العلاقه بعد النفاس

[رمانة خضرا]

السلام عليكم ورحمة الله

بنات انا مستحيه شلون ابدي هالموضوع.. بس والله ماقدر اكلم فيه امي ولا اختي .. قلت لكلم خواتي بالمنتدى يمكن خلف الشاشه اقدر اعبر شوي عن مخاوفي
بنات انا الحمدلله ولدت بالسلامه .. جبت بنوته حلوه .. ربي لك الحمد ولاده طبيعيه وخياط تجميلي على قولتهم
السالفه اني خلاص فترة النفاس قضت ولازم ارد بيت زوجي. بس انا خايفه عندي تساؤلات هل المنطقه ردت نفس اول ؟
سوري بنات بس هل زوجي راح يحس ان المنطقه توسعت مثلاً !! سامحوني بس والله امحاتيه واجد اسمع قصص بنات عافوهم ازواجهم بعد النفاس . وخايفه والله
مع اني والله تنفست عدل خذيت كل ادويتي .. بس لما احط فيوسيدين على الجرح احس ليلحين وارم مو نفس مستوى الجلد
وميته خووووووف اشوف بالمرايه لان اطلعت معاي البواسير بالولاده وخايفه اشوف انصدم.
ادري والله انا خوااافه والوسواس اعوذ بالله ذابحني
اخاف شكل المنطقه تغير... واخاف بالعلاقه الاحساس يختلف... واخاف يعور ... وامحاتيه ينفتح الجرح
شفتوووو شلون الوسواس اعوذ بالله ماكلني. احاول افاتح الوالده عسى عمرها طويل بالموضوع بس والله استحي ووجهي يقلب احمر. ساعدوني بنات. شلون الوضع يكون بعد النفاس؟ هل تكون العلاقه طبيعيه نفس اول؟ شلون اعرف اذا فيه توسع؟
ومتى عادة يبدي الجماع عادي بعد الاربعين على طول


سامحوني حبيباتي على زيادة التفصيل.. بس والله ابيكم تفيدوني بخبرتكم

 

[!الجادل الصعب!]

توكلي علا الله دام تجميلي ومتنفسه عدل وماتحسين فيج هوا بتردين احسن من العروس ��

 

[كويتية تكفي مية]

صج انا ماولدت لي الحين بس محاتيه هالشغله مو احاتي الريال كثر ما احاتي روحي ان يعور وايد مع الخياط وينفتح الخياط وشكله يتغير مع الخياط صج تستحين تسألين امج هالاسئله

 

[ناتشوو]

اهم شي الخياط عند منو؟
وبالنسبة للهومات اهم شي فيها محلب
علشان لا يكون في رطوبة

 

[ام ساره 4]

دام مسويه تجميلي ومتنفسه عدل لا تحاتين ان شاء الله كل شي زين

 

[الجمووووح]

انا والله بجريه وبالثامن لي اللحين مافكرت بهالموضوع

حبيبتي توكلي علي الله اللي اسمعه ان البنت بعد النفاس ترجع لزوجها مثل البنت واضيق

بغيت اسال الخياط التجميلي نفسه الخياط العادي

 

[رمانة خضرا]

والله خياطي عند د خالده مجيبل
ولهومي من ام خالد خبيرة الاعشاب

 

[رمانة خضرا]

الجموح
مادري بفاتورة المستشفى مكتوب ولاده طبيعيه
مع خياط تجميلي
اتوقع بدون لا تطلبين من الدكتوره تخيط تجميلي

 

[كويتيه شماليه]

حبيبتي توكلي على الله
ماشاءالله .. دكتوره خالده المجيبل ومتنفسه عدل وخايفه حبيبتي حطي ببطنج بطيخه صيفي وارتاحي
واكيد قالت عن تحاميل البيتادين آخر اسبوع من الاربعين صبح وليل يطلعون كل الماي والوسخ اللي فيج ينظفون عدل


الله يوفقج لاتحاتين

 

[ام ربى]

انا والده عند الدكوتوره سنه 2008 ، و ادويه النفاس من ام خالد
ابشرج امورج ممتازه ، توكلي على الله و لا تحاتين

 

[ع ـبدليه]

ان شاءالله امورج تمام لاتحاتين

بغيت اسألج جم طلعت عليج الولاده لان انا اراجع عند د خالده

 

[أكذب عليك]

الوسواس من الشيطان
ان شالله مافيج الا العافيه
وطالعه من الشر

 

[قلبي متعلق فيه]

انا اليوم طلعتي وجتني الدوره وخالتي عازمه ناس

 

[sosowaty]

و عليكم السلام

اذا انتي بجر انا اقول لاتحاتين

لان البجر يرد مثل ما اهوه

و انتي تقولين تجميلي و متنفسه عدل

يعني حطي راسج و ارتاااحي

و الف مبروك البنوته تتربا بعزكم

 

[نورالدنيا]

دورتك هذه اخت النفاس ولازم تهتمين فنفسك عدل كنك بالنفاس وازيد وتشربين سوائل حاره وتاكلين ادويه وتدفين وتحطين تحاميل لان هالدوره تطلع منك الباقي من النفاس ...خامس يوم من الدوره حطي تحاميل الاكتيول المصريه السودا تنزل كل الماي والرطوبه اللي فيك وتنشف حطيها مره وحده بس لاتحطينها وانتي مخلصه الدوره لان تنزل ماي فيصير المكان مرتخي لحد ماينشف فحطيها مره قبل لاتخلص الدوره بيومين

 

[رضاهم جنه]

مبروك ماجبتي ذكرتيني بجري كنت خايفه ينفتح الخياط ههههههه تري سهالات مدام خياطج زين ومتنفسه عدل تطلعين بنت بنوت

 

[ام فواازي]

بنات ترى مافي شي اسمه ينفتح الخياط لان لما يمر اسبوعين اللحم يلتأم عدل و الخياط يطيح يعني اللحم صاك و ماراح ينفتح شي الا اذا التهب الخياط و طبعا الالتهاب يبين الم وعوار واذا ابتعدتو عن العطور و كليتوا المضاد و نظفتو الخياط من غسول و بخاخ وكريم عالجرح ابد مو جايكم التهاب فارتاحوو مع اني حاسه فيج يوم كنت بجر كنت نفسكم خايفه من هالشي و حتى بثاني بيبي و ثالث بيبي بس الرابع عادي ماكنت احاتي هالشي اكون مطمنه دامني داريت نفسي

 

[رمانة خضرا]

حبيباتي الله يريحكم دنيا واخره

فعلاً الدكتورة عطتني تحاميل بيتادين حق اخر ١٠ ايام

الحمدلله على العافيه بس تصدقون بنات تجيلي افكار اتمني ولدت قيصريه
على الاقل الجرح اقدر اشوفه بالمنظره والمكان مافيه رطوبه

بس اتعوذ من ابليس واقول دام انه طبيعي اكيد اهو الاحسن

 

[Aloe Vera]

تعوذي من ابليس

مافيج الا العافية