الشهر التاسع والنفسة الزفت والتعب ...حياكم نسولف ؟؟

[آهات الليل]

الف الف مبروك ياغنوه ومبروك العروسه والحمدالله على سلامتج

 

[كوكي العسل]

الف الف مبرووووووووك حبيبتي غنوة

تتربى الكتكوتة بعزج يارب وعقبالي يارب ياكريم فرجها علي يارب

 

[أحـلام * ورديـة]

مبروووك غنوه وتتربى بعزج البنوته

 

[katkoota 89]

مبرررروك غنوة حبيبتي حمداللله على سلامتج وسلامت النونو

 

[elzyn]

الف الف مبروك غنوة وتتربي يعزكم يارب*

 

[شيــوخه]

غنوه الف مبروك وربي يسهل علينا جميعااااااااااااااااا

 

[QYtiya.com]

الله يهون عليكم والفال لنا ان شاء الله

 

[غنوة ستايل]

يوم الاثنين رحت الطوارئ الفروانيه لان عندي دخول هناك
المهم ان كان زحمه وقدامي تسع حريم كلهم دخول
وااكل ناطر دوره
ولازم الزوج يكون موجود عشان يوقع ع الورق وعقب يحجز غرفه خاصه
المهم من الساع ١١ ص للساعه ٦ باليل وانا انطر
ويوم ج دوري استانست اني خلاص
برتاح
دخلوني ورحت السرير والغرفه الخاصه قالوا عقب العمليه يوفرونها
خذوا مني عينه للبول والدم حق تحاليل
وصمت من الاثنين ال١٢ م لثاني يوم

المهم ماجاني يوم ومن الساعه ٤ السستر متجهزه تبي تجهزني للعمليات

عطوني الحقنه الشرجيه ولبسوني اللبس وكل شي ع اساس ان عمليتي الساعه٩ صبح

سبحان الله جت نتيجه التحليل
وطلع عندي انيميا و نسبه الحديد ٩
مافهمت من كلامهم الا ان ااعمليه تتاجل اسبوع

اشوي وابجي
ليش التاجيل خلاص

جت دكتورتي وقالت لو تسوين العمليه الحبن تحتاجين جيسين دم
قلت عادي شفيها خطي دم

قالت ماتبين تراجعين نفسج وتاجلين تسبوع يكون الحديد ارتفع شوي

قلت لا عادي تبون دم احيب دم

المهم انهم نرفزوني حييييييييل ماصدقت اخلص

قالت اومي ايوي لج العمليه ع الساعه ١٢ الظهر

قلنا اوكي

وقالت خلج صايمه

ونطرت وقعدت اسولف مع اختي. واختي قرت سوره مريم وانا بعد قريتها

سبحان الله عند الصجيه تخقين


شالوني ع غرفه ااعمليات

وبسرعه دخلوني

وطبعا ابره ظهر تخدير نصفي

وكل شي مر بسلام

يوم يطقوني الابره خقيت وبس اقرا قران واتشهد

اهي ما تعور

بس تخوف

والحمد الله خلال اقل من ساعه خلصت

ودوني الافاقه

بعدين الغرفه.

يوم. كامل انام واقعد

ما ارتحت كلش حتي صوتي احسه اختفي.

ما ارتحت الا لما جت السستر الاثيوبيه اسمعها عزيزه

شالت الجهاز اللي حاطينه مال وانتوا بكرامه البول

وقومتني جزاها الله خير

وقعدتني ع الكرسي

طبعا لفت فيني الدنيا لف

بس الحمد الله

الحين احسن بواجد

امس كله سوايل ممنوع الاكل

بس اليوم اكلت والحين الحمد الله كل شي تمام


بس تعرفون جرح القيصري غثيث حيل ويقعد يقرص فيني وااااايد

بس الحمد الله الحين حالتي احسن بواااااجد

طبعا ما اشرب اي شي في منتجات الالبان

لان ابي ابعد عن الغازات

والحمد الله شربت شوربه وقهوه

والحين يقولون امشي عشان تاثير المخدر يروح

الحمد الله ع كل شي

ولا تخافون القيصرد ما يخوف

الساعه ١١ جوني

 

[غنوة ستايل]

سوري لو لقيتوا احرف زياده
ترا شابكه من اليفون

 

[katkoota 89]

حمداللة على السلامة غنوة كل شي يهون دام النونو بخير وبصحة

 

[Candel in the Desert]

ابشركم اني ولدت الحمدلله بتاريخ 22_6_2011 ويبت بنوته ..انا كنت قايله لكم احس انتي من دخلت التاسع وانا ناسيه شلون الم الطلق مع اني والده من قبل وهذي ومو اول تجربه لي!!
وفعلا احساسي صدق!!

الفال للباجي ان شاء الله والحمد لله على سلامه كل الي اولدو .. سبحان الله من تشوفين عين البيبي تنسين كل الالم والتعب الي مريتي فيه بفترة الحمل وعذاب الولادة والمها (انا ولدت من غير كمام ولا ابرة ظهر ولا حتى مسكن ) زين اني ما ولدت بالسيارة ..
كانت هالولاده مفاجاه بالنسبة لي

 

[نبضها نادر]

ألف مبــــــــــــروووك لكل اللي ولــــــدوا الله يرزقكم برهم يارب
ويسهل علي وعلى كل الخوات الولاده ويرزقنا بالذريه الصالحه ويمتعنا بالعافيــــــه آمييييييــــــــــــــــــــــــن

 

[ام خدود ورديه]

الف مبروك والحمدالله على سلامتكم
الفال لنا يارب نولد بسهاله وسلامه والله تعبنا

 

[katkoota 89]

الفال لنا يااااااارب متى اولددددددددددددد بس تعب صرت بططططططططة ويهي اللة لايوريكم متفوخ من خشم وخدود وشفايف لوووول ئلي يشوفني برا ما يعرفني كاااااك

 

[كوكي العسل]

الف مبروك كانديل

عقبالي يارب ياكريم يسهل علي يارب

 

[فديت اللي احبهم]

سلااام حبايبي شلونكم ......تصدقون اني للحين ماولدت واااي وااي اللحين جد خلاص معد اتحمل اللة يعين بس مخلصة شهري لي اسبوع وبكرة لي موعد لاندكتورتي قالت لي اذا ماولدتي الخميس ضروري تجين السبت ....بنات تكفووووووووووووووووووووووون ادعولي اولد اليوم والا بكرة الصبح قبل ماااروح لها يمكن وحدة تصادف دعتوها ساعة اجابة ولاتنسون في ملك يقولك ولك بالمثل ....بااي حبيباتي

 

[كوكي العسل]

فديت اللي احبهم

ياااااااارب ياكريم يرزقج بولادة سهله وميسره اليوم وترتاحين ان شاء الله

 

[استبـــرق**]

ابشركم اني ولدت ولله الحمد والمنة بتاريخ 27/6/2011 وجبت بنوته وسميتها( خديجه )





ابي ابوسه على راسه الي اخترع شي اسمه كمااااااااااااااااااااااااااااام :eh_s(15):



والفال لكم يارب :yaaaaaarb:

الله يسهل عليكم ان شاء الله

 

[katkoota 89]

مبرووووك حبيبتي استبرق تتربى بعزج يا قلبي والفال لنا يارب

 

[كوكي العسل]

استبرق الف الف مبرووووووك

يعني تنصحيني اخذ الكمام انا حاطه فبالي اخذ ابرة الظهر لان احس ماراح اتحمل العوار