الشي اللي ما ينقال للرياال ؟؟؟؟

[a6yb$8lb]

قوة مدامات وطموشات ،، طرى ببالي هالسؤال وقلت خلني انزله موضوع ...
بشكل عام من خلال حياتنا مع المجتمع الذكوري ،، شنو المواضيع والسوالف اللي ما تحبون تطرحونها او تسولفون فيها مع ازواجكم ؟؟ ابهاتكم ؟؟ اخوانكم ؟؟؟

>> انا مرة صارلي موقف قلت لاخوي ،، تصدق كنت بركب سيارة واحد عبالي سيارتك بس زين انتبهت انه مو انت فشلللة صح >>> لا واقولها بابتسامة مالت من خبالي والله،،، من حلاة السالفة عااد،، احس عصب ،، فديت الغيور ،،


عاد انتوا صارلكم مواقف مع اللسان المنفلت جدامهم ؟؟؟؟
او قاضبة روحج ما تسولفين عن شغلات معينة ؟؟؟؟

ااتمنى المشرفااات ما ينقلونه ،، المتزوجات هم اكثر فئة ممكن تتعرض لهالمواااقف


وشكرا*

 

[دلوعة كويتيات]

لووول
ماحب اتكلم مع ريلي عن دوامي لانه مختلط
ومره طالعه من سوق ومشوته يصعد سيارة سايقنا جان اصعد سياره ثانيه تشبهها لا والسايق نسخه سايقنا ههههههههه لاتشوفين ويهي امبي ، المشكله صكرت باب سياره مصدقه ههههههههههه

 

[*درر*]

هههه أمااا أركب سياره مع سااايق ثااني كم مره صاارت لي .
بالنسبه للي مااإاينقااال فكثيرررررر
فالمفروض قبل مااتقولي تخيلي موقفه من خلال معرفتك له شنو يعجبه وشنوو. اللي يعصبه
بس غالبااا المعرف عندهم أي رجال تمدحيه يااويلج تفكيرهم يطييير بعيد.

واي ساالفه فيه عيب فيج بتلعنين الساعه اللي قلتيله فيهااااا يمسكهااااا سلاااح يعني لو قلتيي أناا موذكياااا يالله تعالي ولا روحي يااغبيااء هههههه وبس

 

[pusy cat]

اكيد طبعا اذا احد تحرش فيني او دز مسج ماراح اقول لا حق زوجي ولا اخوي لأنهم متهورين وممكن يرتكبون جريمه على شي تافه

راح اقول حق ابوي لان الابو دايما حكيم ويقدر يتصرف بهالمواقف سواء يشتكي عليه بالمخفر او يسفل فيه

وبالنسبه للسوالف اللي مايصير اسولف عنها عند زوجي اللي اهي خصوصيات اهلي ومشاكلهم لان مرده لي تهاوشنا بيعايرني بهالشي
فنصيحه لاتجيبين طاري اهلج لا بالزينه ولا بالشينه ولا تعتبرين زوجج صديقج لان بأي لحظه ممكن يقلب

 

[tbola]

واااي صج عاد الرياييل احيانا يسووون من الحبه قبه هههههههه

لا الحمدالله ماصارت مواقف جي معاي وان شاء الله ماتسير لانه لساني فااالت اعرف روحي كل شي اقول:d

 

[shak!shoka]

صح كلام pusy cat

شوفي لستتة الممنوعات و المحظورات:

1/اهلي ،، مشاكلهم -خصوصياتهم
2/رفيجاتي ولو حتى سالفه عاديه ماااااا احب
3/ اهله !! لا بالزينه و لا بالشينه
4/ ربعه ما يصير اتكلم عنهم او اسأل اي سؤال يخصهم

واحيانا في شغلات تطوفني وببراءه اتكلم فيها بس تعرفين فصلات الرياييل !

 

[انا لحبيبي .]

مافي شي معين ، اي شي بحسه ما اله داعي ما احكيه ما بحكيه

 

[ام زهقانه]

ما تكلم عن حريم جدامه
ولا عن مشاكلي مع اي احد
اعز نفسي حيل عنه
حتي لو ينقلط علي ما اقوله
الرجال لا عزتي نفسك واهللك ولا تتكلمين بمشاكل اهلك راح يحتلامك وتكبرين بعينه

 

[a6yb$8lb]

Nowrtooooooo nk nk 

 

[شذا الياسمين]

1- مواصفات اي حرمة حلوة والا مو حلوة ..
2- خصوصيات أهلي ..
ثانكس عالموضوع الحلو ..

 

[جعلي فدوه لبوي]

انا ثرثاره مع زوجي بس اهلي لاااااا ماتكلم عنهم لا بزين ولا اقول مشاكلهم لا نادر لانه يس فيني ومرات ابيه ينصحني واخواني لا فري عادي مو مشفرهمعاهم فديتهم عزي هم بس سوالف غازلني تحرش فيني لاااااعيب اقولها اصلن

 

[whos that girl]

طموووشه

 

[كويتيه مـزيونه]

لا يحوووشج مستحيل اجيب السوالف هذي حق زوجي بس اسوالف مع اختي اللي اكبررر
مني فديتها

 

[عيوني حلوه]

تقولين له ( انت موو رجاااااال )

يبـووووووووووووووي يطربئهاا فوء دامغك

 

[عـِرۈۈق قلبــه]

طموووشه ​

 

[جـوود الحب]

اول ماتزوجنا كنت حيل مرجوجه ووواقوله اي شي يخطر ببالي وسوالف الحريم ورجلي من النوع اللي مايحب سوالف الحريم
وقالي كلميني عن اي شي الا سوالفكم مااااااااااااحبها وخلاص حرمت اسولف له

 

[مارشميلو..]

لاتسولفين عن مشاكل اهلك ولا صديقاتك وحتى اهله لاتجيبين طاريهم بالشين مثل ماانتي ماترضين على اهلك
حتى هو مارح يرضى

 

[e7nayyeena]

كلام شذا الياسمين صحيح

 

[عذبة السجآيآ]

بخصوص اني للحين عروووس تحفظت بأِشياء وااااااااجد هالفتره

لان اول زواجنا كنت اسولف على عفويتي وحسيته يتضايق او يقعد يحقق معاي ليش وماليش


اما الحين لاااااااااا بس اقوله سوالف الضحك والغشمره لا اكثر ولا اقل

 

[رفيف الخير]

اي شيء ممكن يسبب مشكلة او هوشة الله يسلمكم عندي اخوان وزوج مايحبون احد يتكلم مع محارمهم لابالزينه ولا بالشينة ومرة كنت مع اختي في السوق ولقيت بدلة عجبتني مرة حق عرس
ومافي غيرها كنت اتكلم مع اختي بصوت واطي واقول اخاف اخذها وتطلع ضيقة علي المهم ماشفت الي مار يمي وبصوت واطي بياع بالمحل لبناني ويقول اخذيها متاكد انها قياسك مع العلم انا منقبة وهنيه حسيت ان جسمي قشعرمو من حقه يتدخل بس ان قلت لاخوي بتصير هوشة تركت البدلة وطلعت وانا نفسي فيها ولما مشينا من المجمع كنت ساكته وهو يسالني اشفيج كنت حاسة اني مسوية شي غلط لاني ماعلمته وخايفة من المشاكل بعدها بفترة قلت له بغى يذبحني قلت وانا شنو ذنبي سكت وبعدهاقال قهرتيني المفروض اعرفه شلون يستظرف عدل بس للاسف ابردت السالفة