الشهر التاسع والنفسة الزفت والتعب ...حياكم نسولف ؟؟

[السنافيه]

ياارب هونهااا علينا

 

[MisS..Oosh]

بنات استفسار بليز دكتورتي فحصتني اليوم قالت مومفتوحه بالمرة ولاسانتي وقالت هالاربعاء اروح لها بليل علشان تولدني وقالت قبلها الصبح اشرب خروع ودارسين شنو تنصحوني تكفون انا بعيالي ماصار جذي فيني

 

[مس لوتس]

مس اوش نصيحه لاتسلمين نفسج لدكتوره وانتي مو مفتوحه راح تتعبين حيل كثري مشي جماع تمر اشربي حلبه سوي تمرين القرفصاء وموفقه

 

[noonaa-thn]

يالله صج والوقت من تدخلين التاسع يمشي بطيئ اقول حق نفسي واصبرها 8 شهور عدو بسرعه هانت على هالشهر
اشوفه طويييييييل ماله نهايه


والله ياحوامل احس اني فقدت الامل انه هالحمل بيخللص
اقول حق دكتورتي انا متى اخلص متى اولد تقول لم ربك يريد
اقولها يعني حتى لو خلص شهري ما تولدوني لان احس ما في اي دليل على قرب الولاده
تصحك تقول لا ما نولدج بسرعه ننطر عليج لين يفتح الرحم يعني عادي لين نص العاشر اذا ما فتح نولدج





احس ودي اطق راسي بالطوفه زهقه وملل وتعب

والتعب الاكبر هو التعب النفسي والتفكير


الله يسهل عالجميع وتكون ولادتنا سهله آمين

 

[السنافيه]

الله يسهل علينااا

 

[زهور المحبة]

بنات استفسار بليز دكتورتي فحصتني اليوم قالت مومفتوحه بالمرة ولاسانتي وقالت هالاربعاء اروح لها بليل علشان تولدني وقالت قبلها الصبح اشرب خروع ودارسين شنو تنصحوني تكفون انا بعيالي ماصار جذي فيني

جم صار لج بالتاسع ؟
بس والله ما انصحج اتروحين دام وضعج زين والبيبي زين وسليم والماي زين خلاص اصبري
لا اتضيعين نفسج جم وحده اهني استعجلت وتحولت قيصريه وندمت

خليج عالمراجعات الاسبوعيه واذا خلصتي شهرج ب 10 ايام ذيج الساعه فكري بس طول ما الامور زينه لا تسوين شي لان عادي اذا تعديتي شهرج باسبوعين بس بشرط ن وضعج والبيبي تمام

انا ببجري خلصت عشر ايام من العاشر وقبل لا اخلصهم كنت كل شوي اروح افحص بالحكومه بس الرحم مسكر وكنت انحاش منهم ماطلت كثر ما اقدر لدرجة اني كل ما اطلع يبصموني لاني اصلا مو ناويه اولد عندهم.
بس بالاخير دكتورتي حولتني دخول لان صار خطر على ولدي وولدت بطلق صناعي بس يموت فنصيحه اصبري شوي وتوكلي على الله

 

[زهور المحبة]

بنات شنو تمرين القرفصاء يياليت وحده تشرحه لي

 

[مس لوتس]

زهور نفس قعدتج بالحمام العربي عزج الله تقومين وتقعدين

 

[وجودي من وجوده]

السلام عليكم ورحمة الله

بنات ابي رايكم ومشورتكم ... تكفون 

على قولتكم النفسيه صفر بالشهر التاسع ...

ما اطول عليكم بنات اقولكم مشكلتي بختصار

انا هذا حملي الثاني ... حمالي الاول جبته عمليه وسبب كان

وزن الجاهل 3ونص كان راس الجاهل على قولت الدكتوره كبير

بس انا شفت ولدي كان حييييل صغير المهم والحوض عندي صغير

ف من شروط الحمل الثاني ان الجاهل يكون وزنه 3 وتحت عشان

اولد طبيعي 

رحت للدكتوره اللي دايم اراجع عندها باول التاسع قالت لي بعد عشر ايام من التاسع

تعالي نسوي لج اشعه على الحوض نشوف اذا في مجال تولدين طبيعي او نقرر لج عمليه

بصراحه ما اقتنعت بكلامها رحت لدكتوره مي درويش في دار الشفاء حييييل مدحوها لي

بخصوص انها تصبر على وحده اثناء الولاده ما تستعجل على العمليه .

للعلم انا ولا دتي الاوليه كانت بدار الشفا على يد دكتوره هنديه كانت وايد ممتازه بس اسمها ما حفضته

والمهم شافت دكتوره مي ملفي وسوتلي سونار قالتلي ولدج الثاني وزنه 3 كيلو وانتي باول التاسع

عندج لي 15 الشهر ما صار معاج طلق صناعي تعالي نولدج عمليه لان ولدج راح يكبر والحوض عندج صغير

انا حيل محتاره 

عندي اختي الكبيره تقولي لا تسكتين روحي لدكتوره غيرها 

وانا باقي لي جم يوم واكون بنص التاسع والهم والتفكير ذبحني

تكفون يا بنات عطوني رايكم شسوي اروح لدكتوره ثانيه

او اضل على راي الدكتوره مي ؟؟

والله يفرج همي وهمكم ويسهل علي ولادتي وعليكم

ياااارب العالمين

*

 

[المها الابيض]

وجودي من وجوده الله يسهل عليج وتولدين
ولاده طبيعيه بالسلامه ان شاالله
وعن الحسافه روحي دكتور ثاني وقوليله
انج يايه استشاره فقط وانج ماراح تولدين عنده
عشان يعطيج الراي السليم جربي دكتور المواساه
اتوقع اسمه ناهض حماديه
وعلى فكره ترى مي ادريس صح زينه بس ماتسوي
جراحه يسويها لج دكتور استشاري*

 

[وجودي من وجوده]

فديتج يالغاليه المها الابيض ... مشكوره عالنصيحه .

انا مثل باجي الخوات ما احب اتعامل مع دكاتره في سوالف فحص

احب فحص الحريم مخافة الله وحيااء مني .

 

[وجودي من وجوده]

up

up

 

[زهور المحبة]

اي عرفته ببجري كانت دكتورتي اتقولي سوي هالحركه عشر مرات كل مره

وجودي جربي اتروحين لناهده العلي او معصومه مخيصد او فوزيه القطان هذولي اكثر شهره

اختاري وحده منهم وشوفب شتقولج


وهم بعد سمعت ان سكينه فرمن حيييل شاطره بالمراجعات بس ماتولد عيادتها بالمنقف

 

[simtonguri]

ااخ ذكرتوني بمعاناتي بشهر التاااسع اخييه
تعبت تعبت لي درجه ما تصورونها حاشتني حساسيه كلت جسمي اكااال
لدرجه انه عبالي عقنقز اول ما دشيت التاسع كنت محافظه على بطني انه ما يخطط بعد اسبوووع والله انه بطني حبب حبووب كبيرا و حمرا اترست بطني
قمت احكحك مثل المينونه حتى ناس قالولي حكي بقحفيه و انا سويت هالشي الله وكيلكم مو القحفيه مقضضه فبالفتحات ادخل اضافري و احكحك يعني قعد اقص على روحي المهم بطني صار خريطه و جان تنزل الحساسيه لي فخوذي و جان تنزل لي ريولي بعدين اطلعت بزندي من فوق يم الاباط ينيييت قمت ما اطلع قمت ما البس بس ابي اقعد سلط ملط مااتحمل ولا شي علي كنت كل يوم اتسبح بس علشان ابرد الي بجسمي و المشكله كان حزت صيف المااااي مووو بارد طبعا باليوم اربع خمس مرات اتسبح حاطه كرسيي و قاعده و الدش علي و ابجيييي ريلي يدش الحمام يخترع من ويهي و يطلع
ياست دشيت الطوارئ و عطوني ابره و زيرتيك ماااافااااد جان اقول حق ريلي ييبلي دوا مال عقنقز و ادهن وادهن
مااااافااد اخر شي الروب مالي اغطسه بماي بااارد و البسه
يالله خف شوي علي
فلم هندي صارلي !! حتى النفر والله طلع بين اصابع ريلي و ايدي و بقاع ريلي و راحت ايدي امبي كنت احلم انه ناس قعد يحطوون اشياء كبيره بايدي و كنت اقولهم بس قعد اتعورني لمه اقعد اشوف نفسي اني قعد احك ايدي
واااي يمه ينييييييت
الله لا يعودها من ايام صعبه

 

[كتالونيه]

الله يعينج

 

[زهور المحبة]

هذي الحساسيه اتصير بالحامل

المفروض من بدايتها رحتي لدكتورتج تعطيج كريم

انا صارت فيني بدايتها من تحت وبين رجولي

وقالت لي انها تنتشر عالبطن وعالجسم كله

بس عطتني كريم والحمدالله خففها وراحت

الله ياجرج والله تذبح الحكه


بنات انا قاعدهاحاتي شغله

انا الحين كل جم يوم استخدم الموس بس سبب لي حساسيه مع انه نوعيه ممتازه

بس جلدي ما يتحمله حتى اذا طلع شعر يطلع تحت الحبوب وتحت الجلد

وماقدر انظف المكان عدل مدل


فشالحل اتعانون مثلي ولا عادي

 

[زهور المحبة]

محد رد علي ��

 

[كتالونيه]

لاعادي

 

[كتالونيه]

بنات
انا بالبجر كملت تسع اشهر اخر يوم بالتاسع ولدت
اما بالثاني اول يوم بالتاسع ولدت
وكلهم شهر ٢/٢١
بس الاول حملت شهر خمسه
والثاني شهر ٦
واللحين حامل شهر خمسه
ادري عقدتكم
يعني متى اولد
انا اتوقع مبجر

 

[ريح قهوه]

بنات انا اخر موعد واخلص شهري تاريخ 28 الشهر بس قالت بعطيج مهله اسبوع ضبط اذا ماولدتي 2/4 راح اولدج قلت لها دكتوره انا ما يجيني طلق ولادتي اللي قبلها طلق صناعي قالت تعالي 28 ونشوف اشرايكم ادش 28 واولد ولا انطر مع ان النطره ما اعتقد لها فايده شنو تنصحوني فيه ؟؟