الشيره حق اللقيمات

[MISS^^CHANEL]

السلام عليكم
بنات مابقي شي علي رمضان والكل قاعد يجهز

انا بس بعرف

شلون اسوي الشيره\القطر\السيرب
بكل اللهجات اللي اعرفها

انا احط كوبين شكر وواحد ماي وطبعا زعفران وشوي هيل
واحركها لين ماتطبخ ويذوب الشكر وتالي اقصر عليها واخليها تطبخ لين تنزل تصير شوي اثقل واطفيها

تكون واااو بس احطها بلقرشه تكتل الشكر تحت بلقرشه !!!
ليش شنو الغلط اللي قاعده اسويه

ادري ماراح تحقروني وبتجاوبوني


وشكراااااا
وكل عام واتم بخير

 

[نور دنياه]

وانتي بخير وصحه وسلامه

انا اسوي نفس طريقتج بس غريبه انا مايتكتل معاي !! تطلع مظبوطه :rerrerek:

 

[dnyay_mll]

قبل كنت اسوي نفسج وصج تتكتل شوي
الحين قمت احط
5 اكواب سكر على 3 اكواب ماي وهيل حب وبودر وزعفران وشوية صبغة زعفران واخلطها عدل واخليها تغلي عالنار ربع ساعه واضيف لها عصير نص ليمونه واخليها ليما تثقل

 

[جارة القمر]

مشكوووورييييييييييييييييييييين


http://www.q8yat.com/t1070766.html

 

[نووووونا]

حطى مع المقادير شريحة ليمون بنفس الوقت ما تكتل وتصير ماده حافظه


وعليج بالعافيه

 

[فيلسوفة تتفلسف]

اب اب
​

 

[البرنسيسه77]

طريقتج مضبوطه ١٠٠٪ ونفس طريقتي وانا شيرتي عليها طلب الغلط اللي تسوينه هو انج تطبخينها زياده عن اللزوم فيتبخر الماي ويصير الشكر اكثر المفروض تقللين من مدة الطبخ وبس

 

[ابتسمامه]

ما قصروا البنات

 

[الغضى]

لا لازم ليمون نقطة أو نقطتين
أنا نفسج وحلوة حيل

 

[ضحكة الدنيا]

ضيفي عليها شوية ليمون

 

[منارة البيت]

مثل ماقالو البنات ناقص ليمون

 

[ام الدرر]

مقاديرج صح
كل كوب ماي له كوبين شكر
بس ضيفي قفشة عصير ليمون
وبمجرد ما تغلي ويذوب الشكر طفي النار
ماتحتاج طبخ وااايد ​

 

[الأميرة جوري]

اي لا تطبخ وايد بس تحسين ثقلت عالخفيف بعد ماتبرد راح تثقل اكثر