الصناديق الاستثمارية ....-يجزيه الله خير وينى له بيت في الجنة الي يفهمنا

[james546613]

ممكن تفهموني الصناديق الاستثماريه -شلون تشتغل -اربحاها -مشروعيتها - وليش دايم تقولون افضل من الاسهم -قريت وايد بس عيزت استوعب -يجزيه الله خير وينى له بيت في الجنة الي يفهمنا

 

[التجوري]

هذي شرحها سالفه طويله
الصناديق اهيه تشتري بالاسهم
والحين الصناديق خسرانه وايد مع الاسهم
واصحاب الشركات يستغلون الصناديق علشان يبيعون اسهمهم على الصناديق ويطلعون بسرعه اذا اكو مشكله

 

[james546613]

مشكورة ماقصرتي يالتجوري عساه عامر بالخير الوفير

 

[أم وهابي]

ممكن تفهموني الصناديق الاستثماريه -شلون تشتغل -اربحاها -مشروعيتها - وليش دايم تقولون افضل من الاسهم -قريت وايد بس عيزت استوعب -يجزيه الله خير وينى له بيت في الجنة الي يفهمنا

بما انى موظفه بالخليج للتأمين

أقدر افيدج بالصناديق الاستثماريه التابعه للشركه واللى يقدر اى فرد يشارك فيها ومبلغ بسيط بس اقل شى 30 دينار

الصندوق العالمى السويسرى يعطيج اعى نسبه فايده يقيمه 8 ونص % واهو نفسه اللى شاغلين فيه زين والبنك الوطنى
الصندوق المحلى يشتغل بالسندات والعقار ( مو اسهم ولا بورصه ) ويعطيج 6 ونص %
الصندون المضمون ( تضمن الشركه لج نسبه الفايدهخ فى كل الاحوال 4% ) بس هذا ارباحه قليله واحسن شى العالمى

انشاء الله اكون افدتج

واى استفسار انا بالخدمه

 

[HERMITAGE]

ام وهابي يامال العافيه اشرحيلنا اكثر شلون مبلغ بسيط ب30 بالشهر شنو راح يكون الربح من هالمبلغ وشلون الارباح سنويه او شهريه والاهم راس المال طبعا اذا الوحده بدخل مبلغ كبير مضمون او اذا خسرو تحشنا الخساره وتروح علينا ؟؟؟؟؟ الله يوفقج اشري اكثر اذا ما فيها كلافه

 

[james546613]

ماقصرتي يام وهابي -بس شلون الصندوق سويسري شنو يشتغل فيه -اعرف واحد ساهم في صندوق عبر بنك محلي وبعد ماراح لامريكا واستفسر لقى ان الصندوق يستثمر في محطة بنزين فيها قمار وغيره -علشان جذية اخاف المال مو حلال فيهم وفي فتوى تفيد ذلك ولا لا -الطرق جثيرة الي تربح عبر بورصة امريكا وعبر البورصة الاوربيه وصناديقيهم بس لازم نتحرى الحلال -الله يخلي لج وهابي وكل من تعزين

 

[أم وهابي]

ام وهابي يامال العافيه اشرحيلنا اكثر شلون مبلغ بسيط ب30 بالشهر شنو راح يكون الربح من هالمبلغ وشلون الارباح سنويه او شهريه والاهم راس المال طبعا اذا الوحده بدخل مبلغ كبير مضمون او اذا خسرو تحشنا الخساره وتروح علينا ؟؟؟؟؟ الله يوفقج اشري اكثر اذا ما فيها كلافه

هلا فيج يا عمرى

راح اعطيج مثال لمبلغ 30 دينار ( اصلا انا مسويه هالمبلغ)

30 دينار تدفعينها شهرى - او كل 3 شهور - 6 شهور- او كل سنه كيفج

تقدرين تشغلينها بكل الصناديق او صندوق واحد ( كيفج)

تستلمين فلوسج بعد 15 سنه بأعلى نسبه فايده بقيمه 8721 دينار

" طبعا راح تكونين موقعه عقد يضمن لج كل حقوقج حتى فى حاله الوفاه لا سمح الله "

الارباح ما تستلمينها الابعد 15 سنه

بالعقد ينحط مبلغ تغطيه بقيمه 5000 دينار اذا صارت وفاه لا سمح الله قبل المده الورثه ياخذون المبلغ " الورثه اللى انتى حاطتهم بالعقد " انا حاطه بس عيالى

الشركه كويتيه وكل اللى داشين فيها اغلبهم كويتيين هذا اذا مو كلهم

التفاصيل وايد موسعه اتصلى افضل

 

[أم وهابي]

ماقصرتي يام وهابي -بس شلون الصندوق سويسري شنو يشتغل فيه -اعرف واحد ساهم في صندوق عبر بنك محلي وبعد ماراح لامريكا واستفسر لقى ان الصندوق يستثمر في محطة بنزين فيها قمار وغيره -علشان جذية اخاف المال مو حلال فيهم وفي فتوى تفيد ذلك ولا لا -الطرق جثيرة الي تربح عبر بورصة امريكا وعبر البورصة الاوربيه وصناديقيهم بس لازم نتحرى الحلال -الله يخلي لج وهابي وكل من تعزين

الشركه كل شغلها واقف على التأمين وما فيه مجال خساره بسبب

ان الكل قاعد يدفع الالتزامات اللى عليه

وانتى شغلج مباشر مع الشركه مو مع الصندوق

سؤال ؟ عمرج سمعتى ان شركه زين او البنك الوطنى خسروا؟

وبخصوص الحلال والحرام عندنا فتاروى خاصه بالسنه وموقعين عليها الفتوى والتشريع عندى نسخه اقدر اعطيج منها صوره

وهم فتاوى وعندى منها صور خاصه للشيع من جميع مراجعهم الشيعيه

ما قصرتى على الدعوه الحلوه بعد قلبى

عشان تستفدين وتطمأنيين اكثر دشى على رابط شركه الخليج للتأمين

 

[إنسانه بكل حالاتي]

مشكوره أم وهابي

 

[أم وهابي]

مشكوره أم وهابي

حياج الله بأى وقت

 

[السمرة~القمرة]

مشكورة ام وهابي

ترا ليليحين قاعدة اقولب الفكرة براسي

ترقبيني


:bye22::bye22:

 

[HERMITAGE]

مشكووووووووووووووووره ام وهابي الله يوفقج ويرزقج ماتمنين ويفتحها عليج دنيا وآخره
بس للحين متردده تدرين ليش انا ابي فايده قريبه يعني احس فيها مو بعد 15 سنه وايد انا مو ماعندي دخل ثابت فابي شي يفيدني بفترات قصيره ومشكوووووووووووووووووووووووووره مره ثانيه

 

[أم وهابي]

مشكووووووووووووووووره ام وهابي الله يوفقج ويرزقج ماتمنين ويفتحها عليج دنيا وآخره
بس للحين متردده تدرين ليش انا ابي فايده قريبه يعني احس فيها مو بعد 15 سنه وايد انا مو ماعندي دخل ثابت فابي شي يفيدني بفترات قصيره ومشكوووووووووووووووووووووووووره مره ثانيه

فديتج يا حلوج ويا حلو دعوتج اللى تبرد القلب " مشكوره وايد"

اذا حطيتى مبلغ قليل نفسى " انا حاطه 30 دينار

ما راح تحسين لا بالمبلغ ولا بالمده


والله والله يا بنات نصيحه اخويه لوجه الله تعالى لا تطوفكم هالشغله

فهموا ذبحتونى هذا استثمار للمدى البعيد

يعنى بالعربى

حق اللى ما عندهم بيت

حق عيالكم " جامعه - سياره - زواج "

اى ظرف لا سمح الله انتى مستنده على مبلغ حلو ما تقدرين تلعبين فيه

وبالتوفيق للجميع " وايد قرقرت"

 

[MONARAAD]

يعطيك العافية ام وهابي وشكرا عالمعلومات الحلوة

بس شلون نشترك بالصندوق العالمي السويسري

وهل هو مضمون

بارك الله تعالى فيك

وشكرا

 

[Nokia N95]

اي والله .. يعطيج العافية ام وهابي

وبغيت اسال في حالة الوفاة لا قدر الله ...
المبلغ اللي كنت ادفعه شنو بيكون مصيره ؟

يعني لنفترض في شخص كل شهر يدفع 100 دينار وخلال 10 سنوات صار المبلغ اللي دفعته 12000 دينار و توفى هالشخص

هالـ 12000 شنو بيكون مصيرهم ؟

ومشكورة والله يعطيج العافية

 

[MONARAAD]

up
up
​