ScarletteO'Hara
New member
محد اجبرنا على ان ناخذ قروض
البنك ما طق بابنا و قال لنا "تبون تاخذون قرض؟"
الي بغى قرض ما سأل احد دق سيارته سلف بروحه و اخذ القرض
اعتقد كل الي خذوا قروض و منهم انا وقعوا على عقود قبل ما يسوونها صح و لا لأ؟
اتحدى اي وحدة فيكم قرت هذا العقد الي ممكن بنذكر فيه بند ان الفايدة متحركة مو ثابتة
مجرد توقيعكم على هذا القعد الي يعتبر اقرار منكم انكم قريتوا كل البنود معناه انتي موافقة على كل الي فيه
فلا تحملين البنك المركزي و الحكومة اغلاطج
يبون يطيحون القروض من نفسهم خير و بركة محد بيقول لأ
اما نيي بعد ما اقروا لنا منحة 1000 دينار ياخذها اصغر ياهل و اكبر شايب نطالب بإسقاط القروض
انا اقول لكم مالنا حق الصراحة
الحمدلله مدلعين اخر دلع الكل حاسدنا على عيشتنا بسنا طمع
مالنا حق نطمع لان ابونا صباح طول الله عمره ما قصر معانا فرحنا هذا الشهر
و من مسك الحكم و اهو مريحنا ماديا
اسمحيلي إسقاط القروض مو مطلب اساسي للشعب
