الصيدلية المتنقله فكرة مميزه للسفر ومفيدة....

[جاي وحليب]

بما ان احنا بالصيف ومرات مع العيله والتجهيز للسفره ننسى شغلات بسيطه
بس سبحان الله مرات تصير لها حاجه لي سافرنا... ونفتر ندور هالشغلات...

علشان جذي.. الحل اهو الصيدلية المتنقله للسفر
احنا حاطين بانادول وادويه ثانيه وبلاستر وخيط وابره اعواد اذون فازلين ملقط زبدة ككاو فكس منظف اليد السائل ...... وهالشغلات
طبعاً المحتوى داخل العلبه البلاستك يعتمد على الشغلات المهمه لكم انتو اصحاب الصيدلية المتنقله.....

الشغله هاذي وايد فادتنا بكذا سفره ... علشان جذي حبيت انقلها لكم وبالصور....

 

[أحب ترابها]

يعطيج العافيه ...ومشكوره ...وحبيت ازيد علي كلامج انا احط مع الصيدليه دواء للوعة الجبد اذا السفر لجزر وبنركب قارب ...واخذ لزوجي بخاخ للعضلات بعد المشي ....واخذ جنطه احط فيها مناديل الديتول-وبخاخ الديتول -وصبونة ديتول صغيره ومعقم اليدين الي حاط صورته...هذي ياطويلة العمر اذا رحنا مطعم نمسح الطاوله ونظف ايدنا فيها ...بتقولون وسواسيه بس ماستغني عنها

 

[ضحكة الدنيا]

فكره حلوه وتقريبا نفس الاشياء اللى اخذهم معاى بالسفر
مشكوووره حبوبه

 

[أغلى حبيبه]

جاي وحليب بسالج من وين المعقم

عندي منه جياس صغار بس اللي عندج من وين لو سمحتي

ومشكووووره على الموضوع الحلو

 

[جاي وحليب]

أحب ترابها
لا صاجه الديتول شي مهم اصلا
نسيت لا اذكر بالموضوع بس لان احنا اهم واول الاشياء اللي نحطها بجنطة الايد
كلنكسات الديتول الرطبه، الورق اللي ينحط على التويلت قبل الاستخدام، وكلنكس عادي
والشغلات اللي قلتيها.. وهالسفره انا حاسبه حساب دواء العضلات ينفع بعد

شكراً على الاضافه عزيزتي


==

ضحكة الدنيا

العفو حياج الله

==

اغلى حبيبه

قصدج المعقم اللي بالبطل؟
هذا اختي شاريته بس اظنتي من الجمعيه العاديه بس هذا ريحته موشي على حلاو مادري علوج
الظاهر ماحصلت تشكيله..
واكو عند الشايع المعقم عنده روايح حلوه والله.. بس الله يهداهم السعر دبل اللي ينباع بالجمعيه



اييي ونسيت اذكركم.. اذا رايحين لدول اوربا خوفكم ياخذون السوائل منكم.. دعسوهم بالجناط مع الهدوم احسن

 

[ساره ستايل]

جاي حليب: ماشالله شغلج سنع ابسنع
مشكوووووووورة

 

[جاي وحليب]

العفو حياج الله اختي سارة ستايل

 

[زلابيا]

خوش شي .. نفس اغراضنا تقريبا زياده عليهم الديتول الاخضر والديتول العادي والكلينكس المرطب

ثااااااااااانكس جايونه

 

[زيـنـه]

خوش موضوع ..
انا عندي جنطه صغيره احطها بجنطه الايد فيها الجل المعقم و كلينيكس الحمام و بلاستر و زبده كاكاو و مشط صغير و منظره و عطر و علبه الادويه الصغيره من دايسوا فيها بندول و صابون الورق و كريم للايد صغير و منتس حبوب النعناع و دهن عود .
و تكون بالجنطه بالكويت او بره الكويت .
مشكوره

 

[إيمان]

خوش فكرة وتقريبا نفس الاغراض اللي نستخدمها بكل سفرة

 

[الداعية]

خوش موضوع

 

[Raveena]

خوش فكرة

 

[^^دموع الكويت^^]

روعة
مشكوووورة
يعطيج العافية

 

[Suwi]

y36ech el 3afyh mshkora mag9rty

 

[رضاب]

تسلمين والله


وإن شاء ما تستخدمونها إلا بالخير إن شاء الله

 

[رقي]

ماقصرتي خوش صيدليه
ان شالله بسوي نفسها