العروس

[اميرة البسمه]

لبسوها ذهبها وسفروها عروس------وضيقو عقبها ياسعود دار الصباح
سافرت عن عيوني والخفوق محموس-----وكل مابعدوها زاد قلبي جراح
ياصدى عالم افراحي لحقك الهجوس------والهواجيس تسري يوم جرحي مباح
في غيابك حياتي للجروح محبوس-----وفي حضورك نسانيس المطر والرياح
كل مامر طيفك والغرام محروس-----هلت دموع عيني وثاير الشوق فاح
اه ياحظ يلي من عرفته عبوس-----كل ماطاب جرح يجيه جرح افتتاح
الليالي شقاء والهم منخار سوس-----والوتر والقصايد فيه ماتستراح
والدروب الطويله واختلاف النفوس-----والعتب والهدايا والزعل والسماح
والظنا والرفاقه والفخر والفلوس-----ماتعوض غيابك ياسبيل القراح
والبنات العذارء والطرب والكؤوس-----والعجايز معاهن لابسات الوشاح
مايسدن عني غيبتك يالعروس-----لويجني حبيبي كل ليل وصباح
شوف جرحي ينادي لك وحالي عبوس-----وكل جرحن ينادي يالغلا لك وصاح
وانت ناوي فراقي شوف حرب البسوس-----شوف بين الضلوع حروب جرح ورماح
وكان لك في غايه ياعذاب الهجوس----وجه الدرب صوبي عقب مادمع طاح


منقوله لشاعرها

مبارك المطيري​