الشهر التاسع والنفسة الزفت والتعب ...حياكم نسولف ؟؟

[تبطي عظم!]

للحين


بنات زهقت شكلي بتهور واخذ قفشة خروع مع عصير برتقال شرايكم

على فكره انا ما ادري اذا فاتح الرحم او لا مافحصت للحين بفحص يوم الاربعاء !


اتهور ولا انطر موعدي زهقققققققققققت

 

[%F&R%]

تبطي حبيبي اذا الحين حقج اسبوعين من دشيتي التاسع تقدرين تشربين الغرشه كلها انا دكتورتي قالتلي على هالاسبوع شربي خروع بس صراحه لايعه جبدي منه سمعت ان في حبوب خروع قلت اجربهم احسن

 

[تبطي عظم!]

ما ادري جني خقيت هههه

بنات عقب الجماع نزل معاي دم لونه بني على وردي قرمزي جذي

وماكو الالام قويه لا عوار عادي نفس عوار الدوره بظهري شنو يعني اراجع ولا انطر الموعد !!

 

[mrs.ls4]

السلام عليكم شلونكم شخباركم يا كروشااات وعيدكم مبارك وعساكم من العايدين والفايزين
انا توني اليوم شوي صحتي تعدلت وتصحصحت من الي كنت فييييه
حبيت اتطمن عليكم واسلم عليكم واآزركم مثل ماكنتو اتآزروني في فترة حملي الاخيره
وااااي ولهانه على الشاور الصراحه خخخخخخخخخ
بنات الي ماتبي تولد لاتسوي فحص نصيحه انا موقلتلكم فحصت وطلعت مفتوحه نص سانتي
باجر نزل علي الماي لان الدكتوره ما ادري شنو سوت الي خلت الماي جذي ينزل علي
من غير طلق ولا عوار قوي
مجرد عوار خفيف
بس انا احس اني انظلمت بولادتي لان صار فلم هندي على رعب
بس حقي عند ربي مايضيع وكلت امري لربي اذا كان في تلاعب من دكتورتي والممرضات
بس الحمد الله على سلامتي وسلامه نور عيني سعود
والله يسهل عليكم ويوفقكم ويجمعكم بذريتكم آمين يارب

 

[%F&R%]

Mrs.is4
حمدلله على سلامتج والفال لنا انشالله
وماتشوفين شر
شسالفه شصار معاج بولادتج

 

[الشيرازية]

هاي بنات شخباركم عيدكم مبارك انا كل احساس بالطلق وقف الحين تقولون جذابة اللهم النومة او القعدة اذا قعدت ماقدر اقوم الا احد يقومني واذا نمت خفست السرير وصرت نايمة بحفرة وكل الام العضلات والمفاصل تتيبس والله حاله كسيفة

 

[الشيرازية]

تبطي عظم ماشالله شكلج قربتي واذا رحتي الطبيب اكيد راح تطلب انها تفحصج اذا لج خلق روحي انا عن نفسي والله مو خايفه الا من الفحص تكونين قاعدة وتتالمين من الطلق واهم يفحصونج كل من مر فحص يالله حتي الكمام ماينفع بالفحص مايخفف ابدا اصلا ماتقدرين تاخذين نفس لما تنفحصين وبالتالي ماتقدرين تشمين الكمام منو نفسي بنات الكمام مايخفف الم الفحص

 

[فاقده ابوهاااا]

هاي بنات شخباركم عيدكم مبارك انا كل احساس بالطلق وقف الحين تقولون جذابة اللهم النومة او القعدة اذا قعدت ماقدر اقوم الا احد يقومني واذا نمت خفست السرير وصرت نايمة بحفرة وكل الام العضلات والمفاصل تتيبس والله حاله كسيفة

نفس الحاله :eh_s(2):

 

[تبطي عظم!]

الشيرازيه

لووول كنت ناقصتج ههههههه انا بجريه ولا مره جربت الفحص صرااحه طمنتي قلبي هههههههه

 

[الشيرازية]

يوه ياحياتي مو قصدي لاتاخذين بكلامي لان درجة التحمل تختلف من وحدة لوحدة وترا قبل قاريه اهنيه بالمنتدي حق بنات يعتبون علي اللي قالو مثلي لانهم يقولون ان الفحص كان عادي ومايعور كثر ماسمعو انا بس ترا حساسة وما احب ولا اتحمل الالم مهما كان بسيط

 

[تبطي عظم!]

هههههههه لا عادي بعد هذا الحمال لازم نتحمل لو ماحملنا متنا واذا حملنا تذمرنا

لا عادي انا قريت طريقة وحده تقول ترخين اعصابج حييل وتاخذين شهيق وزفير وماتفكرين بشيء وهي لها ثواني وخلاص وان شاء الله ناويه اسوي جذي

 

[ميس:)]

صح كلامج مجرد انج ترخين عضلات فخذج ماراح تحسين بعوار واذا شديتي بتتعورين لان ايد الدكتورة بيقاوم عضلات المنطقه فتحسيت بعوار فرخي انا كنت خايفة وايد من الي قريته عن الفحص يوم جربته سهالات بس بعد مارخيت بالبداية كنت شادة تحسين يضايق شوي

 

[$$king moon$$]

بنات نصيحه والله انا باول بيبي فحصت بدوم كمام وحاولت ارخي بس ماقدرت الخوف مسيطر
علي ومع الفحص شديت ونزل معاي عزكم الله دم اما عقبها والله ماارضى الدكتوره تفحصني الا بكمام
توه قبل اسبوع لما ولدت فحصتني بكمام حتن لما حطتلي تحميلة الطلق
لانييييييي خووووووافه حدي ومايمشي عندي ارخي ولا ماارخي طلبوا كمام شنو خسرانين
بس حق الخوافين الي نفسي

 

[مواصله]

بنات الفحص عادي مايعور ليش تحاتونه حيييل!!الفحص ماياخذ 5ثواني شدعوه

الطلق اهو اصعب شيئ

 

[الشيرازية]

جربته بكمام مانفعني وببنتي الولي تحاميل الطلق لما يحطونها كنت اشم الكمام بس الالم موجود الظاهر من كثر ما اركز باللي قاعد يصير تحت

 

[عنودهـ ~]

صبااااااح الخيييييييير علييييييييكم
كل عااااااااااام وانتوا بألف خيييييييير حباااااااااااايبي
وربي يسهل عليكم وعلي ان شاءالله
*******
كيفكم
انا بالسادس مو التاسع بس قلت اسلم واسولف

 

[لازورديه]

مرحبا ياكروشات
كل عام وانتوا بالف خير����

 

[لازورديه]

بنات حدي خايفه اليوم موعدي عند الطبيب وماودي اروح صارلي اسبوعين بالتاسع

 

[الشيرازية]

عادي لازورديه اذا مو حاسه بشي راح تكون مراجعه عاديه بس يمكن يطلبون فحص وانتي كيفج انا اول اسبوع بالتاسع رحت العدان اسوي تخطيط لان ذبحني عوار بالظهر مع تقلصات كان طلق وطلب يفحص بس قلت لأ جان يبصموني اني رفضت الفحص

 

[%F&R%]

قوه بنات انا اليوم نزل علي دم ووصخ لمن رحت قالولي توه الرحم ٢ سم وطلعوني تتوقعون متى يتبطل الرحم مع ان معاي طلق بس موراضين يدخلوني الا لمن يتبطل الرحم عالاقل٣ سم