الشوبينق في ميلان

[دلوعة أبوهآ]

آهلين بنـات ..

حبيباتي آبيكم تساعدوني وتقوليلي عن محلات الشوبينق في ميلان ..
لاني رايحه مخصوص للشوبينق
وسمعت انه فيه أكثر من آوت لت بس مادري ايش أحسن واحد
أبي كل شي بالتفصيل
لأني أول مره اروح ايطاليا مادري عن شي فيها ..

أبي محلات وشغلات غريبه وملابس حلوه ومافي منها بدول الخليج
يعني مآبي محلات معروفه مثل اللي عندنا .,,

مبدأياً أنا حاجزه ع ميلان بإذن الله في سبتمبر ( ان شاءالله الاجواء تكون متعدله هالوقت )
وشنو فيه مدن ثانيه غير ميلان تستاهل الزياره ..؟؟

رومـا .. سمعت انه كلها متاحف واشياء تاريخيه وآثار
وانا ماحب هالاشياء ..
أبي شوبينق وطبيعه ..


يلا بنات ساعدوني لاتبخلون علي بأي معلومه تفيدني
​

 

[دلوعة أبوهآ]

بناااات مو معقول
24 مشاهده ولا رد واحد ع الاقل .!!!!
توقعتكم تساعدوني
يعني نووي مافي ولا وحده منكم راحت ميلان او سمعت عنها ع الاقل ..


ع العموم مشكورين ..,

 

[عذوق]

انا كنت هناك بالصيف

حلوو سوقهم بس حيييل حيييل غااالي

ورحنا اوت لت اسمه اذا ماني غلطانه سيريفالي شي جذي يبعد عن ميلان ساعه بالباص

تحجزين بالباص وتدفعين تذكرة كأن دفعنا ع الشخص الواحد ٢٤ يورو

بس عادي جدا ومو كل الماركات موجوده فيه ماركات ما تلقينها بالاوت لت


فيه مجمع حلوو كله مكياج وعطور وجناط وملابس كلهاا ماركات تدخلين تنهبلين ههه

ناسيه اسمه بسأل زوجي وارد لج خبر

موفقه حبيبتي

 

[دلوعة أبوهآ]

انا كنت هناك بالصيف

حلوو سوقهم بس حيييل حيييل غااالي

ورحنا اوت لت اسمه اذا ماني غلطانه سيريفالي شي جذي يبعد عن ميلان ساعه بالباص

تحجزين بالباص وتدفعين تذكرة كأن دفعنا ع الشخص الواحد ٢٤ يورو

بس عادي جدا ومو كل الماركات موجوده فيه ماركات ما تلقينها بالاوت لت


فيه مجمع حلوو كله مكياج وعطور وجناط وملابس كلهاا ماركات تدخلين تنهبلين ههه

ناسيه اسمه بسأل زوجي وارد لج خبر

موفقه حبيبتي

بالصيف ماكان فيه سيل .!!
انا رايحه في سبتمبر وهالشهر مآفيه سيل أبد ..

طيب اسواقهم حلوه تستاهل ..!
يعني عندهم شنط وشوزات كشخه ؟؟


انا مره قريت موضوع انه فيه اكثر من آوت لت ..


حياتي والله باتعبك معاي .. اذا تقدرين تجيبين لي اسم المجمع

لانه لحد الحين محد قال لي إسم مجمع معين او غريب ..


انتظرك

 

[عذوق]

امبلا رحت بعز السيل. بس همن غالي

عندهم جنااط تهبببل غير عن الموديلات اللي تنزل عندنا و جواتي اووف اشكال وانواع غريبه

بس حتا غااليه ميلان حتى مطاعمهم حيل غاليه وبالاوت لت اللي رحت له كان عادي بس خذيت نظاره دولتشي اند غابانا سعرها ٣٠٠ يورو بالاوت لت خذيتها ب ١٦٠ يورو

اممم

بعد ان تذكرت شي بقولج ببطل الكاميرا واشوف الصور عشان اتذكر

 

[دلوعة أبوهآ]

حبيبتي ماقصرتي ..
بس ترددت بعد كلامك .. مادري اخاف اروح لها وكل شي غالي اوفر وماستفيد شي ..
وخاطري بنفس الوقت ازورها ..


مادري الله يسهل

امممم اذا تذكرتي شي او اسم مولات او شي معين
باكون شاكره لك وفي انتظارك ..

 

[~Ms. elegant~]

هلا دلوعة ابوهااااا
انا رحت لها قبل جم سنه اكو مجمع اسمه الدوووموووو كبيررررررررررررر
ويبيلج كم يوم عشان تخلصينه حيييييييييل حلو فيه الغالي وفيه الرخيص
واذا رحتي ميلان لازم تروحين فينيسيا عجييييييييييييييييييبه
وهم رحت الاوت لت بس حيييل غالي​

 

[دلوعة أبوهآ]

بنات مادري محد شجعني ع ميلان ..
شكلي باروح ميونخ يمدحون الشوبينق هناك أكثر ..

 

[دلوعة أبوهآ]

هلا دلوعة ابوهااااا

انا رحت لها قبل جم سنه اكو مجمع اسمه الدوووموووو كبيررررررررررررر
ويبيلج كم يوم عشان تخلصينه حيييييييييل حلو فيه الغالي وفيه الرخيص
واذا رحتي ميلان لازم تروحين فينيسيا عجييييييييييييييييييبه

وهم رحت الاوت لت بس حيييل غالي​

حبيبتي كم المسافه بين ميلان وفينيسيا ؟؟
وشلون رحتي لها قطار ولا طياره ؟؟


للحين محتاره :eh_s(2):

 

[LAW_GiRL]

حلوة سوقتهم يس انا قعدت 15 يوم بين ميلانو وفنيسيا والبدقيه كلفتنا السفره مع التشري 6 الاف تذاكر وسكن 2000 و4000 مصرف وتسوق

 

[مريانا ام ماريا]

انا توني راده من ايطاليا وافتريتها نصها روعه والجو الحين ولا اروع
ميلان حلوه بس غاليه مو مال تسوق اذا تبين تسوق روحي اوتلتات بعيده عن السيتي تلاقين ماركات ايطاليه بسعر رخيص حده انا كان عندي سياره وكنه نفتر بالقرى والله طحت على مكان يبيع جواتي ايطاليه روعه ومريحه بسعر حده رخيص يعني بالمحل على 100 يورو حصلناهم على 30 و 20 بس وفي اوت لت بعيد عن روما ساعتين حده روعه بس والله ما اتذكر الاسامي لان انا بالسفر افتر على البركه يا الاقي شي او يضيع يومي على الفاضي
فنيس روعه حق التسوق بس هم غاليه
وانت سوي سيرج بالنت وخزني العناوين ولمن تروحين اجري سياره وافتري ونصيحه وخري عن اسواق ميلان و السيتي لان غاليه وما تسوه المناطق البعيده البضاعه احلى وارخص وفي بسطات يبيعون فيهم بدواعيس القرى ويم سوقتهم اسعارهم ارخص من الرخص وكله صناعه ايطاليه
روما لا تروحين لها زحمه بشكل مو طبيعي
وصح الفنادق ترى قديمه بايطاليا لازم تروحين 5 ستار
فنادق 4 ستار بتتعبين منهم لان قدم وجنهم 2 ستار
وايطاليا نار اغلى من لندن انا ب 20 يوم صرفت مع عيالي وزوجي بس مصرف بدون فنادق و تذاكر سفر 8000 دينار الاكل غالي وبخله حدهم الصحن ما يكفي ياهل

 

[Om_Ksha]

ومنكم نستفيد ,,

 

[HeSsaa]

انا اعشششق ميلان إتينننننننننننن بكل معنى الكلللمه حللللللوه

وسوقها احلى و احلى كان تجهيزي منها ،،، ترى تعتبر رخيصة مقارنة بدول اوربا الباقي مثل لندن و باريس
ليلحين متحسفه ماشريت منهم جنطة شانيل الكلاسيك ليقتها عندهم ب520
وشريتها من باريس ب650 شوووفي الفرررق
عندج شارع الماركات نابوليون

اصلا بكل داعوس فيه ماركات
ولا تطوفين اقوى اوت ليت في العالم (( فوكس تاون واسعاره خيااااال ))
فيه كل الماركات اللي يحبها قلللبج (( فيندي-قوتشي-برادا-سالوران-بربري-فيرساتشي-دولتشي-))

لاتنسين تروحين منظقة كومو انا اسميها جنيف صغيره (( فيها بحيره و قهاوي و جبال والجو إينننن ))
واهم شي تروحين فينيسياا اتيننن المنطقه حيل رومانسية

 

[om-Jana]

حصه يسلمووو

ومنج نستفيد


حتى انا سمعت ارخص ميلان والبحث جاري باذن الله

 

[ام سوسو الحلوة]

Upp

 

[دلوعة أبوهآ]

.....

 

[دلوعة أبوهآ]

مشكورين بنات ..
.
.
.
حصه ومريانا مشكورين حبايبي ماقصرتوا ساعدتوني والله ..
:eh_s(7):​

بس سبحان الله ماتسهلت لنا هالسفره
وحوّلنا ع ألمانيا والنمسا إن شاءالله
وكثيييييييير قالوا ان ميونخ للشوبيق و روعه و فيها كل شي ..​