مررحبا كويتيااات
هذي قصيدة عجبتني حيل فقلت
انزلها ونحرك القسم شوي لانه ميت
ياوسع صدري مير للضيق مرهـون
وإن ماتوسـع كلـه يضيـق كلَـه
يمشي تحت رهن الإشاره على الهون
وترمي عليه مـن السلـوك وتتلَـه
وسلوكها ما بين ناشـف ومدهـون
وصدري ليا قامـت تلامـس تعلَـه
أحيان أجامل وأترك السـد مدفـون
وأضحك ما بين الخطَـر المسفهلَـه
وأحيان أجي مشحون واروح مشحون
وأقول مـن يعقـد احجاجـي يفلَـه
ثلاث تحكمني ولا قلـت وش لـون
المعرفـه و العاطفـه والجبلَـه
العقل صاحي لكن القلـب مجنـون
والكـل منهـم نظرتـه مستقلَـه !
ياصاحبـي مـا للمحبيـن قانـون
والحب لغـز ولاعرفنـا نحلَـه
قلبك مثل قلبـي مكبـل ومسجـون
أحـرار ميـر اقلوبنـا مستحـلَـه
عسى الغلا لازال بالحفظ والصـون
والله يبـيـحـه لاتغيـر مـحـلَـه
أهديتني جمره علـى راس غليـون
وأهديتك من العمـر شيحـه وفلَـه
ورغم اختلاف المد لازلـت ممنـون
والشوق ياخذنـي علـى كـل ملَـه
فوحت دمي لين صار أشقـر اللـون
وأخذت مـن مجـراه فنجـال دلَـه
ماغير أغني فيك لو كنـت مغبـون
يامل قلبي من غرامك يامـن لَـه !
دايم ضحايا العشق لإجله يضحـون
كم فاض من كثر الضحايـا سجلَـه
وأنا غديت بحكـم فاتـن ومفتـون
راضي بحكم الحـب والحكـم لله
وإن قام يكبر بيننا شاسـع البـون
أرفق علـي وشاسـع البـون قلَـه
عز الله إن الشك ماهـوب مامـون
سيف الجفـا البتـار يمكـن يسلَـه
أقنع لو أن الحال من دون فـي دون
و اخذ الكـلام اللـي عليـه الأدلَـه
لاتشتكي لي والعرب وش يقولـون
شكـوا لغيـر الله تـراهـا مـذلَـه
:eh_s(17):
