الضعف مووضة . اللي تبي تصير كلآس .. لآزم تضعف..!! تجاربكم مع رياضة المشي

[برنسيسة قطر]

بسم الله الرحمن الرحيم..


السلام عليكم ورحمة الله وبركاته..


بنآآت شخبااركم..؟ عسآكم بخير..

انا تعقددددت صرآآحة..

الحين الضعف صآير مووضة ..
جفتوا إليسا ما شاء الله .. وهيفا شلون ضعفت ..
وحليمة ف رمضآن ضعفت بعد .. وو من بعد..؟؟
ما اتذكر.. بس اللحين الضعف شي أساسي ف الحياة..

انا مب متينة .. بس احس ان في أشياء فـ جسمي مآآل امها دآعي..
عموما..
يعني الزنود اللي تترطرط شنو وظيفتها فـ الحيآة..؟
بطة الساق اللي تدندل في شنو تساهم..؟
الخصر اللي جنه دوآر .. ليش موجود فـ الدنيآ ..!
مدآم نقدر نتخلص منهم شننطر..؟


انا وزني 56 أبييه يصير 50.. عشآن أكوون سمبتييك.. وكلآس..

بس مسألة إني ما أتعشى او أخفف عشى عشآن أضعف.. ما ضبطت معآي كلللش..
خاصة إن اللي ف سني يحتاجون تغذية عدل..

تخيلوا بنآت صار لي بس كم يوم بلفيت أخفف ع العشا.. انزين.

والله وآنا منسدحة أحس رآآسي يدور يدور وياتني دوخة مب طبيعية ..

وصدآآع.. وانا أصلا أساسا مب من النوع اللي أحرم نفسي من الأكل..

يعني شي فـ خاطري بآكله .. بس باعتدآل..لكن إني أشم ريحة الأكل وأقعد صنم على أبو إنه بضعف..

أعشق الرآآحة أحسن لي..

المهم انا طولي تقريبا 163 او يمكن اكثر شوي.. بالضبط ما آدري..

واحس حلو يكون وزني 50..

امس اقول حق امي عندج 3 حلول عشان أضعف.

1- تدخليني نادي أسوي رياضة..
2- تشترين لي جهاز مشي..
3- توديني الحديقة كل يوم او 5 ايام ف الاسبوع ع الأقل .. امشي..

وخاصة ان احنا احين اجازة .. فـ المتن ف الطرييج..

الزبدة..

رسينآ على إنها توديني الحديقة إن شاء الله..

منها نروح كلنا نشم هوآ ونمشي ونسولف .. أحسن من النادي والالتزام الخآآنق..
او جهاز المشي اللي مادري وين بحطه ... فوق راسي يمكن..

الأزبد من الزبدة..

شلوونكم ويآ المشي.. صج يضعف..؟ ويقولون يرتب الجسم..؟

وشكثر لآزم أمشي كل يوم..؟

وهل عقب المشي أدبهاا وأكل . وإلا بس فواكة .. و شي معين..؟

كم يوم يبيلي عشان ألاحظ إن وزني نزل,,؟

أدري صدعتكم بهذرتي.. بس معليه تحملووآ..

عفيه بنآت إللي عندها تجربة ويا المشي تفيدني..

وما تقصروون أدري بكم..

برنسيسة قطر..

 

[غلا 7373]

رد: الضعف مووضة . اللي تبي تصير كلآس .. لآزم تضعف..!!

المشي ممتاز بس عندنا بالخليج الجو مايساعد بالمره باليوم في اربع فصول غبار ورطوبة وحر اشتركي بالنادي احسن في مدربات يجابلونج وتنسقين جسمج حبوبة

 

[om MaRyooM]

رد: الضعف مووضة . اللي تبي تصير كلآس .. لآزم تضعف..!!

والله صرنا بزمن الرشاقة ولازم المتينة تظعف والظعيفة ترتب جسمها ..


والمشي فعععععععلا يظعف وينسق الجسم وينحته حتى لو ماخففتي اكل .. مع الاستمرارية بتلاحظين فرق

اهم شي 4مرات او 3مرات ع الاقل بالاسبوع تمشين .. تبدين من 30دقيقة وبعد اسبوعين 45دقيقة الى ساعة وشوفي الفرق




ولوتبين جهاز انا عندي جهاز مشي يديد ونظيف والله .. بس لما شريته جان اشترك بنادي فموقاعدة استخدمه لو تبينه حياج

 

[ملفتة للنظر]

رد: الضعف مووضة . اللي تبي تصير كلآس .. لآزم تضعف..!!

انا عندي الة سير بالبيت وناوية امشي عليه كل يوم صراحة لان يمدحوووون المشي حييييييييييييييييييل..


والضعف يحلي ويصغر ويخليج جذابة باي لبس تلبسينه وضروري البنت تصير رشيقة موضعيفة احسنلها شتبي بالمتن ..

واللي تحب نفسها ماتسمح ان يوصل وزنها لي 80 او 90 او 100 ..بالعكس تهتم بوزنها وشكلها


وانتي امشي بليل عقب ماتخلصين عشى ..وترجعين تشربين ماي بس وتنامين وراح تضعفين حيل

 

[برنسيسة قطر]

رد: الضعف مووضة . اللي تبي تصير كلآس .. لآزم تضعف..!!

غلا ..

وانتي الصآآجة والله..

الجوو كلش مآ يساعد..
بس ما أدري فكرة النادي احس صعبة شوي..

لأن انا ما أحب العب ريااضة..

بس المشي ممكن.. في أمل..

أم مريووم..
مشكورة على المعلومات المفيدة..

وعسآآج سآلمة حبيبتي..

بس ما عندي مكآن حق الجهاز والا جان شريت..

بيتنا عفسة وقاعدين نبني وحالتنا حآلة..

ملفتة للنظر..

إي والله الرشاقة تحلي وتصغرر ..
وانا فعلا كنت ناوية امشي ف الليل ..
بس زين قلتي لي ان لازم عقب العشى..


تسلموون..

 

[دبدوبه شيك]

رد: الضعف مووضة . اللي تبي تصير كلآس .. لآزم تضعف..!!

شوفي حبيبتي عني وبكل ثقه اقولج من تجربه شخصيه المشي يضعف حيل ويرتب الجسم ويعطي لياقه ونشاط ويخفف عنج ضغوط يعني طلعين معصبه تردين حدج ريلاكس ونصيحتي لج امشي بمجمع عشان الجو كلش اكس مايساعد آتا جذي افتري ساعه ونص بس مشي من قلب مو اللي لج عليه وبالنسبه حق الجهاز انصحج ماتشترينه شوفيني ماكو جهاز ماشريته جنه جيم مسدحين عالفاضي تهبين فيها بالاول بعدين تركن .

 

[كيكه توفي]

رد: الضعف مووضة . اللي تبي تصير كلآس .. لآزم تضعف..!!

بالرياضه الجسم يصير مشدود ومرتب بس العيز اللي فينا استغفر الله

 

[حكستار]

رد: الضعف مووضة . اللي تبي تصير كلآس .. لآزم تضعف..!!

يا حليلج يالبرنسيسه
56 وتعبااااااااااااااااااانه!!!!!!!
ولا ...وطويله بعد!!!!!!!!!
شسوي فيج...اذبحج يعني؟؟؟؟؟؟؟
تبارك الرحمن شتبين اكثر من جذيه؟؟؟؟؟؟؟
عيل نحن يالبطات اللي من 70 وفوق....ولا ...وقصار بعد...شنسوي بحياتنا؟؟؟؟؟؟؟ ننتحر؟؟؟؟؟؟؟
الله يهديج بس.....

 

[برنسيسة قطر]

رد: الضعف مووضة . اللي تبي تصير كلآس .. لآزم تضعف..!!

دبدوبة شيك..
ونآآآسة..
تشجعيين صرآحة..
أحب جذي اللي يعطونج دافع فـ الحيآة < تحسين مأسآآة..
وبخصوص المشي فـ المجمعات..
مجبورة اتحمل تقلبات الجو والرطوبة والحر..
لأن اذا بمشي فـ مجمع..
بيكون تقريبا كل اسبوع..
وانا ابي أكثر من يوم فـ الاسبوع..
بس ما في مانع اذا رحت مجمع.. امشي ساعة كاملة ..
والجهاز .. نفس الكلام قالته لي أمي.

بتتمللين منه بعد فترة..

كيكه توفي..
إي والله العيز مشكلة..
أنا الحين همتي عآلية..
أخاف تنحدر هالهمة..
تصير مشآآكل بعدين..!!
بس إن شاء الله أتم على اصراري..

حكستار..
خخخ..
تدرين .. حسستيني إني أجحد النعمة من قللب..
الحمدلله والشكر على كل شي..
بس تعرفين المثل الي يقول..
ابن آدم ما يترس عينه إلا التراب..
يعني أنا وحدة أجوف اللي أضعف مني..
فـ شي طبيعي أبي أكون مثلهم..
وترى أنا ما اعتبر طويلة وآيد..
وفـ المدرسة بشكل عآم..
والصف بشكل خآص..
أجوف البنات اللي أطول مني بشوي..
دايما أضعف مني..
يمكن لين نزلت وزني شوي..
يبين طولي ويبرز .. مادري..!!
والحمدلله والشكر على النعمة مرة ثانية ..
برنسيسة قطر..

 

[ღسكرღ]

رد: الضعف مووضة . اللي تبي تصير كلآس .. لآزم تضعف..!!

ترى المشي حلو وممتع بس اهم شي ان يكون احد معاك بدل الزهق
لكن نصيحه مني اذا رجعتي البيت لاتاكلي او اكلي روب او خس لو خيار

والله يضعفك ويضعفني معاااك

 

[برنسيسة قطر]

رد: الضعف مووضة . اللي تبي تصير كلآس .. لآزم تضعف..!!

سكر..
إي إن شاء الله بخلي حد يمشي ويآي..

وسالفة مآ آكل شي عقب المشي..
إن شاء الله .. الله يقدرني..

ونضعف انا وياج بصحة وسلامة..


آميين..

برنسيسة قطر..

 

[ام سلمان 2007]

حبيبتي المشي يضعف ويرتب الجسم امشي كل يوم حتى لونص ساعه وتعشي مبجر يعني الساعه 8 تكونين متعشيه وخالصه بس في سؤال محييرني انتي تبي تضعفين ولا تبي تختفين ؟؟!!!( :

 

[برنسيسة قطر]

خخخ..
أم سلمان..
مآبي أختفي .. بس أبي جسمي يكون مرتب ومتناسق..
وسآلفة العشآ..
بحآول آكل من وهـل..

برنسيسة قطر..

 

[عقارية]

بالتوفييق

 

[nono93]

اي والله الضعف يحليييييييييييييييييييييييييييي

اسمعي مجرب المشي يضعف امشي باليوم ساعه خمس ايام باليووووووووووم ولمده شهر ورااااااااااح يصير جسمج روعه

 

[برنسيسة قطر]

عقآرية..
تسلمييــن..

الحنونة دائما..
مشكوورة ع التشجيع والنصايح..

برنسيسة قطر..

 

[Ms Ferro]

الله يهديـك وزنـك حلـو كتييير ,

انا وزنـي 51 وطـولي 168 بس بحـآول ازيـد الوزن ,,

 

[برنسيسة قطر]

مس فيرو..

يمكن وزني حلو صج..
بس آنا ما أجووفه جذي..!!
أبيه يكون متناسق ويترتب شووي..
ويآرب تزيدين وزنج شوي بصحة وعآفية..
برنسيسة قطر..

 

[دكان الفريج]

ياربي الضعف صج يجنن ويحلي ويصغر ويخليج كلج انوثه ودلع \انا داشه نادي وهاريه عمري بس عشان بنزل خمسه كيلو
يعني انا الحين 67ابي اكون 60 ومو راضي ينزل وزني شسوي بعمري مع اني امشي ومخففه اكل
ككككككككككك احباط صح شكلي نزلت من معنوياتج بس يمكن من وحده لي وحده تفرق
ودمتم سالمين لوووووووووووول

 

[الحراير]

وزنج حلو بس من كلامج عرفت انج توج صغيره يمكن مايناسب عمرج
واذا علي جهاز المشي نصيحه لاتشترينه انا شريته ومليت
والمشي برا افضل مع رجيم او تخفيف عن تجربه
وتقبلي مروري