الطفل الرضيع هل يعيق في السفر (( للأهميه ))

[تتوفه]

السلام عليكم بنات ..

شلونكم ..؟

حابه أفتح موضووع مع البنات اللي سافروا مع عيالهم الرضع للدول الأجنبيه
و بالاخص استراليا ...

عندي سفره لاستراليا و معي طفل رضيع بيكون عمره 6 شهور في وقت سفرتي ... و اهو يرضع طبيعي
و انا ابي اعرف شنو الصعوبات اللي ممكن توجهني هناك و شلون اتغلب عليها مع الطفل
وايد يقولون السفر مع الرضيع مشكله خاصه بالدول الاجنبيه ...
سالفه الترضيع و التغيير هل هي حقيقه صعبه جدا او متعبه يعني لازم مكان صااد و حمامات عزكم الله فيها مكان للتغيير ؟!!!
و إذا رحت مكان فيه حديقه شسوي ؟؟؟؟
بنات ساعدوني تكفون
ابي رايكم .....

 

[بخـــارى]

اذا في مجال مايروح يكون احسن بس المشكله بالرضاعه

اهناك كل شغلهم ومجمعاتهم مهيئه للاطفال
بس الرحلات راحت يقيدج بالحركه
ودي معاج عربانة الياهل وايد مهمه

 

[احلى فوووفه]

استراليا كلها رحلات ومشي راح تتعبين معاه واهيه حلوه حق يهال بس فوق ال 4 سنين لان فيها العاب وملاهي فماتاخذينه احسن لانج ماراح تستانسين واهو راح يتعب من الجو والطياره واللويه

 

[تتوفه]

واي ضاااق خلقييييي
مشكوره حبيبتي بخارى ما قصرتي ...
تهقين لو اييب معاي العربانه بتخفف عني كل هالمشقه .. عادي لو ارضع طفلي بأي مكان لو اغطي نفسي عدل ولا هالشيء غير مرغوب باستراليا

أحلى فوووفه مشكوره هم ما قصرتي ...
راح يتعب !
اممم يعني ماتنصحيني اسافر معاه ؟

تهقون ما يناسب !!!
هالدرجه راح يتعبني ؟؟؟
ما ادري ياليت تخبروني بتجاربكم ..

ماكو طريقه تسهل علي كل هالمشكلات ؟

 

[أم الفارسة]

حبيبتي نتوفة معاج احد غير ريلج ولد او بنت حليوه تساعد ومرات سالفة شفط الحليب قبل الطلعة تساعد لان في المهرجانات صعبة ترضعين وهم يفرق ولدج هادي اوصياح انه سافرت ماليزيا مع 6 شهورلاني ما اخلي عيالي عند احد ، بالقروب كانه شي غريب بس انه مرتاحة وبنتي كانت هادية وعطيتها حليب مساعد واكل معلب في وقت الطلعات وباقي عيالي حليوين يساعدوني يمكن ضحيت ببعض الالعاب بس النهار طويل والطلعات وايد مع العلم اني ثلاث مدن أو اربع 2ماليزيا و2 تايلاند بس العربانة معاي بكل مكان اهية سرير واهية تغيير وحق الاغراض بالسوق يعني مسكينة الله يعافي سنتر بوينت نفس مواصفات شيكو

 

[كويتية أصيله]

اخذيه معاج بس وديله ملابس شتويه.. ترى برد......... عادي الأماكن مجهزه احسن جهاز وهو صغير يعني ماراح يحوس ما يدري وين الله غاله.........اهم شي الرضاعه الطبيعيه الاماكن نظيفه وممتازه .....ولا تنسين ادويته

 

[بريق]

انا نفسج محتارة شفت موضوع عن سفر الاطفال ومحتارة

ودي نسافر بالصيف جولة باوروبا وعيالي 4 سنين وسنتين .. ومادري هل بيتحملون التعب
وشلون الاكل هناك .. والروحة والردة والمشي

اللي جربت عفيه ختقلولي ولا اخليهم .. المشكله امي ما تحمل ازعاج واهم متعلقين فيني

 

[q8tiaa81]

انا سافرت مرة مع ولدي 6 شهور ومرة مع ولدي الثاني تسع شهور صراحة ماقدر اخليهم عند احد قلبي مايطاوعني وتخيلي ولدي الاول كنت مسافرة سوريا اللي ماكو ولامكان مناسب حق تبديل ياهل بس قزرت ولندن حمدلله كل مكان موجود غرفة للرضاعه ومكان تبديل حفاظات ومكينة حفاظات بعد كل شي متوفر حمدلله واتأذى شوية معاه ولايصيرله شي ولايبجي يفقدني ولا احد يتأذى فيه صدقيني وفريله كل شي وماراح يحن بدليه ورضيعه وخليه شبعان انا ولدي ماكان يبجي الا اذا ياع والله يوفقج

 

[زعفران العتاب]

أنا بعد ولدي سنه وسبع الشهور تهقون راح يتعبني راح نروح أوروبا كذا دوله

 

[ام مهاوش]

انا نفس الشي ودي اسافر عقب ما اطلع من الاربعين وعندي بنتي عمرها سنتين افكر اخلي البيبي عند امي واخذ بنتي اللي عمرها سنتين بس اخاف اتعبني وتتعب والله محتاره وهم محتاره مادري وين اي ديره اروح اذا اهيا معاي

 

[لولوة الكويتية]

لا عادي أخذيه معاك استراليا بعيده وراح تولهين عليه

 

[الأميرة كيرارا]

حبيبتي آنا مو رايحة استراليا بس أعتقد إن من ناحية تبديل و رضاعة راح تلقين مسهلين كل شي
و هالدول السياحية تهتم بهالأمور بس ماتشوفين إن الرحلة طويلة عليه بالطيارة
إذا بجى من عوار الإذن من ضغط الطيارة طول الرحلة شراح تسووين

 

[بخـــارى]

شوفي من ناحية الرضاعه مايقولون شي ولا يستنكرونه بس ستري نفس وعادي

 

[FeShinGoOo]

حبيبتي على حسب طبيعة ولدج اذا مو حنان اخذيه .. عشان لا يأذيج بالبجي .. وخصوصا بالطياره والظغط الجوي والتخظخظ ..
بس خوفج يمرض اليهال بالسفر خصوصا الرضع بسرعه يمرضون اسم الله على وليدج ..
اتوقع هاذا العائق الوحيد وبالنسبه للتمشي وغيره الله يخلي العربانه اتمشي ودزيه :/ والله لو عربانة حق الشوبينق ماتعبنا
بالعكس روحي واستانسي وخلي ولدج وياج حرام راح تولهين عليه ويمكن ما تستانسين

 

[q8tiaa81]

لازم نتحمل مسؤولية عيالنا لو احنا مثل الاجانب ماعندنا مكان نحط عيالنا وامنا بعيدة عنا وماعندنا خدم شبنسوي عيشوا التجربة شوي

 

[Dua'a]

حبيبتي آنا سافرت مرتين مع بنتي و كان عمرها ما شاء الله 6 شهور و ترضع طبيعي
بس الصراحة استانست معاها
بالنسبة لي أحسن من اني أخليها مع أهلي
طبعاً أكيد السفر مع الياهل غير .. بس سوي هالأشياء و ممكن تساعدج وايد :-
1- اشتري غطا الرضاعة الطبيعية من سنتربوينت أو فصلي لج واحد لونه أسود مثل هذا
http://www.amazon.com/First-Years-N...0WEK/ref=sr_1_6?ie=UTF8&qid=1303122804&sr=8-6
و رضعي وقت الإقلاع و الهبوط عشان ما تتسكر أذن البيبي
و رضعيها لما تطلعين بأي مكان ترتاحين له و انتي معاج غطا الرضاعه و ان شاء الله ما تحصلين اي تعليق لأنه ما راح يبين شي

2- مثل ما قالوا البنات اخذي عربانه فيها مستويات عشان تصلح انه تغيرين حفاظة البيبي عليها لو ما حصلتي مكان تغيرين فيه

3- اخذي معاج ألعاب يديدة للطيارة

4- اخذي ادوية (بنادول للبيبي - دواء حساسية مثل fenistil )

5- هذي لزوجج اذا عادي عنده يلبسه
http://www.amazon.com/Infantino-200...s=baby-products&ie=UTF8&qid=1303123279&sr=1-1
واايد حلوة و فادتنا و البيبي ساعات يحب يكون امعلق و يشوف الناس :eh_s(15):

و ان شاء الله تستانسون بالسفره :eh_s(7):

 

[تتوفه]

ام الفارسه ----- المشكله ماعندي احد ،، بس انا وزوجي و البيبي ... الشفط و العربانه مهمين صحيح كلامج

كويتيه اصيله ---- شي حلو ان الاماكن مجهزه للطفل

Q8tiaa ---- لازم مشقه بس مو بدرجه انج تكرهين سفرتج و كل الروحه اذيه باذيه

زهره ذبلانه ----- معلومه مهمه جدا ... عيل ضروري اشوف الدكتوره وايييب معاي الشفاط

لولوه الكويتيه ----- فديته اكييد بشتاق له لو اروح و اخليييه

الاميره كيرارا ---- هذا اللي ذابحني خايفه يتعب من طول الطيران

ام ابيها ---- الله يسمع منج و يصير هاااادي

Dua'a --- ريحتيييييييييينيييي و الله راحت عن بالي هالحماله و الغطااء
بس اللي مستغربه منه الرضاعه بوقت الاقلاع و الهبوط
اخاااف يشرق او ما يرضوون الطياره
انتي جربتيها و ما صاااح ؟!!

 

[Dua'a]

ام الفارسه ----- المشكله ماعندي احد ،، بس انا وزوجي و البيبي ... الشفط و العربانه مهمين صحيح كلامج

كويتيه اصيله ---- شي حلو ان الاماكن مجهزه للطفل

Q8tiaa ---- لازم مشقه بس مو بدرجه انج تكرهين سفرتج و كل الروحه اذيه باذيه

زهره ذبلانه ----- معلومه مهمه جدا ... عيل ضروري اشوف الدكتوره وايييب معاي الشفاط

لولوه الكويتيه ----- فديته اكييد بشتاق له لو اروح و اخليييه

الاميره كيرارا ---- هذا اللي ذابحني خايفه يتعب من طول الطيران

ام ابيها ---- الله يسمع منج و يصير هاااادي

Dua'a --- ريحتيييييييييينيييي و الله راحت عن بالي هالحماله و الغطااء
بس اللي مستغربه منه الرضاعه بوقت الاقلاع و الهبوط
اخاااف يشرق او ما يرضوون الطياره
انتي جربتيها و ما صاااح ؟!!

لا بالعكس ،، اهوه أهم وقت ترضعين فيه عشان ما تنسد أذونه (هذا كلام الدكاتره) و بنتي الحمدلله ما صاحت (كل ما رضعتي البيبي أكثر كل ما ارتاح)
و بالنسبة ل سياسة الطيران بخصوص الرضاعة الطبيعية .. كلهم يرضون بس بشرط انه تغطين نفسج (طبعاً هذا للأجنبيات لأنهم مرات يرضعون و ما يغطون نفسهم! )
و لما اتدشين الطيارة راح تسألج المضيفة اذا تبين ماي حار للمميه ، بس قوليلها انج ترضعين طبيعي (بالإنجليزي i will breastfeed ) :eh_s(15):

 

[جوري 2007]

اوروبا والا اي ديرة كلش ماانصح باليهاااال اقل من 3 سنين

مو المشكله بالرضاعه بالتحديد ،، المشكله بكل شي !

الطيارة وحطي بالج مشوار 8 ساعات هذا اذا نازلة ترانزيت مكان بس اذا بدون ترانزيت راح تكون حول 12 ساعة !

غير الرحلات والروحات والاسوقه

حطي في بالج انه الياهل ينام بطريج السيارة او القطار ولكما تردين الفندق تلاقينه صاحي ويبي يلعب وانتي هلكانه من التعب وتبين تنامين

 

[خزامى]

انا رحت استراليا وكان معانا اسعوديين وبيبي بو اربع شهور ماعاقهم ماشاء الله بالعكس تتحكمين فيه اكثر من بيبي بو سنة اللي يمشي ويحبي روحي وتوكلي على الله