الشريجه تحر .. حسبي الله ونعم الوكيل ..

[Patcholli]

مساء الخير

ورب الكعبه من الصبح متظايقه وخانقتني العبره .. واحس اني مو على بعضي وقلبي منكسر ..

قربت من زوجي وحاولت اتدلع عليه
وصدني
وقالي وخري وخري مالي خلقج ..!!!!!

كسر قلبي الله يكسر قلب ابليس


واتخيلو بنات عقب دقايق

دشيت غرفتي وانصدمت انه معاها على فراشي
يدلعها ويلمها ويتغزل فيها ..!!!!!!!

ركظت عليهم وقمت اطقهم واهجم عليهم وهسترت حسيت اني مينونه
قلبي احترق وماقمت اشوف جدامي ولا احس بشي
احس اني انتهيت وكلشي بحياتي تحطم
وقلبي انكسر واحترق وكرامتي طاحت بالارض

صج لي قالو الشريجه تحر حسبي الله ونعم الوكيل
انزين اعدل عالاقل مو تصد عني وتلزق فيها
واااي ياحرة قلبي ..

ماقدرت اتحمل

احس اني قمت اختنق

وشهقت مره وحده

وفزززززززززززيييييييييييييييييييييييييييت


بطلت عيوني واثاريه كان كابوس

وريلي نايم يمي
وماكو شريجه ولا بطيخ
حظنته على طول واهو نايم مايدري شسالفه ومع ان متزاعلين بس لزقت فيه ونمت على صدره وعيوني مدمعه
بس والله العظيم اني ظليت مقهوره ومحتره وقلبي محروق
واحلفه من اول ماصحيت من النوم اتحبني ؟؟ ماتطالع غيري؟؟ ماتفكر بوحده ثانيه ؟؟
واهو نفس المسبه يقولي شسالفه ؟؟ اشفيج ؟؟

بنات هالموضوع جم مره ييت اكتبه وكل مره اكتب وامسح
انا كل ما اتهاوش ويا ريلي احلم هالحلم
احلم انه متزوج علي وصاد عني ويدلعها
مادري ليش احس ان هاذا انذار وتنبيه قوي من ربي
يعني مسكي ريلج ولاتظايقينه
وجنه الله يوريني العذاب الصجي اللي اهو الشريجه
واظل احمد ربي ان هاذا حلم مو واقع
واي بنات صج الشريجه تحر صج صج صج
هاذا حلم وكل مره اظل معتفسه ومو على بعضي
الله يعين اللي ذاقت هالعذاب وحست بنار الشريجه

بنات بس حبيت انبهكم كل وحده تدير بالها على ريلها وتحطه بعيونها وتدلعه وتتجنب زعله خصوصا بدون سبب او على الامور التافهه
وتذكرو وصايا الرسول الاكرم في حق الزوج ومكانته
وسلامتكم​

 

[سندس 90]

يممممما اسم لله علييج
حسبالي صج
قلت هالغبر متى تزوج عليها " من حررتي "


والله قببل مده طرا علي هالمووضووع
يااارب ابعد عننا هالشر يالله

الزواج المتعدد بهذله وتشرد للابناء من واقع قاعده اشوفه
صدقيني اللي ابوه متزوج على امه مايفكر يتزوج على مرته لانه بيحس بالمعاناه والتفررقه مهما كان

هذا شررع بس في رجال مايعرفون الدين الا بهالشي ولا جيبي لهم حديث ولا آيه تشوفينه فاتح حلقه مثل الاثول
هههههههه
قمت اقط خيط وخيط دايخه

بس ربي مايذوقني حر الشريجه لا أنا ولا عزيزه على قلبي ولا وحده بمنتدانا الحبيب 

سي يو

 

[سيلينا]

هالحلم كريه دايما اتحلم نفس الحلم

ترى ممكن تكونين حامل لاني حلمت هالحلم وبنفس الشهر حامل و جبت بنيه خذت قلبه

انا لي تحلمت هالحلم مزاجي يضل متعكر طوول اليوم

 

[قـــمـــرهم]

يمممما خرعتيني عبالي انتي@@


انا ما اتحلم بالشريجه

بس جم مره تحلمت اني انا وزوجي انفصلنا
والسبب مني اناااااا

انا اللي طالبه وعقبها تزوجت واحد غيره وشفت الفرررررق

وتندمت وتضايقت وزعلت وحسيت اني بكابوس

كل هذا بالحلم


واقوم منه متخرررررررعه عبالي صج ):

واقعد فتره احس انه صج


الله يريح قلبي وقلبج وقلب كل وحده فينا يارب ويبعد عنا هالكوابيس

 

[منال $]

الشر برة وبعيد

 

[iLLuMinaTion]

الله يعين

 

[مذهلة2013]

عسى ربي لا يجييب هاليوم ان شاءالله

ربي يخليكم لبعض وتعوذي من ابليس هالاحلام تعكر المزاج

 

[shayto0oNa]

ياااي نفس حلمي بس انا افز دموعي اربع اربع واهاوشه وازفه ودي اقرصه بعد هههه واقعد اتدلع واتبجبج بس والله من حر قلبي

اهو حلم ويمممممه قلبي يعورني احس نار فيه


الله يعين كل من نزلت عليها شريجه

 

[ظبية بوظبي]

سوري بس غّباء منج انج تسالينه : تحبني , اطالع غّيري, تفكر تزوج على

ترى تفتحين. باب له
واقلها بيعرف انج ماكله هم هالشّي ويمكن يتم يلعب على اعصابج
اما من ناحيه الحلم .. الاحلام اغّلبها تكون من خلجات النفس

.فانتي شّكلج مب واثقه في حب زوجج لج وخايفه ومتوقعه تجيج دقه منه

ويلومني على. رغّبتي في تطويل مده العزوبيه .. ياهي راحه بال

 

[سعادة قلبي وياه]

بسم الله عليج حبيبتي تعوذي من بليس وعسى ربي مايجيب هاليوم

 

[Zinab BH]

شعور قبيح و مقزز و ينرفز بس معروفة اذا حلمتي ان زوجج متزوج عليج فيعني هذا خير حق ريلج و حقج
و بمثل الحزة هذا تنبيه حقج و الله يقدرنا نرضي ازواجنا و يسخرهم لنا و يمسح الله و يبرد على قلووبنا يارب

سندس 90 صدقتي يااختي الابو اللي مجرب مايعيدها لان ابوي وا عليا جذي يقول جربت ظيم مرت الابو مااجربه في عيالي لو شصار ماصار على ان جدتي اللي اهيا ام ابوي متووفية وابوي عمره ثمان سنين بس اللي يظلم يتيم الله شسوي فيه مايوفقه لا دنيا ولا اخرة الله يحفظه لنا ذخر ياربي

 

[popa]

ههههههههههههه ياحلوج والله

 

[shayto0oNa]

ياكرهي للي يتفلسفوون

 

[سيلينا]

سوري بس غّباء منج انج تسالينه : تحبني , اطالع غّيري, تفكر تزوج على

ترى تفتحين. باب له
واقلها بيعرف انج ماكله هم هالشّي ويمكن يتم يلعب على اعصابج
اما من ناحيه الحلم .. الاحلام اغّلبها تكون من خلجات النفس

.فانتي شّكلج مب واثقه في حب زوجج لج وخايفه ومتوقعه تجيج دقه منه

ويلومني على. رغّبتي في تطويل مده العزوبيه .. ياهي راحه بال

الرجل الحين مو بحاجه انك تفتحين عيونه مفتح بالبن

بما انك ماتزوجتي فما اعتقد تعرفين العلاقه الزوجيه واسلوب التحاور بين الزوجين ماهو تفلسف مني او شحاطه بس لفتت نظري جملتج الاخيره انج عزوبيه ومرتاحه حبيبتي انتي الله يريحج ودوم مرتاحه ان شاء الله

بس حلم حلم شكو مو واثقه في زوجي و الرجال ماهم واحد عشان تحكمين عليهم بان المفروض ما تفتحين عيونه او بيشوف نفسه عليج ! قد يكون فيه هالنوعيه الي تتكلمين عنها وللعلم في نوعيه ثانيه يستانس ان زوجته تغار عليه ويحبها اكثر ويهتم اكثر

الله يرزقج حبيبتي وتتزوجين وبحيل الله بشوف ردودج تتغير لان ردج هذا من غير تجربه والكلام سهل من بعيد

 

[جوك احلى جو]

قريت الردود وكل انسان له حق بابداء رايه حتي لو اختلفت معاهم
المرا ماحلاتها تبين للزوج ان شغلها الشاغل حتي الاستشاريين بالعلاقات الزوجيه اللي اقرالهم بالنت يقولون ان هالكلام اللي قاعده تقولينه مومن صالحج خلي اهو اللي يقولج هالكلام لا تبينين له انج بتموتين انج ماتقدرين تعيشين بدونه ترا الريال يزهد خلج بهالامور اكثر نضوج ولاتكثرين من هالاساله والله ترا حددددددددددج غلطانه الخلاصه الكلام الحلو والمبالغه بالاهتمام نفس نقصانها

 

[حروف من ذهب*]

صاجه الشريجه تحر لو هي بالقبر
يعطيج العافية ع الموضوع

 

[pusy cat]

لووووول وانا قاعده اقول شكو يسكنها معاج لا وبفراشج

 

[smo0o]

يمممممه الشر برا و بعيد

الحمد لله أنه حلم مو صدق

أنتبهي لا تزعلينه مره ثانيه

أنا مجرد ما أفكر انه يتزوج علي تجن جنوني
والله حاجه تححححر الله يعين اللي عندهم شرائك و يصبر قلوبهم

 

[عـيّــآره]

واو احب الاحلام اللي كانج عايشتها تدشين عالم ثاني وتشوفين نفسج حياه ثانيه بمواقف ثانيه وعقب تقومين

وتعدلين اخطائج او انج تستفدين من الحلم وتطبقينه

انا شقاعده اقول ؟

المهم احب جذي الاكشن والاثاره بالحلم

انتو مثلي ولا انا مو طبيعيه ولا هاي بوادر الطب النفسي لاسمح الله ​

 

[قـــمـــرهم]

عيااااره



هههههههههه


اي صح الحلو بهالاحلام انج تعيشين الجو ولما تقومين
تقولين خلاص ماراح اسوي جذي

تصححين اغطائج