العلاج بالبدله

[MALAAK22]

السلام عليكم ورحمة الله وبركاته يشرفني اليوم اسجل عضوه يديده بمنتداكم
ويكفي فيه اسم لكويـــــــــت اللي جد حيل مشتاقتلها لو انلف العالم كله ماكو مثلها
حبيباتي اللي تسأل عن احسن مركز واللي تسأل عن احسن انواع العلاج
انا حاليا بامريكا لعلاج ولدي مصاب بشلل دماغي او مثل مايسمونه ضمور بالمخ فعن خبرتي اسمحولي مادري عن الحالات الثانيه بس اي حاله ثانيه تبون اسألكم تفيد ولا لأ انا حاضر وبالخدمه انشالله
اول شي انا بحثت وايد بالنت عن احسن علاج حق حالت ولدي ولقيت احسن شي العلاج بالبدله وهذا كلام المجربين مع العلم وايد دكاتره مانصحوني واعتقد لقلة خبرتهم يمكن بهالموضوع! وانا بروحي وايد احب الدكاتره فاتبع المقوله اسأل مجرب ولا تسأل طبيب
مابي اطول عليكم العلاج وايد ممتاز والحمدالله ولدي ستفاد وللحين مستمرين بالعلاج واللحين بلشنا بعلاج الاكسجين واتمني انكم تبحثون بالنت عن مراكز البدله وشنو افضل مركز + فوائد العلاج بالاكسجين لانه وايد مايدرون عنه!
وانا حاليا اراسل بمنتدي ثاني وحده تتعالج نفس الحاله بس بمركز ثاني فانشالله اي شي يديد يفيدكم راح اقولكم عنه
واذا تبووون اي استفسااار انا حاضر وبالشوفه
لاتنسون ولدي بالدعاء وجميع المرضى بشفاء انشاالله

 

[الصابرة المحتسبة]

حياج الله بينا
ويعل ربي يوفقكم بسفرتكم ويقر عيونكم بشفاء وليدج .
ومشكورة على التواصل

 

[نونا العتيبى]

حياج الله يا ملاك ,,,,والله يشافي ولدج ويعافيه بس ولدج بأي مركز يتعالج ؟؟؟وأشكثر بتقعدون للعلاج؟؟؟

 

[مشاعل الشمري]

الله يشافي لج وليدج وياجرج
ومشكورين على التواصل
حبوبه

 

[بنت الكويت1]

حبيتي مشكورة على المعلومة بس انتي باي مركز بالضبط وانا كنت بامريكا ولاية ميرلاند مدينة بالتيمور وبصراحة ما استفدت وم عطوني هذا العلاج واحنا الحين بنروح اوكرانيا علاج طبيعي وما عليج امر اذا ممكن تقولين لنا اسم المركز بالضبط عشان اراسلهم

 

[MALAAK22]

هلاا والله حبيباتي ومشكورين ماتوقعت بهالسرعه الاقي الردود :eh_s(15):
انا بمركز ثيربي فور كدز اللي بولاية فلوريدا بميامي وراح احطلكم موقعهم ولهم اكثر من فرع
الاخت بنت الكويت 1 عفوا مافهمت انتو جربتاو البدله ولا للحين؟ ووين وشكثر جربتوها؟! انا تقريبا صارلي 3 اشهر ونص بس بلشنا البدله من شهرين تقريبا لانه لازم يكمل عمره سنتين
العلاج عباره عن 4 ساعات بينهم بريك ربع ساعه + الاكسجين بمركز قريب منهم للي يحتاج اكسجين ساعه
انا انصح اللي بيون بنفس المركز يا عشان البدله او الاكسجين! لانه بس هالاشياء تقريبا اللي يسونها حق ولدي والحمدالله استفاد منها وغير هذا كل ما كان المريض صغير السن كل ماكان العلاج اسهل واسرع
وياليت تقوليلي شنو حالت ولدج بالضبط عشان اذا افيدج اكثر اذا اقدر
ونسيت اقولكم بالاضافه يحطونه بغرفة السبايدر واتوقع لو كان اكبر عندهم يعلمونه النطق واشياء ثانيه واللي حابه تعرف شنو برنامجهم هذا موقعهم
http://www.therapies4kids.com
فيه مقاطع فيديو وقبل كانو حاطين اللوكيشن مواقعهم او فروعهم بس اللحين شالوه من الموقع مادري ليش
وانشالله تستفيدون منه
واللي قتلكم اراسلها بمنتدي ثاني ماردت عليي للحين بس للاحتياط بحطلكم موقع المركز اللي قالتلي عنه في بولندا واللي عرفته يسون اشياء وايد غير البدله والاكسجين وقريت بموقعه انه الاقامه والوجبا وكل شي بنفس المبني جنه عكس اللي انا فيه بس اروحلهم للعلاج بس مادري اذا شطار او ينفع ولا لأنه ماجربته
هذا موقعهم
http://rehabilitationcenter.asia/

وانشالله انفيد ونستفيد ولاتنسونا بالدعاء باذن الله

 

[بنت الكويت1]

مشكورة حبيبتي بس انا ما استخدمت البدلة كان علاج طبيعي عادي وبنتي عمرها 6 سنوات شلل دماغي رباعي اهي الحين تقعد وبدنا معاها الوقفة وتحاول تعطي خطوة والحين بنروح اوكرانيا وفكرت بفلوريد بس خفت لانها مكان أعاصير وهذا خوفنا ومشكورة حبيبتي وانا سمعت انه البدلة مفيدة للي ما يقعدون لكن اللي اقعدوا ما تفيدهم

 

[MALAAK22]

بالعكس مو بس تساعد حق القعده حتي المشي؟! والحمدلله انا ولدي ماكان يقعد ولا يمشي اللحين يقعد وبادي يمشي! وبالعكس وايد حالات شفتها هني فادتهم حق المشي فلاتحاتين! وبعرف شنو بالظبط علاجهم اوكرانيا ومنو قايلج عنها وشكثر ياخذ العلاج وقت؟
انصحج تاكدي عدل قبل ماتسوين اي شي

 

[MALAAK22]

ونسيت اقولج مو بس بفلوريدا لهم اكثر من فرع بكذة ولايه وفي عدة دول بعد وبيني وبينج الجو للحين زين ماشفنا شي واللي عرفته مو دايم اعاصيروترا فلوريدا ولايه كبيره احنا باحد مناطقها بميامي

 

[بنت الكويت1]

انا سمعت انه هذا العلاج متوفر بنييويورك ومصر عند وائل سلام وكان بالسعودية ووايد كنت متحمسة بس والله شكلي بحاول اغير اوكرانيا ونجي حق امريكا مرة ثالثة معني جربتها مرتين وما حسيت فرق

 

[نونا العتيبى]

أختي ملاك الله يشافي ولدج وتشوفينه يركض جدامج ,,آنا أستخدم البدله حق بنتي بمركز step for kids بأمريكا بس فاتحين فرع

جديد بالبحرين ,,خذيتها شهر فبراير كله وحسيت أنه فادها ورجعت لهم صار لي شهر تقريبا ,,وهم بعد القفص اللي يسوون فيه تمارين

وايد وايد زين الحمدلله ,,,وقاعد أفكر أشتري هالشغلات من أمريكا وأسويها عندي بالبيت ,,,وناطرين منج آخر الأخبار

 

[& الذاهبه &]

الله يشافي وليدج

 

[MALAAK22]

مشكورين حبايبي على اهتمامكم ودعواتكم
بنت الكويت 1 شنو بالضبط اللي جربتيه مرتين ومافاد؟!!!
الاخت نونا العتيبي اللي بالبحرين اهو نفسه فرع حق اللي انا فيه بامريكا ماقلتيلي انتي اي فرع رحتي باي ولايه؟ واي نعم هم انا شايفه مثل ماتقولين وايد العلاج ممتاز بالبدله والقفص اللي تقولين عنه غرفه السبايدر او الغرفه العنكبوتيه يساعده الاعتماد علي نفسه بالحركه,, والله انا كنت مفكره مثل ماقلتي اشتري الادوات من امريكا بس بشوف اول جم تكلف وغير هذا لازم احد يعلمني عليها بالاول! فنشالله راح اسأل عن تكاليفهم وراح افيدكم كل شي اول باول
بس ادعولي نقدر نكمل العلاج ونرد لكويت ولدي يمشي

 

[بنت الكويت1]

الله يردكم بالسلامة ويحقق لج كل اللي تتمنينه تشوفينه في ولدج وتفرحين فيه ، انا جربت العلاج الطبيعي مرتين كان عادي مثل الكويت ما عندهم علاج البدلة وحاولت هناك اغير الولاية قالنا المستشفى انه ما في اي علاج مختلف عن اللي عندنا الله يسامحهم وزوجي الحين رافض بشدة نروح امريكا يقول تعبت نفسيا هناك وما استفدنا وااايد عسى الله يبلغ في وليدج وتردون بالف صحة وعافية

 

[MALAAK22]

صرااحه صح كلام ريلج حيل ملل هني وريلي حيل طاقه جبده وده اليوم نرد قبل باجر رايل مايتحملون بس شنسوي عشان العلاج حاولي غصبن عليج شتسوين! وثاني شي البدله ترا للحين مو الكل يعرفها حتي هني بامريكا اشوفها بعيادات خاصه بس وتخيلي المبنى اللي احنا فيه في اكثر من عياده مختلفه فاللي تسوي العلاج حق ولدي مرات تطلع ولدي برا العيدا تحاول تمشيه تروح تحت وتتمشي بالممرات فالناس اللي يشوفونه يستغربون يقولون شنو هذا!
فالمهم اللي بوصله لج المستشفا لمه سالتيهم عشان جذي رداو عليج هالرد لانهم مايعرفون!
وصحيح كلامج اذا بتردين عشان العلاج العادي مايسوي! الا اذا حق البدله
ودي اقولكم علي بشاره بس للحين موو اكيد امس يا مسؤلهم وقتله ليش ماتفتحون بالكويت قال احتمال او نزوركم لمه تردون قصده احنا لمه نرد لكويت حتمال يزور لكويت يشوف الوضع اول وغير هذا قال انا اب اكثر من حاله كويتيه معالجه عندي عشان يكون مثل دليل واضح حق الناس اللي بالكويت! وولدي او لكويتي ايي عندهم فيبون بعد جم حاله اثبات :s فيعني تعالو ياجماعه 1 او 2 وشوفو نتايج عشان اذا خير يفتحون عندنا ونرتاح
بس احنا شلاحناله لكويت غير يصدقون ومتفاهمين ويكفي حاله جدامهم اكبر دليل فنشالله الله يهديهم ويفتحون لانه والله ياجماعه انا اتمني للكل يستفيد وحرام مو الكل يقدر يسافر فيكون عندنا احسن
سووري طولت وعذروني لازم اقوم اودي ولدي
دعووواتكم

 

[الصابرة المحتسبة]

يارب يسهل عليكم

 

[نونا العتيبى]

ملاك ,آنا قصدي أني ييت البحرين لأنها أقرب بصراحه والله شغل عدل بس بمركزكم بجم يحسبون الساعه؟؟؟

لأن هني حيل غالي وياريت يفتحون بالكويت بدال هالعنوه ,,وتصدقين الحمدلله بنتي وايد قاعد تتحسن عليه أسم الله عليها قاعده تمشي وأهي ماسكه الحواجز والله

عيني دمعت وآنا أشوفها تمشي بروحها بدون مساعده ,,هذا كله بفضل ربي والدعاء من الكل جزاكم الله خير,,

 

[MALAAK22]

هلا والله اختي اي الحمدالله زين بس حسافه البحرين ماعندهم الاكسجين
احنا العلاج هني مو بالساعه 4 ساعات واحنا مع اكسجين فمادري اسالج العلاج بروحه جم؟
انا اكثر منج ناطره انشالله يفتحون بالكويت :q8:
مبرووك الف الحمدلله بنتج تحاول تمشي :eh_s(9): وحاسه بشعورج لاني مريت بمثل هالموقف صج ماصدقت في تقدم :eh_s(2): الف الف مروك وانشالله تشوفينها تمشي بروحا وتركض وتشوفينها عررروسه يااارب :wqedqw:
عاد مو تنسين عزمينا :sfg:

 

[MALAAK22]

حبيبتي سالتج عن سعر العلاج بدون الاكسجين
بالشهر 10000$ عشر آلاف دولار
4 ساعات باليوم
5 ايام بالاسبوع

 

[مشاعل الشمري]

الله ياجركم ويفرحكم بعيالكم اللهم آميييين