تفقص الطماطه واتسويها عصييير.

طولت عليكم اهي سالفتي معاهم طويله وكل كلامهم جذب الله يسامحهم ليش جذي شركه مبنيه على الجذب والخداع وحاطين موظفين مخصوصين علشان يجذبون عالناس!!!!!!!

اذا لكم تجارب معاهم اتمنى اني اتعرف على تجاربكم علشان يستفيدون البنات اللي ما جربوهم

 

[كويتية مودرن]

سالفتج موتتنى من الضحك خصوصا الطماط المفقص كل شى يسون له دعايه يكون فاشل خصوصا هذى الشركات يبيلهم :eh_s(13)::eh_s(13):

 

[ورد الاوركيد]

شريت منهم سشوار من فتره طويله بس احسه ما يسشور؟؟؟
من عقبها ما شريت
:eh_s(8)::eh_s(8)::eh_s(8):

 

[نسكافيه بالحليب]

شريت منهم من زمااااااااااااااااااااااااااااان جان تذكرين ( الجت اير ) الاستشوار اللي معاه ملحقاته وطلع خرطي وبو طقه وهذيله اصلا شركات نصب وانا سمعت ان البضايع اللي يبيعونها بقايا البضايع اللي بأكريكا وبريطانيا ويقصون فيها على العرب هذا والله اعلم

 

[شندوخه]

نصاابين والله حدهم الدعايه تغري بس المنتج حده خرطي
سألي مجرب

 

[jasmine_flower]

والله انا شريت منهم كريم اسمه سيلتون واايد عجبنى وشريت منهم استشوار سيراميك cts همن زين وكريم اساس اسمه sudden glow ممتاز ايسوى تغطيه ممتازه حق الويه ويخفى العيوب وترى بضاعتهم ممتازه بس اهم شى تتاكدون انه المنتج اصلى واذا ما يبلوج القطع كامله المفروض تشتكين وتقوليلهم القطعه مو كامله غصبن عليهم يبدلونها

 

[أسيرة قلبه]

انا شريت منهم proactive solution و هو مجموعه مستحضرات حق حب الشباب بس حده عجيب تقريبا اربع مرات طلبت منه و بطلب انشاء

 

[Amory]

اهلا فيكم بنات
كويتية مودرن انشالله دوم هالضحكه.

آنا انصدمت فيهم لأن هاذي أول مره اطلب فيها منهم ... اهمه مو شركه وحده يمكن والله جايز يكون في مو نصابين وفي نصابين.

الله يكفينا شر النصب.

اتصلت عليهم قلتلهم بصراحه آلتكم ما اتقطع وتعصر قال الموظف لاااااااا مستحيييل انتي يمكن ما اتعرفين تستخدمينها قلتله أي ما اعرف استخدمها الله يهداك اهي اشيبيلها يعني بس ما اتقص قال لأ اتقص وكل الزباين مستانسين منها قلتله يالله اذا اتقص تعال قص جدامي قال: اسيب الشركه وايي ...قلت ماشالله شركه مافيها الا انت .. قال بنبدلها وما شفت اويوهم واتصلت مره ثانيه ماكو فايده عقبها زوجي شرشحهم وخلاهم يرجعونها غصبن عليهم لا وفوق هذا يخصمون من المبلغ بس ما خليناهم ورجعوها بس ابصراحه بس حرمت اطلب منهم شي.

 

[Anwaar]

السلام عليكم ,,,

حبيبتي توج تدرين ؟؟؟

قديمة سولفهم جذب بجذب !!

الله يعوض عليج

تشكرات

 

[xxx]

نصااااابين درجة اولى

:eh_s(4)::eh_s(4):

 

[مرت ريلي]

اي أكيد هذيل أبو النصب أصلا

 

[أغلى حبيبه]

اي والله صج نصابييين