الطعن بسمعة انسان ماتعرفه ؟؟

[Patcholli]

صباح الخير ..:eh_s(17):


شخباركم بنات ديرتي الغاليات .. عساكم بخير وصحه ..

الموضوع هذا حيل يظايقني ويلوع جبدي لما امر فيه او اواجه انسان من النمونه اللي بتكلم عنها بالموضوع ..

الناس اللي تحكم وتألف وتطعن بناس ثانين مايعرفونهم بكل بساطه وبكل سهوله

خل اشرحلكم اشلون
واعطيكم مثال مختصر عشان توصل الفكره :

كنت عازمه مجموعه من صديقاتي وكنت عازمه وياهم صديقه اهم مايعرفونها وحبيت اعرفهم على بعض
باختصار هالصديقه قصتها مأساويه ويوم اتيمعنا بطلت قلبها جدام باجي ارفيجاتي وقالتلنا قصتها المأساويه واشلون اهلها كانو مايبونها واهي صغيره وان خالتها ربتها والقصه طويله حيل ..مابي ادخل في تفاصيلها

للاسف وحده من صديقاتي الموجودات ساسرتني و اصدمتني يوم قالتلي .. (( أكيـــــــــــد بنت حرام من جذي امها ماتبيها ..!!! او يمكن امسويه شي من جذي اهلها مايبونها .. طبها مسويه شي تقصد انها والعياذ بالله امارسه الفاحشه ومسوده ويه اهلها للعلم البنت متزوجه وعندها عيال @@ ))
امبيه يوم قالت هالجمله انشليت والله انصدمت وانصعقت ولاعت جبدي من تفكيرها المتخلف ..!!
امبيه انتي اشلون أكدتي انها جذي ..!! اشلون طعنتي بنسب البنت وبشرف امها بهالسهوله
وليش سوء الظن على طول يعني
فوق ما البنت متعذبه وتبجي ليل نهار بسبب معاملة اهلها ومحتاجه احد يوقف معاها ويواسيها انتي جذي وصختي مخج وطعنتي فيها ..!! ويع والله لاعت جبدي واتحسفت ان يمعتهم ويا بعض
قولي امها مريضه امها معقده مثلا او مها قلبها قاسي
بس مره وحده تطعنين بنسب البنت ليش ..!!

بنات اشلون في ناس مخوخهم جذي قفل ..!!
على كيفها تفسر
وعلى كيفها تألف
وعلى كيفها تطعن
والمصيبه تجذب وتصدق الجذبه و توثقها بتخمينات وفرضيات وتأليفات من مخها ..!!!!!!!!!!!

واي والله الزمن صار يخرع الواحد يكون قصده ونيته بريئه ويلاقي الناس يسيئون الظن ويطعنون فيه ويزيدون همه

والله شي يلوع الجبد فعلا يلوع الجبد ..!!
​

 

[PuPa^^SWeeT]

وااايد الناس استسهلت امر الطعن و القذف و اللعن





للاسف وااايد ناااس الحيين


واتلاقين حريم صغاااار وكبااار



يقذفووون بشرف وحدة وياهم بالدوام


ليش اختلفووو وياهم



واهيا تقدف لانه البنية ماعليها غباااار ولا فيها من اللي اتقووله الحقوودة



بس شتقووولين


هالشاكلة كااافي اتطييح من عيينج


وماتبينها بحياااتج بالمرة

 

[أبله شقحه]

والله انج صاجه والموقف الي قلتيه انا شفت نفسه وايد حسبي الله فيهم مايخافون من ربهم

 

[ديانا سبنسر]

شكثر اللي يطعنون بسمعة الناس والمصيبة بدون دليل أنا أقول هالناس ما يخافون الله ما يدرون انه ورآهم. حساب. وعقاب

 

[الزورق222]

مجتمع غابه للاسف والسمعة عندهم عادى يشوهونها وبكل بساطة ..
لكن ربي سيعاقبهم ..
التحدث بسمعة الناس تنتشر بين النساء بكثرة وقليل الرجال اللى يتكلمون باعراض البنات الا اذا كان مو رجال يعنى مراه وراعى سوالف مو رجال ..

 

[manoooram]

Patcholli
عدل كلامج باللي قلتيه بدل ما تهدي خاطرها وتواسيها تلف الموضوع بهالشكل !
حرام والله يعينها على الوضع اللي هي فيه صديقتج

شكرا ديانا سبنسر
اذا هالانسان مفضوح جدام الكل وبدليــل
وصاير فرجه للكل شهد وحضر غرامياته وبلاويه و سواد الويه اللي يسويه

هذي مشكله وهو اللي ياب الحجي حق روحه

 

[ناتشوو]

علشان تفكير مجتمعنا
لازم الوحدة تكون حريصة ع سمعتها
وتبتعد عن اي شي ممكن يشوه سمعتها
هالكلام حق بناتنا الصغار في المنتدى
لاتقول انا ماشيه صح كيف الناس
لا
احنا عايشين وسطهم
ولازم ندير بالنا ع سمعتنا اللي هي جزء من سمعة الأهل

كذلك الوحدة
لا تفتح قلبها وتقول كل أسرارها لأي احد
يعني صديقتج
باتشولي تكلمت وسط ناس
اول مرة تشوفهم ولا تعرف تفكيرهم
وشوفي اشلون وصل بصديقتج الثانية
التفكير

وأخيرا اللي يتساهلون
بالطعن بسمعة وأعراض الناس
ترى عذابهم عظيم
حتى لو كانو صاجين
اشلون اذا بس تخمين
وفي أحاديث صحيحة
تبين هالشي
الحمدلله الذي عافانا مما ابتلاهم
وفضلنا ع كثير ممن خلق تفضيلا كثيرا

 

[manoooram]

تسلمين ناتشو على النصيحه
فعلا أحيانا يخونا لساننا ونقول ونكون صاجين بكلامنا ما تبلينا بالكلام
بس غلط هالشي وما يجوز والله يغفر لنا

 

[PuPa^^SWeeT]

صاااجة يا ناتشووو


من عظمة الطعن بالشرف و القذف



النااااس قامت تستسهل الموضوع



واتقووول كل من يتحجى




ولا كل من قال ولا كل من شاااف



لكن اهم شافووو بعيوونهم


الاكيييد لا


بس الله يغفرلهم يغتابون عرض الناس




مثل صاحبة الموضوع صاحبتج شرحت ظروفها فقط


وذيج ما شالله سيدة فبكرت قصة و صدقتها



مايفكرووون انهم مثل اللي ياكلووون لحوم الناس واهي نيااا





الله يغفرلهم ان شالله

 

[عادت ذكرياتي]

الغيبة ما تجوووووووز


*** ذكرك أخاك بما يكره ***


لا حول ولا قوة إلا بالله


الرسول صلى الله عليه وسلم لما عرج للسماء شاف ناس يقرضون شفاههم ولما سأل عنهم صلى الله عليه وسلم قالوا له بما في معناه :: هؤلاء الذين يقعون في أعراض الناس .


هذا أولا .


ثانيا :::


مما يشتمل عليها يوم القيامة ((( القنطرة))) وهي اللي يقتصون فيها للمظالم كل مظلوم ياخذ حقه ومن هالقبيل


الله يهديهم إذا في أحد ينبهم عن عواقب الغيبة وعن يوم القيامة يمكن يخافون ويحاسبون على كلامهم ...



ثالثا::: الدنيا دوارة ،،، ويمكن هي ينقال عنها بعدين هالحجي واكثر من جذي الله المستعان.


هالنوعيات ما أحب أترك لهم مجال يا إما :::


أقوم من المكان اللي هم فيهم أو إني أنصحهم بحجي حلو إذا تيسر لي .


ويا بنات نقققققققققطة مهمممممة :::


البنات اللي يسمعون للحش مو هم اللي يحشون ترى يعتبرون مشاركين في الأمر هذا


جاء في حديث بما في معناه::: من خذل امرئ مسلم في موضع تنتهك فيه حرمته أو ينتقص فيه من عرضه خذله الله في موضع يحب فيه نصرته .



والله أعلم ^_^


والله يهدي الجميع %%%

 

[mf6nt el3lat]

ببساطه ماااااكو أخلاق !!
بس بيتكلمون لمجرد الكلام عادي عندها تطعن بمنو بس يبون يهذرون

حلوج تنفتح ما تسكر !

واذا كلمتيها ليش تطعن تقولج take it easy شفيج مكبرة السالفة ... ؟؟؟

*ترى في عاهات واجد بمجتمعنا .. اللي يطعنون بالناس .. اللي يصنفون الناس على مزاجهم طبقية عندهم كل شي ... اللي شغلهم الشاغل حجي خلق الله حتى لو على حساب انفسهم ... مشاكل واجد ... كله عشان وقت الفراغ صج والله عندنا فراغ شنسوي انتكلم بهذا وذاك .. نعيب على خلقة هذا واصل هذاك .. والدنيا ماشية ....

 

[mf6nt el3lat]

ايي وسالفة اذا تهاوشت مع وحده اروح اطلع عنها سوالف واطعن من وراها والشي المقزز انه حتى الرجاجيل يتكلمون بشرفها لأن الاخت بتاخذ حقها منها فطعنت فيها وبعض الناس يطبلون لها .. ! والله هالشي واصل حتى بتويتر تلوع جبددج

 

[coralia]

لاحول ولاقوة الا بالله هذا بسبب ضعف الوازع الديني لان الامر خطيير جدا قذف المؤمنات المحصنات الغافلات من السبع الموبقات
​

 

[ـمبروكةـ]

لا حول و لا قوه الا بالله
اللحين الزنا و هو زنا ما يثبت الا باربع شهود شايفينه بعيونهم و هم مستسهلين الكلمه
الناس تحب تنتقد بدون سبب هالايام مره الدنيا والناس صاروا ينرفزون
استغفر الله يا رب ما يجي اليوم اللي اصير من الناس اللي تستسهل القذف و الغيبه

و لو انا منك وريتهم العين الحمرا قليلات الادب

 

[دلوعة أبوهآ]

الانسآن ممكن يقول شي بحسن نيه وطيبة قلب
والنآس تفسر بالطعن

 

[حبي بيرين]

لاحول ولاقوة الابالله اف ليه الناس كذا لو انا منكِ كان قلتي لو انتِ صاحبه السالفه ترضين اقول عنكِ الكلام واطعن في سمعتكِ صراحه ناس تنرفز خلاص اجل اقول كل اللي في بالي دام انكِ واثقه من ظنكِ

 

[ماكواسم2]

حبيبتي ترى رفيجتج قالت لك من باب حبها لج وعادتج مثل اختها مااعتقد راح تمشي وتقول .فتكلمت باللي تفكر فيه

والغلط من صاحبة المشكله قاعده تنشر غسيلها وغسيل اهلها على الملأ وحق اللي يسوى وما يسوى يعني مخلية روحها فرجه وسالفه

 

[نهى الأحمد]

يا هلا وغلا حبيبتي باااتشووو




لي باك للرد على الموضوع

 

[JANAA]

مشكورة حبيبتي على الموضوع الهادف فعلا يا قلبي ربي يفرجها على صديقتك ويخفف عنها ويفرج كربتها ويحنن قلب اهلها عليها

خذي اصبحت فاكهة الجمعات الا من خاف ربي وكثير نسمع بنات الدوله الفلانيه اخلاقهم وسمعتهم وكذا وكذا وشملت بهالوصف الي متقيه ربها والي محافظه على بيتها والي تراعي اعيالها وربها فشملتهم كلهم وتاكد بكلامها وتقول نعرف عن خرابيط بناتهم طيب مو حرام واصبح قذف المحصنات الغافلات الي رب العالمين ما يرضى عن هذا الشي ابدا ابدا

حتى لو شفتي شي عن وحده غلط او سمعتي عنها ادعوا لها بالهدايه والستر وبيكون لكي الاجر عند رب العالمين

 

[اليقظة]

حسبنا الله ونعم الوكيل بكل شخص يتكلم بإنسان بالسوء ويشوه سمعته او شرفه يلقاها بأعز اهله​