الشهر التاسع والنفسة الزفت والتعب ...حياكم نسولف ؟؟

[زينانه]

ليش يرقع

قلبج قاعد يرقص من الفرحه
ههههههههههههههه
ليش دخولج قيصريه يعني والا لطلق صناعي؟؟؟؟؟؟

 

[anooma_86]

لا قيصريه انشالله.. خفت لان صارت الصجيه وقمت احاتي

 

[زينانه]

ميخالف الخوف فينا كلنا
والله ييسر امورج
انتي اقري اوراد الولاده على بطل ماي صغير .. وسورة الزلزله
واشربي منه وغسلي ويهج منه
وماعليج شر

 

[anooma_86]

اي انشالله بسوي جذي

 

[anooma_86]

وين ورده و كويتيه مالهم حس؟

 

[روابي الحب]

شوووق ثانكس وShathawyانا دكتوري حسام موعدي الاحد قال يفحصني والا فاتحه بدخلني ولاده بس انا ما ودي ابي اكمل صيامي انشالله وانووما الله يسهل عليج وعلينا ويقومج يالسلامه طمنينا

 

[anooma_86]

حبيبتي روابي مشكوره

 

[كااامل الزين]

هلا بنات شلونكم كلكم يا صار علي امس شي عوار قضبني طلوق مت تحت وبطني يعورني وتكرمون اسهال ما ادري شنو صار عشرين عوار مع بعض انحاست المسائل رحت دار الشفا فحصتني دكتورة طلعت 1سانتي تقولي بكييييييييييييير لسة عليك بغيت اموت امسوما نمت الليلة اللي قبلها من العوار مستمر من الليل لي الفجر وكل هدا و1 سانتي طلعت رحت مركز سلطان اللي بحولي نستغل الروحة ما ولدنا بس نتسيوق ههههههههههه

 

[كااامل الزين]

انوما الله يسهل عليج كلها ساعات وتشوفين البيبي وسهالات الولادة لا تحاتين بس ليش قيصرية

 

[كااامل الزين]

زينانة اختيار موفق ناهدة اراجع عندها ولدتني 3 مرات

 

[anooma_86]

كامل الزين هذا الي فيج طلق يعني بتولدين جرييييب انشاءالله و الله يسهل عليج.. العوار ليلحين موجود؟؟

 

[كااامل الزين]

والسهالات من الله بالاول والاخير سبحانة ارحم فينا من امهاتنا

 

[anooma_86]

انا قاعده أقولج هذا طلق و ماشاءالله انتي والده من قبل ٣ مرات يعني انتي اخبر ههههههه الله يهون عليج

 

[كااامل الزين]

انوما يروح ويرد انا مو بجر بس والله خدعني احساسي هالمرة رايحة عبالي دخول راهية ماخدة قشي كلة صج جاني عوار مو قادرة لا اقعد ولا انام الحين فية خفييييييييف

 

[كااامل الزين]

والله وسوست اعرف حريم يجيهم طلوق بس ما يفتح الرحم ودكتورة دار الشفا اللي فحصتني امس قالتلي خلي ناهدة تعطيج طلق صناعي عندي مراجعة الاحد بس ما ابي طلق صناعي انا كل مرة طبيعي وبشوف لليحين موعدي 4-9 معاي وقت اهم شي عندي اصوم رمضان يارب اكملة

 

[anooma_86]

الله يعينج حبيبتي و يارب ولادتج تكون سهله.. وين ناويه تولدين؟

 

[anooma_86]

ليش تعطيج طلق صناعي و انتي مافيج شي و الطلق موجود؟؟ ماعليج منهم نطري تو الناس توج بالاسبوع ٣٧ صح؟

 

[وردة النرجس]

سلام

كاني موجوده للحين صامده

شكلها بنتي بتخليني اصوم كثر ما اقدر

هههه

بقول حق زوجي ان ماولدت هالاسبوع

يوديني امشي عالبحر

المشي وايد زين

وبس ماني شاربه شي وبخليها على رب العالمين

متى الله اعلم

 

[anooma_86]

هلا هلا ورده و الحمدلله على سلامة ريلج.. والله انا أقولج امشي من اليوم عالبحر ترا المشي وايد زين

 

[زينانه]

زينانة اختيار موفق ناهدة اراجع عندها ولدتني 3 مرات

الله يطمن قلبج بس بسالج هل لما تجيج طلوق قويه وتركضين عالمستشفى ويقولون لج ولاده
هل تجي الدكتوره فورا والا تطول
وهل صارلج موقف وماجت
واي مستشفى عادة تولدين فيها دايم