الشيب

[green_eyes]

السلام

بنات انا فجأه بين يوم و ليله بدا يطلعلي شيب اوكي ؟؟المشكله انا مو متحجبه و شعري اصلا اسوووود يعني فضيحه و ان ما اداني شي اسمه صبغه اخاف تحرق شعري و مو متعوده عالحنه حطيتها و طيحت شعري :eh_s(16): ابي حل ثاني الله يعافيكم

ابي تجاربكم

 

[kuwaitya-frawla]

واي نفس حالتي


انا الشيب متمركز جدااااااااام قطيعه وانا بعدري بالعشرينات ..الحمد لله على كل حال


شوفي انا اصبغ جذوري بصبغة اعشاب اشتريها من الجمال الامريكي وارتاح عليها ..شوفي يمكن تيوز لج

 

[green_eyes]

اخيييييييرا احد عبرني حبيبتي الجمال الامريكي وين مكانه و شنو اسم الصبغه و لا عليج امر؟؟؟؟؟؟؟؟؟؟

 

[fatma q8]

أحسن شي الحنة وحطي فيها قهوة عشان تصير غامجه ولا تستخدمين الصبغ لانه راح يزيد الشيب والحنه مافي احلى منها حق الشعر تكثفه وتعطيه لمعه وهالكلام عن تجربه​

 

[green_eyes]

أحسن شي الحنة وحطي فيها قهوة عشان تصير غامجه ولا تستخدمين الصبغ لانه راح يزيد الشيب والحنه مافي احلى منها حق الشعر تكثفه وتعطيه لمعه وهالكلام عن تجربه[/​

ما تقصرين بس اي قهوه قصدج؟؟؟؟؟؟؟ و لو اني ما احب الحنه :eh_s(16): بنات يللا ابي رايكم

 

[أم نواف غير]

الله يعين الشيب صار عادي اللحين الصغار والكبار ​

 

[law love]

الحال من بعضه و اخاف اصبغ بروحه شعري مو ناقص

بس بديت احط حنه بالصالون لاني ما احبها و لا اشتهيها

 

[اللاندكروز]

اب اب اب

 

[ام اللين]

آنه بعد ما احب ريحه الحنه بس كنت لازم احط و ما ابي الصبغ ويوم دامت على الحنه شعري صار خيال كثف و صار ثقيل وتعودت

على الحنه و صرت احبها احلا شي الأشياء الطبيعيه

 

[sverige]

لكل الي يعانون شيب بالصغر جيكي هذول اللنكات ان شاء الله يكون متوفر بالكويت
http://www.youtube.com/watch?v=i2pMz-tzkNM

http://www.youtube.com/watch?v=pq2XXf2a3Mw&feature=related

 

[ياحُبِي لِلكويت]

الله يعين ^-^ الشيب وقار صار بعد للشباب ههههه

 

[زعنوفه]

بالصيدليه في مثل الشامبو اسمه ديسكريت للشيب تستخدمينه كل يوم تحطينه على الشيب مع الاستعمال يعني خلال اسبوعين تقريبا يبدي يقلب لون الشيب يصير اشقر وشوي شوي يرجع لون شعرج الاصلي
سعره وايد رخيص ما يوصل ثلاث دنانير وطريقه الاستعمال على العلبه

الهدف منه يرجع لون الشعر الاصلي عقب ما يشيب .... وهو مافيه ريحه كلش بس اذا بدا التفاعل مع الشعر يسوي ريحه مثل الاسيد ... بس ترى وايد حلو وعن تجربه ​

 

[سلطة]

أنا أختي تحط للجذور وعلى حسب كثافة الشعر 5 قفاش حنا + واحد مغلف من الحنا السودا مالت الهنود وتخلطهم بماي وتحطه على الجذور ماشي معاها زين

 

[أهداب]

انا اول كان شعري اسود
بس لما قام يطلع الشيب فيني صرت اتأذا منه مع اني مو كبيرة وايد
بس اضطريت اصبغة اشقر رمادي والحمدللة صارلي سنتين مرتاحة حتي لو طلعتلي شيبة عبالهم انعكاس الصبغة

هذا لون شعري الحين ( قولوا ماشاء اللة )

 

[احلامي الورديه]

وعليكم السلام ورحمة الله

انا مره قريت عن مجموعه زيوت تكسب الشعر اللون الاسود وبنسخ لج الكلام من موضوع العضوه الله يجزاها خير ويوفقها
.
.

لاكتساب الشعر اللون الأسود والزيوت هي :

زيت الميرمية – زيت العفص – زيت الحنة – زيت السماق – زيت الآس – زيت أملج – زيت الكتم – زيت البشام – زيت البطم – زيت الحنظل – زيت شقائق النعمان – زيت السمسم – زيت السنامكي – خل السنامكي .

.
.
.

عاد انتي اخلطي زيت المرميه مع زيت الاملج واستمري عليهم وان شاء الله مع الوقت يختفي هالشيب

والاملج هو اللي موجود في املا واتوقع هو السبب اللي يخلي الشعر اسود

موفقه
​

 

[green_eyes]

يعطيكم العافيه كلكم لا هنتوا عسى ما تطلع لكم شعره بيضه بشعوركم يااااااااااااااااااااااااااااااا رب