العاب اليهال

[pinky72]

السلام اشلونكم وشخباركم وانا اتصفح بالمنتدى عجبني منتداكم بما اني عندي مشكله بالترتيب ومو عارفه ارتب الاغراض لانه شقتي صغيره وعندي العاب عيالي ماخذين مكان ومثل ماتعرفون العاب الصبيان شنو غير سيارات وكور مافي حاطتهم بصناديق وهم احس ماخذين مكان ولو عندكم فكره ساعدوني اذا مافيها كلافه عليكم وشاكرتلكم

ويعطيكم العافيه​

 

[بتبوتااا]

شوفي حبيبتي حطي الالعاب الكبيره مثل الدبب والسيارات حطيهم فوق الكبت بشكل حلو ومرتب والالعاب الصغيره يبيلج نجار يسويلج رفين بالطوفه وحطي الالعاب عليهم بشكل حلو وانشالله اكون فدتج حبيبتي

 

[coca^cola]

فيه صناديق بلاستيك من ايكيا حق العاب الياهال ملونين و يصير تركبينهم فوق بعض عشان ماياخذون ماكن وايد او استري لهم سلال اللي ينحطون تحت اسراير حق العابهم

 

[زيـنـه]

سوي تصفيه على العابهم .. المكسور و اللي ضايع منه قطع .. قطيهم فتخففين من الزحمه .

و شوفي افكار ايكيا بالتخزين

 

[Swan]

سوي تصفيه عليهم على طول
واللي مخترب او ما يلعبون فيه قطيه
وسوي لج صندوق العاب مستطيل بس مو رفيع وايد وحطي فوقه كوشيات
يكون اهو صندوق ألعاب واهو قعده حلوة حق اليهال وشكله مرتب ومناسب غرفهم
ان شاء الله تكونين فهمتي فكرتي

 

[pinky72]

يعطيكم العافيه ومشكورين على الردود والمساعده​

:ada::ada::ada

 

[زهرة اللوتس]

عندج ايكيا وايد عنده تشكيلة حلوة من صناديق العاب اليهال

 

[ســــــــــما]

انا عندي فكره وايد حلوه حق الالعاب

تعرفين السوالف اللي تتعلق بالسقف في منهم وايد في ايكيا

مثل شبك تعلقينه بسقف الغرفه يشيل كميه لا باس فيها من الالعاب

وفي سوالف ثانيه تتعلق روحي شوفيه

 

[sonwaf]

ايكيا ماخلت شي كل اشياء التخزين فيها